Rɔmfuɛ Mun 14:1 - NYANMIƐN NDƐ'N 1998

¹ Sran nga kɛ ɔ lafili Krist su'n ɔ nian wun-man sa ng'ɔ yo-ɔ ɔ ti su'n i wlɛ'n, an `bu i amun niaan, nán amun nin i si akplowa.

Nyanmien nde Ufle

¹ Swran nga ke o lafii Christ su'n o nian wu'an sa ng'o yôo o ti su'n i wle'n, anh bui amun niaan, nanh amun nin i si akplôwa.

Rɔmfuɛ Mun 14:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 4:3

Wɔ bɔ a kle sran sunman be ngwlɛlɛ'n, bɔ a wla be bɔ be kwla-man nun'n be fanngan'n,

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 42:3

Ɔ su bu-man ndɛ mma nga ɔ'a bli'n. Ɔ su nuan-man kannin ng'ɔ su nuan'n. Ɔ ´kle sa kpa yolɛ'n i atin'n, nanwlɛ'n su yɛ ɔ ´nian kle atin sɔ'n nin-ɔn .

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ezekiɛl 34:4

Amu'an wla-man nga be lɛ-man wunmiɛn'm be nun wunmiɛn. Amu'an yo-man ng'ɔ ti fukɛfukɛ'n i ayre. Nga kannin tuli i'n, amu'an cici-man su, yɛ nga bɔ ɔ'a fa mlinlɛ i atin'n, amu'an fɛ-mɛn i b'a sɛ-mɛn i sin. Amu'an kunndɛ-man be nga be mlinnin mun. Amun yoli be kpokokpoko, amun yoli be tɛtɛ.

Zakari 11:16

Afin n su wa fa nnɛn kankanfuɛ uflɛ kun m ´ba mɛn'n nun. I sɔ nnɛn kankanfuɛ liɛ'n, sɛ be ´kun bua o, nɛ́n i ndɛ-ɔ, sɛ bua ´mlin o, nán kɛ ɔ ´ko kunndɛ i ti-ɔ, sɛ bua wun sanndi-mɛn i o, nán kɛ ɔ ´yo i ayre ti-ɔ. Bua nga be tɛ yo juejue'n, ɔ su ta-man be. Be nga b'a lo lɛklɛlɛklɛ'n be dilɛ cɛ yɛ ɔ si i-ɔ. Bé ja bui tutulɛ'n yɛ ɔ ´tutu-ɔ.

Matthieu 12:20

Ndɛma nga ɔ'a bli'n, ɔ su bu-mɛn i, yɛ kannin b'ɔ fite wɛnsrɛn'n, ɔ su nuɛn-mɛn i lele san ɔ yo man nanwlɛ'n ɔ ´kwla.

Matthieu 14:31

Kpɛkuun Jésus tinngɛ i sa'n sɔli i nun, yɛ ɔ usɛli i kɛ: «A lafi-man n su kpa. ?Nguɛ ti yɛ a lafi-man n su kpa-a?»

Matthieu 18:10

«An `nian amún wun kpa, nán amun yo ba kanngan nga be o yɛ'n be nun kun finfin, afin n ´kan kle amun kɛ, be anz'm bɔ be o nyanmiɛn su lɔ'n bé nyin ta min Si b'ɔ o nyanmiɛn su lɔ'n i nyrun cɛn kwlaa. [

Marc 7:19

Afin nán i anwlɛn'n nun yɛ ɔ wlu-ɔ, sanngɛ ɔ kɔ i klun lɔ, i sin ɔ kɔ i atin nun kɔwlɛ'n nun. Kɛ ɔ kan sɔ'n, ɔ kle kɛ like diwa'n kwlaa ti kpa.»

JÉSUS-CHRIST I DYASIN FE'N BO LUC KLELI'N 17:2

Sɛ be fa yɛbuɛ nin dan kun be minndɛ i kɔmin be yi i jenvie nun'n, ɔ flunman tra kɛ ɔ `saci ba kanngan nga'm be nun kun ti nun'n.

Jean 13:20

Nanwlɛ, sran ng'ɔ ko sɔ sran nga n sunmɛnnin i nun'n, wuun ɔ'a sɔ min nun, yɛ sran ng'ɔ sɔ min nun'n, ɔ'a sɔ sran ng'ɔ sunmannin min'n i nun.

