Rɔmfuɛ Mun 12:8 - NYANMIƐN NDƐ'N 1998

⁸ yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

Nyanmien nde Ufle

⁸ ye swran nga b'o man o si swran'm bé afotue man'n, mon o man. Swran ng'o man swran liké'n, mon o tu i klun yô, ye nga kusu b'o dyran swran'm bé nyrun'n, mon o nian su kpa yô, ye nga bo i waa n oh yôh swran yé'n, mon o yô i klun-ufué su.

Rɔmfuɛ Mun 12:8 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Jue Mun 37:21

Klunwifuɛ'n ɔ usa afɛ-ɔ, ɔ yi-man. Sran kpafuɛ'n ɔ si aunnvuɛ ti sɛ be usɛ i afɛ-ɔ, ɔ man.

Nyanndra Mun 22:9

Sran nga bɔ i klun ti ufue'n, bɔ kɛ ɔ ´di like-ɔ ɔ man yalɛfuɛ wie'n, ɔ ´nyan muae.

Akunndanfuɛ'n 11:6

I sɔ'n ti'n, lua ɔ ninnge mun nglɛmun nun lele fa ju nnɔsua nun, nán de wunmiɛn. Afin a si-man ng'ɔ wa yo kpa-a, sɛ nglɛmun nun liɛ'n nin o, sɛ nnɔsua nun liɛ'n nin o, sɛ kusu nglɛmun nun liɛ'n nin nnɔsua nun liɛ'm be nnyɔn yɛ be ´yo kpa o.

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.

Ezai 32:5

Sran b'ɔ ti sinnglinfuɛ'n, be su se-man kɛ ɔ ti sran ndɛnman su kun. Sran b'ɔ ti gblɛfuɛ'n, be su se-man kɛ ɔ ti sran bɔ i klun ti ufue'n kun.

Ezai 32:8

Sanngɛ sran kpa'n i liɛ'n, akunndan kpa cɛ yɛ ɔ bu-ɔ. Yɛ sa kpa cɛ yɛ ɔ yo-ɔ.

Ezai 64:5

E kwlaa y'a yo kɛ like fiɛn wie sa, yɛ é sa kpa nga e waan y'a yo be'n, be ti kɛ tralɛ bɔ mmoja ɔ'a guagua nun badaa'n sa. E kwlaa e glɔ kɛ waka nnya wie sa. Sɛ e ´kwla se'n, e sa tɛ'm be cuɛn e kɔ kɛ aunngban su fita nnya kee wie kɔ sa.

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 13:12

Kɛ Sɛrzis Polis wunnin sa sɔ'n, e Min'n i ndɛ'n bɔ be kle'n ɔ boli i nuan kpa nan ɔ'a lafi su.

Sa nga bé yôli'n 13:15

Kɛ be wieli mmla'n nin Nyanmiɛn nuan ijɔfuɛ'm be fluwa'n i kanngan'n, Nyanmiɛn ndɛ suanlɛ nin i srɛlɛ sua su kpɛn'm be sunmannin sran kɛ be ko se be kɛ: «Nja mun, kpɛnngbɛn'm be waan sɛ an lɛ afɔtuɛ ndɛ wie bɔ an klo kɛ amun ´kan kle sran mun'n, an `kan.»

Sa nga bé yôli'n 15:32

Zid nin Silas bɔ be bɔbɔ be ti Nyanmiɛn nuan ijɔfuɛ'n, be kannin ndɛ kpanngban, be mannin be niaan'm be afɔtuɛ, be wlali be fanngan.

Sa nga bé yôli'n 20:2

Ɔ wlan-wlannin mɛn sɔ'n nun, ɔ mannin lɔfuɛ'm be afɔtuɛ kpanngban sa sunman su, nan ɔ'a wɔ Grɛk mɛn nun.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Sa nga bé yôli'n 4:36

Zozɛf ti Levi osufuɛ, ɔ fin Sipri mɛn nun'n. Be bɔ Jésus sunmannin be'n be tɔnnin i Barnabas, i bo yɛlɛ Cici Wla'n,

Rɔmfuɛ Mun 12:13

An `ti amun niaan Kristfuɛ'm bé wun nyanman nun. An `yo aklunyefuɛ.

