Rɔmfuɛ Mun 13:1 - NYANMIƐN NDƐ'N 1998

¹ Man sran'm be kwlaa bé nyin yi ngbɛn-ngbɛn mun, afin sran fi kwla di-man kpɛnngbɛn bɔ nán Nyanmiɛn yɛ ɔ sieli i-ɔ. Yɛ be nga be o lɛ ndɛ bɔbɔ'n, Nyanmiɛn yɛ ɔ sieli be-ɔ .

Nyanmien nde Ufle

¹ Man swran'n kwlaa bé nyin ye ngbenngben mun, afin swran fi kwla di'a kpenngben bo nanh Nyanmien ye o sié io. Ye bé nga bé ô le nde bobo'n, Nyanmien ye o siéé béo.

Rɔmfuɛ Mun 13:1 ပူးပေါင်းရင်းမြစ်များ

Jue Mun 62:11

Nán amun fa bé wla gua sa kekleekle'm bé yolɛ'n su. Ninnge nga be fɛ i be wue kekle su'n, nán amun sunnzun kɛ amun ´nyan like nun. Kannzɛ amun nyan amún wun kɔ amun nyrun'n, nán amun fɛ i sɔ'n cici amun wla.

Nyanndra Mun 24:21

Mín wa, man ɔ́ nyin yi Anannganman nin famiɛn'n. Be nga be waan be ´kpɛ like'n kwlakwla wun'n, nán kuku ɔ́ wun yi be nun.

Daniɛl 2:21

I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 4:17

A wunnin waka dan kun. I ti'n to nyanmiɛn b'ɔ la nglo lɔ plaii'n. Asiɛ'n i lika kwlaa nga be wo lɛ'n, bé nyin tɛ i.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Jean 19:11

Jésus tɛli i su kɛ: «Sɛ Nyanmiɛn a man-man wɔ atin'n, a kwla yo-man n sa fi. I sɔ'n ti'n, sran ng'ɔ fa min mannin wɔ'n, i fɔ'n b'ɔ dili'n i dan tra ɔ liɛ'n.»

Sa nga bé yôli'n 2:41

Be bɔ be fɛli i ndɛ'n su'n, be yoli be batɛm. Cɛn sɔ'n nun'n sran bɔ be ju bɔ akpi nsan (3.000) kun be ukali be su.

Rɔmfuɛ Mun 12:21

Nán man be nga be yo amun tɛ'n be kwla amun, sanngɛ an `yo be kpa lele an `kwla be.

Rɔmfuɛ Mun 13:2

Ɔ man sran ng'ɔ jao bé wun'n, wuun ɔ'a yo nyin kekle Nyanmiɛn su. Be nga be yo nyin kekle sɔ'n, be kpɛ be bɔbɔ bé wun saɛ ba.

Efɛzfuɛ Mun 5:21

Kɛ amún nyin yi Krist'n ti, an `bu amun wiengu sran.

Mmla'n 17:12

Ndɛ nga Nyanmiɛn nyrun jranfuɛ b'ɔ di junman Anannganman amun Nyanmiɛn'n i sua'n nun'n annzɛ jɔlɛ difuɛ'n be kan'n, sɛ wun tufuɛ wie fa-man su'n, man be kun i sɔfuɛ'n. Amun `yi sa tɛ'n Izraɛl mɛn'n nun kɛ ng'ɔ o lɛ'n sa.

1 Timote 2:2

An `srɛ i kɛ ɔ nian famiɛn mun nin sran ngbli-ngbli'm be kwlaa bé su, man e di alaje, yɛ man e nyan e ti fɔuun nan e sro Nyanmiɛn kpa, yɛ e nzuɛn'n `yo kpa.

Tite 3:1

Kpɛn bé wla kɛ be bu be nga be sie be'n nin be nga be jran bé ja nun'n be sran, man bé nyin yi be, sa kpa kwlaa nga be se be kɛ be yo'n, man be yo.

Jude 1:8

Ndɛkɛn sran sɔ'm be si sɔ, sanngɛ be bu akunndan tɛtɛ'n lele be saci, be bu-man Nyanmiɛn like fi, yɛ be kpɛ nyanmiɛn su lɔ sran nga be lɛ nyrun'n be nzowa.

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»

1 Samiɛl 2:8

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan be gua wla lɛ'n, ɔ kuku be lɛ, kpɛkuun ɔ man be nin sran dandan'm be tran likawlɛ bia kpakpa'm be su. Afin sɛ n kwla ´se'n, asiɛ'n i ja'm be ti Anannganman'n liɛ. I yɛ ɔ fali mɛn'n takali su-ɔ.