Sa nga bé yôli'n 28:2

Lɛfuɛ'm be ti-man ye aniɛn, sanngɛ be kpa bɔ be yoli ye'n, i wunsu a sɔn-man. Nzue tɔli dan kpa, ayrɛ o nun, i sɔ'n ti be trɔli sin dan kun nan b'a flɛ e kwlaa i wun lɛ.

Rɔmfuɛ Mun 11:15

?Afin sɛ be ase sielɛ kan bɔ Nyanmiɛn sieli be'n ɔ man mɛn nunfuɛ'm be nin Nyanmiɛn be afiɛn a sɛ'n, kɛ ɔ ko fa be ekun'n, ɔ ´yo sɛ? Sɛ ɔ yo i sɔ'n, be nga be wuli'n be ´nyan nguan!

Rɔmfuɛ Mun 14:2

An `nian, sran wie o lɛ'n, ɔ lafi su kɛ ɔ kwla di like'n kwlaa, sanngɛ sran ng'ɔ nian wun-man sa ng'ɔ yo-ɔ ɔ ti su'n i wlɛ'n, aliɛ ngunmin yɛ ɔ di-ɔ, ɔ di-man nnɛn.

Rɔmfuɛ Mun 14:21

Like nga sɛ an yo-ɔ ɔ ti kpa'n yɛ: nnɛn dilɛ o, nzan nɔnlɛ o, nán an yo like fi bɔ sɛ amun yo-ɔ ɔ saci amun niaan-an.

Rɔmfuɛ Mun 14:3

Nán man sran ng'ɔ di like'n kwlaa'n, ɔ yo sran ng'ɔ di-man'n i finfin, yɛ nga kusu b'ɔ di-man'n, nán man ɔ kan sran ng'ɔ di'n i ndɛ, afin Nyanmiɛn bɔbɔ a sɔ i nun.

Rɔmfuɛ Mun 15:1

E bɔ e wun sa sɔ'n i wlɛ kpa'n, man e uka be nga be wun-mɛn i wlɛ kpa'n, nán man e `yo like ng'ɔ jɔ e bɔbɔ e klun'n.

Rɔmfuɛ Mun 15:7

An `fa amun wiengu bu amun niaan kɛ Krist kusu fa amun buli i niaan'n sa, i sɔ'n ba Nyanmiɛn nyrunnyan.

Rɔmfuɛ Mun 4:19

Kɛ be wuli i'n, i blɛ sɔ nun wuun ɔ su wa di afuɛ ya. Kɛ ɔ buli oke bɔ ɔ'a yo'n ɔ nin Sara i ba wulɛ bɔ ɔ'a sin'n i akunndan'n, ɔ nin i sɔ'n ngba, ɔ'a yi-mɛn i wla'n Nyanmiɛn su .

1 Korɛntfuɛ Mun 9:22

Kɛ n ko yo nan m'an nyan be nga be nian wun-man Nyanmiɛn ndɛ'n i wlɛ kpa'n, n yo min wun kɛ be sa. Sran wafa'n kwlaa bɔ n to be'n, kɛ n ko yo nan m'an de be'n, n yo min wun kɛ be sa, yɛ n yo like kwlaa nga n kwlɛ i yo'n.

Filipfuɛ Mun 2:29

An `sɔ i nun amun klun-ufue su e Min'n ti, yɛ an `bu sran nga be ti kɛ i sa'n be sran,

1 Tɛsalonikfuɛ Mun 5:14

Aniaan mun, e ´srɛ amun kɛ an tu be nga be yo sa sukusuku'n be fɔ, an `wla be nga be anwlɛn sɔ-man'n be yakpa, an `uka be nga be lɛ-man wunmiɛn'n, an `tra amun anwlɛn sran'm be kwlaa be wun .

Hébreu 5:14

Sanngɛ be nga b'a yo sran bɔ be kunndɛ sa ng'ɔ ti kpa'n nin tɛ'n be ngbaciɛ lele b'a si i kpa'n, aliɛ'n ti be liɛ.

2 Jean 1:10

Sɛ sran wie wa to amun b'ɔ kan-man ndɛ kunngba nga'n, nán an sike i, nán an yo i blandɛ.