Rɔmfuɛ Mun 13:6 - NYANMIƐN NDƐ'N 1998

⁶ I sɔ'n ti yɛ man an su lapo nin-ɔn, afin be nga be su lapo'n man be'n, Nyanmiɛn yɛ ɔ sieli be kɛ be di lapo sɔ'n i su junman nin-ɔn.

Nyanmien nde Ufle

⁶ I so'n ti ye man an su l'impôt nion, afin bé nga bé su l'impôt'n man bé'n, Nyanmien ye o sié bé ke bé di dyunman so nion.

Rɔmfuɛ Mun 13:6 ပူးပေါင်းရင်းမြစ်များ

2 Samiɛl 8:5

Damas lɔ Sirifuɛ'm be bali Adadezɛr b'ɔ ti Sɔba famiɛn'n i ukalɛ, nan David ɔ'a kun be nun sran akpi-akpi ablaɔn-nin-nnyɔn (22.000).

1 Be Nyoliɛ 18:14

David yoli Izraɛl nvle wunmuan'n su famiɛn. Ɔ nian Izraɛlfuɛ'm be kwlaa be ndɛ be su yɛ ɔ di jɔlɛ nin-ɔn.

Ɛsdras 4:13

Nannan, man e kan kle wɔ, sɛ be kplan klɔ nga uflɛ'n, sɛ be kplɛn i talɛ'n, be ko tua-man lapo fanunfanun nga be tua'n, kpɛkuun ɔ sika'n su ´kpɛ.

Ɛsdras 4:20

Famiɛn dandan wie'm be trannin lɔ, be sieli nzue'n i sin lɔ lika wunmuan'n, be deli lapo fanunfanun mun, yɛ be deli be nga be sin be mɛn'n nun lɛ'm be sika.

Ɛsdras 6:8

Nga n usa kɛ amun yo be man Zuif'm be kpɛnngbɛn mun nan b'a kwla kplan sua sɔ'n, yɛlɛ kɛ Efrat sin lɔ lapo nga be tua blɛ min'n, i nun yɛ amun `fa ng'ɔ fata'n fa man be-ɔ. Nán junman'n jran.

Neemi 5:4

Yɛ be bue kun waan: «E fie nin vinyi fie'm bé su lapo nga e fa man famiɛn'n, kɛ i tanninlɛ'n ko ju'n, e usa afɛ yɛ e fa tua-a.

JÉSUS-CHRIST I DYASIN FE'N BO LUC KLELI'N 23:2

Kɛ be juli lɔ'n yɛ be tɔli sa nga ti yɛ be sɛnmɛnnin i'n i kanlɛ su-ɔ, be seli kɛ: «E wun kɛ bian nga saci e nvle'n, i waan, nán man be su lapo man Sezar, yɛ i li waan ɔ ti Krist, i waan ɔ ti famiɛn.»

Rɔmfuɛ Mun 12:8

yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

Rɔmfuɛ Mun 13:5

Ɔ man sɛ amún nyin yi ngbɛn-ngbɛn mun'n, ɔ ti kpa. Nán kɛ Nyanmiɛn i klunngbɔ bɔ be tu'n ngunmin ti-ɔ, sanngɛ kusu ɔ klun lɔ bɔ a si kɛ sɛ a yo sɔ-ɔ ɔ ti kpa'n ti-ɔ.

Rɔmfuɛ Mun 13:7

Be kalɛ kwlaa ng'ɔ o amun su'n, an `tua man be. Sran nga be su lapo mɛn i'n, an `su mɛn i. Sran nga amun ninnge'm be su sika ng'ɔ fata kɛ amun yi'n ɔ ti i liɛ'n, an `yi mɛn i. Sran ng'ɔ ti bɔ an sro i'n, an `sro i, yɛ ng'ɔ ti bɔ an bu i sran'n, an `bu i sran.