Rɔmfuɛ Mun 13:12 - NYANMIƐN NDƐ'N 1998

¹² Lika'n ɔ'a ɔ wie, aliɛ'n su wa cɛn! I sɔ'n ti'n, man é wla sa tɛtɛ nga be fa kɔnguɛ kata bé nyin yo'n be ase, yɛ man e fa alɛ ninnge nga be fa kun alɛ wia nun'n e tanndan é wun.

Nyanmien nde Ufle

¹² Lika'n wa o wié, alie'n su wa tyen! I so'n ti, man é wla sa tete nga bé fa kongue kata bé nyin yô'n bé asé, ye man é fa ale ninngé nga bé fa kun ale wia nun'n é tanndan é wun.

Rɔmfuɛ Mun 13:12 ပူးပေါင်းရင်းမြစ်များ

Ngɔjue Fɛfɛ Kpa'n 2:17

Kɛ lika'n ɔ'a jɔ bɔ aunngban fɛfɛ'n ɔ ´fita'n, bɔ ninnge'm be fɔnvɔ'm be ´yo tɛnndɛn'n, min adeba, bla o! Wanndi glaunglaun kɛ wannzannin sa nan bla, wanndi kɛ flete gbanflɛn sa nan bla. Sin oka bɔ be afiɛn'n ti nun'n be su nan bla.

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Rɔmfuɛ Mun 13:14

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

1 Korɛntfuɛ Mun 10:11

Sa sɔ'n bɔ be tɔli bé su'n, be kle sa b'ɔ wa ba'n, yɛ be klɛli be kɛ be ´fa tu e bɔ y'a ju mɛn'n i bue nuan'n e fɔ.

1 Korɛntfuɛ Mun 7:29

Nja mun, an `nian ndɛ nga n ´kan kle amun'n yɛ: e nyrun a ka koko, i sɔ'n ti'n, sran ng'ɔ lɛ bla'n, man ɔ yo kɛ ɔ lɛ-man bla sa.

2 Korɛntfuɛ Mun 10:4

Afin like nga e fa kun alɛ'n, be fin-man sran, be fin Nyanmiɛn, be ti kekleke, ɔ man be kwla bu awa ngbli-ngbli mun. E bu be kwlaa nga be akunndan'n ti tɛ'n be bue,

2 Korɛntfuɛ Mun 6:7

e kan ndɛ b'ɔ ti nanwlɛ, yɛ sa nga e yo'n e yo i Nyanmiɛn fanngan nun. Nanwlɛ dilɛ'n yɛ ɔ ti ye alɛ like bɔ e fa kun alɛ yɛ e fa kpli é ti-ɔ.

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Efɛzfuɛ Mun 5:11

Nán amun nin be nga be fa aosin'n kata bé nyin be yo sa b'ɔ yo-man sa fi ye'n mun di, sanngɛ an `yo man be wun sa sɔ'm be wlɛ.

Efɛzfuɛ Mun 5:8

Laa'n, an wo aosin nun, sanngɛ sran wunmuan bɔ amun nin e Min'n amu'an kaci'n ti, amu'an fite weiin nun siɛn'n. I sɔ'n ti'n, an `yo sa ng'ɔ kle kɛ an wo wia klengle kpa'n nun'n.

Hébreu 10:25

Nán man e yaci yialɛ'n kɛ sran wie'm be yo'n sa. Sanngɛ man e yia e tu é wun fɔ. Siɛn'n bɔ an wun kɛ e Min'n i cɛn'n su mantan'n, an `yo i sɔ tra su.

Hébreu 12:1

I sɔ'n ti, kɛ sran kpanngban kpa bɔ be kan Nyanmiɛn sulafilɛ ndɛ'n be sin yia e kukuku'n, man e kusu e gua like kwlaa ng'ɔ tanndan e wun'n be ase, man e wla sa tɛ'n kwlaa ase, afin ɔ cɛ-man nan ɔ'a tanndan é ja nun. Man e mian é nyin sin lika nga be kle ye'n nun.

Jacques 1:21

I sɔ'n ti, an `wla nzuɛn tɛtɛ'n nin klunwi'n kwlaa be ase. An `yo amún wun aenvuɛ, an `fa ndɛ nga Nyanmiɛn kan kle amun'n su. I yɛ man amun ´nyan amún ti-ɔ.

Jacques 5:8

Amun kusu, an `tra amun anwlɛn, yɛ an `jran kekle, afin e Min'n i balɛ'n ɔ'a mantan.

1 Piɛr 2:1

I sɔ'n ti, an `wla klunwi'n kwlaa, nin gblɛ'n kwlaa, nin dunman kunndɛlɛ'n, nin amún nyin bɔ an fa ci sran'n, ɔ nin sran wun ndɛ tɛ kanlɛ'n kwlaa be ase.

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.

2 Piɛr 3:11

?Sɛ ninnge sɔ'n kwlaa be ´saci sɔ'n, like onin yɛ sɛ an yo-ɔ ɔ ti su-ɔ? Man amun nzuɛn'n yo kpa, yɛ an `fa amún wun mantan Nyanmiɛn!

2 Piɛr 3:9

Like nga e Min'n se kɛ ɔ ´yo, ɔ cuɛn-cuɛn-mɛn i ase kɛ sran'm be bu i'n sa. Sanngɛ ɔ trɛ i anwlɛn amun wun, ɔ klo-man kɛ sran kun sa mlin, ɔ klo kɛ sran'm be kwlaa be kaci be nzuɛn'n.

1 Jean 2:18

Ba kanngan mun, y'a ju mɛn'n i bue nuan. An tili i kɛ Krist i Kpɔfuɛ'n ɔ ´ba. Krist i kpɔfuɛ kpanngban b'a ba, ɔ man e si kɛ y'a ju mɛn'n i bue nuan.

Sa nglô yile 1:3

Sran ng'ɔ kanngan ndɛ nga'n, ɔ nin be nga be ti sa nga be wa yo'n be ndɛ'n, bɔ be fa su'n, be liɛ su ti ye! Afin like sɔ'n kwlaa be blɛ'n ɔ'a mantan.

Sa nglô yile 22:10

I sin ɔ seli min ekun kɛ: «Sa nga be wa ju bɔ be o fluwa nga nun'n, nan fia bé su! Afin sa sɔ'm bé cɛn'n su wa ju.