Rɔmfuɛ Mun 14:10 - NYANMIƐN NDƐ'N 1998

¹⁰ ?Ɔ kpa'n, a fin ɔ liɛ nin bɔ a kan ɔ niaan i wun ndɛ annzɛ a yo i finfin nin-ɔn? Afin be wa fa e kwlaa kɔ Nyanmiɛn ja su.

Nyanmien nde Ufle

¹⁰ ?O kpa'n, a fin o lie nin bo a kon o niaan i wun nde, annze a yô i finfion? Afin bé wa fa é kwlaa ko Nyanmien dyasu.

Rɔmfuɛ Mun 14:10 ပူးပေါင်းရင်းမြစ်များ

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Akunndanfuɛ'n 12:14

Afin Nyanmiɛn wa usa é like nga e yoli'n i kwlaa i su ndɛ. Sa kwlaa ng'ɔ ti fiawa o, ng'ɔ ti kpa o, ng'ɔ ti tɛ o, ɔ ´di be jɔlɛ .

Matthieu 7:1

«Nán an bu sran fɔ man Nyanmiɛn bu amun fɔ,

JÉSUS-CHRIST I DYASIN FE'N BO LUC KLELI'N 18:9

Ɔ buli nyanndra nga ekun kleli be bɔ be bu bé wun sran kpa'n, bɔ be yo sran wie'm be finfin'n.

JÉSUS-CHRIST I DYASIN FE'N BO LUC KLELI'N 23:11

Erɔd nin i sonja mun be yoli i finfin, be srili i, be wlɛli i wun tralɛ klanman kpa nan b'a fɛ i a ko man Pilat .

Jean 5:22

Nán i Si'n bɔbɔ yɛ ɔ di jɔlɛ nin-ɔn, sanngɛ ɔ fa ndɛ'n kwlaa wlɛli i Ba'n sa nun

Sa nga bé yôli'n 10:42

Yɛ Jésus kaleli ye cinnjin kpa kɛ e kan kle sran'm be kɛ i bɔbɔ yɛ Nyanmiɛn sieli i kɛ ɔ di be nga be nyin o su'n nin be nga be wuli'm be ndɛ nin-ɔn.

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Sa nga bé yôli'n 4:11

Jésus sɔ'n yɛ be klɛli i wun ndɛ kɛ: ‹Yɛbuɛ bɔ amun sua kplanfuɛ mun an yili i blo'n. I yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase nin-ɔn .›

Rɔmfuɛ Mun 2:16

Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .