Rɔmfuɛ Mun 13:4 - NYANMIƐN NDƐ'N 1998

⁴ afin Nyanmiɛn man be nian ɔ su yɛ man a yo kpa-a. Sanngɛ sa a yo sa tɛ'n, man ɔ klun titi wɔ. Afin Nyanmiɛn a sie-man be lɛ ngbɛn, ɔ sieli be lɛ kɛ be tu i klunngbɔ, yɛ be tu sran ng'ɔ yo sa tɛ'n i fɔ.

Nyanmien nde Ufle

⁴ afin Nyanmien man bé nian o su ye man a yô kpaa. Sannge se a yô sa te'n, mon o klun titi o. Afin Nyanmien a sié'a bé le ngben, o siéé bé le ke bé tu i klunngbo, ye bé tu swran ng'o yô sa te'n i fo.

Rɔmfuɛ Mun 13:4 ပူးပေါင်းရင်းမြစ်များ

1 Famiɛn Mun 10:9

Anannganman ɔ Nyanmiɛn'n, bɔ ɔ́ wun yoli i fɛ b'ɔ kpali wɔ kɛ a yo Izraɛl famiɛn'n, n ´yo i mo. Anannganman i klolɛ ng'ɔ fa klo Izraɛlfuɛ mun'n, ɔ lɛ-man awieliɛ. I ti yɛ ɔ fali wɔ sieli famiɛn kɛ ɔ ´yo nan ɔ'a di sran'm be jɔlɛ kɛ ɔ fata sa'n ti.»

2 Be Nyoliɛ 19:6

Ɔ seli jɔlɛ difuɛ'm be kɛ: «Amun `nian amun junman'n nun di i kpa, afin nán sran dunman nun yɛ amun ´di jɔlɛ nin-ɔn. Anannganman dunman nun-ɔn. Sɛ amun su wa di jɔlɛ kun sa'n, ɔ nin amun yɛ ɔ o-ɔ.

Nyanndra Mun 16:14

Sɛ famiɛn kun fa ya'n, ɔ kwla kun sran, sanngɛ sɛ ngwlɛlɛfuɛ'n ɔ kpɛtɛ i lele'n, ɔ yaci.

Nyanndra Mun 20:2

Kɛ famiɛn kun ko fa ya'n, ɔ yo sro kpa kɛ asɔmɔli sa. Ɔ min kun nga a klɔklɔ famiɛn'n, wuun ɔ ti kɛ a su kunndɛ ɔ wie.

Nyanndra Mun 20:26

Famiɛn ng'ɔ si ngwlɛlɛ'n, ɔ si be nga be ti klunwifuɛ'n mun, yɛ ɔ kle be nyrɛnnɛn.

Nyanndra Mun 20:8

Kɛ famiɛn kun ko tran ase b'ɔ ´di jɔlɛ'n, ndɛ nga be kan b'ɔ ti gblɛ'n, ɔ ka lɛ wun i.

Ezai 1:17

Amun `suan sa kpa'n i yolɛ, amun `yo sa'm be nuan su. Sran ng'ɔ kle sran'm be nyrɛnnɛn'n, amun `yo man ɔ kaci i sa. Amun `di aika mma'm be jɔlɛ'm be kpa, amun `jran angboti mmla'm bé sin.»

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Ezekiɛl 22:27

Bé famiɛn i awlo lɔ sran dandan'm be liɛ be ti kɛ gboklo bɔ be di nnɛn'n sa. Be akunndan nga be bu'n yɛlɛ sran kunlɛ. Be kun sran be fa kunndɛ sika.

Ezekiɛl 25:14

N ´fa Izraɛl b'ɔ ti min nvle'n n ´tu n klunngbɔ'n n gua Edɔm su. Min ya dan bɔ n fali'n, i su yɛ be ´nian be ´fa kle be nyrɛnnɛn nin-ɔn. Yɛ be wa si kɛ kannzu kɛ be wɔ min safle'n, wuun b'a wɔ sran safle.› » Anannganman Nyanmiɛn yɛ ɔ kan sɔ-ɔ.

Mise 3:9

Zakɔb anunman'm bé su ngbɛn mun, Izraɛl jɔlɛ difuɛ mun, amun yɛ n kan ndɛ nga m man amun-ɔn. Amun bɔ an klo-man nanwlɛ dilɛ, bɔ gblɛ'n yɛ amun kpɛ'n,

Rɔmfuɛ Mun 12:19

N sran kpa mun, nán amun se kɛ amun bɔbɔ amun ´tu amun klunngbɔ'n, sanngɛ an `yaci man Nyanmiɛn, afin be klɛli i kɛ: «E Min'n se kɛ: ‹Min yɛ n tu klunngbɔ nin-ɔn, min yɛ n ´tua be kalɛ-ɔ .› »

Rɔmfuɛ Mun 13:6

I sɔ'n ti yɛ man an su lapo nin-ɔn, afin be nga be su lapo'n man be'n, Nyanmiɛn yɛ ɔ sieli be kɛ be di lapo sɔ'n i su junman nin-ɔn.

1 Tɛsalonikfuɛ Mun 4:6

Sa kunngba nga su'n, nán an bu amun niaan lufle, nán an tiɛ i bɛ su, afin e kan kleli amun, yɛ e wlali amún su nun kpa kɛ sran ng'ɔ yo i sɔ sa'n, e Min'n ´tu i fɔ.

Zozie 20:5

Sɛ sran ng'ɔ kun sran kunfuɛ mun'n su i su lele ju lɛ'n, nán man klɔ'n sufuɛ'm be fa be aofuɛ'n be wlɛ i sa nun, afin nán i nyinfu yɛ ɔ kunnin sran nin-ɔn. Nán kɛ i nyin cili i wiengu'n ti yɛ ɔ kunnin i-ɔ.

Zozie 20:9

Be kpali klɔ sɔ mun kɛ be `yo Izraɛlfuɛ mun, ɔ nin aofuɛ nga be tran be afiɛn'n be fiawlɛ klɔ. Kɛ ɔ ´yo nan sɛ sanvuɛsa nyan sran wie b'ɔ kun i wiengu'n ɔ'a ko fia lɔ'n ti. I liɛ'n, klunngbɔ tufuɛ'n su nyɛn-mɛn i kun-mɛn lele san be ´di i jɔlɛ.»

1 Piɛr 2:14

sɛ i sran ng'ɔ sie be b'ɔ sunman be kɛ be tu be nga be yo sa tɛ'n be fɔ nan be yo be nga be yo sa kpa'n be mo mun o.