Rɔmfuɛ Mun 14:11 - NYANMIƐN NDƐ'N 1998

¹¹ Afin be klɛli i kɛ: «E Min Nyanmiɛn seli kɛ: ‹Kɛ min nyin o su'n ti'n, ɔ man sran'm be kwlaa be wa koto min bo, yɛ ɔ wa fite sran'm be kwlaa bé nuan kɛ n ti Nyanmiɛn .› »

Nyanmien nde Ufle

¹¹ Afin bé klee ke: «É Min Nyanmien sé ke: Ke n ti alulua'n, O man swran'n kwlaa bé wa kôtô m bô, O wa fité swran'n kwlaa bé nuan ke n ti Nyanmien.»

Rɔmfuɛ Mun 14:11 ပူးပေါင်းရင်းမြစ်များ

Jue Mun 72:11

Famiɛn'm be kwlaa be ´koto i bo, mɛnmɛn nunfuɛ'm be kwlakwla be ´su i.

Ezai 49:18

Amun `man amún nyin'n su be nian-nian, amun mma'm be kwlaa b'a yia be su ba amún sin.» Anannganman seli ekun kɛ: «N kan m bɔbɔ min ti! Sɛ be ti bé wun wlawlalɛ like'n, wuun amun ´fa be wlawla amún wun. Sɛ be ti kplo'n, wuun n ´se kɛ amun ´fa be ci amun afiɛn kɛ bla kun b'ɔ su kɔ aja'n ɔ fɛ i cisu ci i afiɛn'n sa.

Zeremi 22:24

Anannganman'n wan yoo: «Se Zekɔnias b'ɔ ti Zozakim i wa b'ɔ ti Zida famiɛn'n kɛ: ‹Kannzɛ a ti kɛ nga wie sa yɛ n fa wlali min sa fama'n su bɔbɔ'n, sɛ m'an yi-man wɔ cɛ'n, wuun nán min-ɔn.

Ezekiɛl 5:11

‹Ndɛ nga min Anannganman bɔ min nyin o su'n n kan'n yɛ: Amun sulɛ bɔ amun waan an ´su min bɔ an su-man min kpa'n, ɔ nin amun tete ninnge mun, an fa yoli mín sua'n i fiɛn. I sɔ'n ti, n wa nunnun amun, n su si-man amun aunnvuɛ kaan sa, n su yaci-man amun lɛ.

Sofoni 2:9

Ɔ man i ti m bɔbɔ min Anannganman bɔ n sie mɛn wunmuan'n, m'an ta nda kɛ sɛ Moab ɔ'a yo-man kɛ Gomɔr sa'n, wuun nán min Izraɛl Nyanmiɛn nin-ɔn. Be lika'n ´kaci njin asiɛ, san ijre tɛtɛ'm be kunngba yɛ be ´fu nun-ɔn, ɔ ´saci mlɔnmlɔnmlɔn. Min nvle nunfuɛ nga be kali'n, be ´fɛn be bo ninnge mun, yɛ be ´fa asiɛ'n yo be liɛ.»

Kalɛ 14:21

Sanngɛ n ti Nyanmiɛn bɔ n lafi-man, yɛ min anyrunnyan'n ɔ yi asiɛ wunmuan'n .

Kalɛ 14:28

Se be kɛ m bɔbɔ min Anannganman n wan yoo: ‹N ti Nyanmiɛn bɔ n lafi-man, yɛ wafa nga amun fa kannin min ndɛ bɔ n tili'n, i su sa yɛ n fa ´yo amun-ɔn.

Matthieu 10:32

«I sɔ'n ti, sran ng'ɔ bo n dunman sran'm be nyrun'n, n kusu m ´bo i dunman n Si b'ɔ o nyanmiɛn su lɔ'n i nyrun,

Rɔmfuɛ Mun 10:9

Sɛ ɔ fite ɔ́ nuan kɛ Jésus ti ɔ Min'n, yɛ sɛ a lafi su kpa kɛ Nyanmiɛn cɛnnin i'n, a ´fite nun.

Rɔmfuɛ Mun 15:9

Yɛ ɔ bali nan be bɔ be ti-man Zuif'n be kusu be `la Nyanmiɛn ase i aunnvuɛ b'ɔ wunnin be'n ti. Afin be klɛli i kɛ: «I sɔ'n ti'n, m ´bo ɔ dunman be nga be ti-man Zuif'n be nyrun, yɛ n ´to jue m ´bo flɛ wɔ.»

1 Jean 4:15

Sran ng'ɔ se kɛ Jésus ti Nyanmiɛn Wa'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.

2 Jean 1:7

Afin sran kpanngban b'a sanndi mɛn'n nun, be laka sran mun, be waan, Jésus-Krist a kaci-man sran. Sran ng'ɔ se sɔ'n yɛ ɔ ti sran lakafuɛ nin Krist i kpɔfuɛ nin-ɔn.

Sa nglô yile 5:14

Yɛ like nnan bɔ be ti kɛ nnɛn sa'n be se kɛ: «Man ɔ yo sɔ!» Yɛ kpɛnngbɛn'm be kotoli sran ng'ɔ ti bia'n su'n nin Bua Gbanflɛn'n bé bo be manmannin be-ɔ.