Rɔmfuɛ Mun 13:6

I sɔ'n ti yɛ man an su lapo nin-ɔn, afin be nga be su lapo'n man be'n, Nyanmiɛn yɛ ɔ sieli be kɛ be di lapo sɔ'n i su junman nin-ɔn.

1 Korɛntfuɛ Mun 12:28

Kɛ Nyanmiɛn sieli sran'm be sɔ asɔnun'n nun-ɔn. Be nun klikli'n yɛlɛ be b'ɔ sunman be'n, i nnyɔn su'n yɛlɛ be nga be ijɔ i nuan'n, i nsan su'n yɛlɛ be nga be kle ninnge'n. Bé sin liɛ'n yɛlɛ be nga be yo sa kekleekle'n, nin be nga be yo tukpacɛfuɛ'm be juejue'n, nin be nga be yo sran ye'n, nin be nga be di kpɛn'n, ɔ nin be nga be kan aniɛn wafa-wafa'n.

1 Korɛntfuɛ Mun 14:3

Sanngɛ sran ng'ɔ ijɔ Nyanmiɛn nuan'n, ɔ kan ndɛ kle sran mun, ɔ man be yo sran, ɔ man be afɔtuɛ, yɛ ɔ gua be anwlɛn su nzue.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.

2 Korɛntfuɛ Mun 9:11

Nyanmiɛn ´man amun like'n kwlaa bɔ amun ´fa yo aklunye titi, yɛ amun nɛnnɛn nga amun ´di bɔ e ´fa ko man be'n, ɔ man be ´la Nyanmiɛn ase.

2 Korɛntfuɛ Mun 9:13

Kɛ an nian be lika sɔ'n, Krist i jasin fɛ'n bɔ an se kɛ an lafi su'n, ɔ kle kɛ an fa su kpa. Kɛ sran kpanngban bé wun i sɔ'n ɔ nin ye dan nga an yo be nin sran wie mun'n, ɔ man be ´bo Nyanmiɛn dunman.

2 Korɛntfuɛ Mun 9:7

Man sran kun i like ng'ɔ bu i akunndan kɛ sɛ ɔ man-an ɔ ti kpa'n, ɔ fa man, nán man ɔ yo i klunngbɔ su nin mianlɛ su, afin sran ng'ɔ man Nyanmiɛn like i klun-ufue su'n, i klun jɔ i wun .

Efɛzfuɛ Mun 6:5

Kanga mun, man amún nyin yi amun min mun, an `bu be sran, an `mian amún nyin kɛ like nga amun ´yo'n ɔ jɔ be klun, amun yo i kɛ Krist yɛ an su yo mɛn i sa-a, nán an bu i sin.

Mmla'n 15:14

Like nga Anannganman amun Nyanmiɛn'n yoli man amun nyannin be'n, amun `man be wie, amun `man be amun nannin mun, nin bua mun, nin boli mun, nin amun ble, ɔ nin amun nzan'n wie.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Kolɔsfuɛ Mun 3:22

Kanga mun, man amún nyin yi amun min mun sa'n kwlaa nun, yɛ an `bu be sran. Nán kɛ kɛ be o lɛ'n i ngunmin yɛ an yo i sɔ nan sran'm be klun jɔ amun wun-ɔn. Sanngɛ e Min'n bɔ an sro i'n ti, like nga an yo'n, nán an bu i sin.

1 Tɛsalonikfuɛ Mun 2:3

Nanwlɛ, ndɛ nga e kan kleli sran mun'n ɔ ti-man ato, e akunndan'n ti-man tɛ, yɛ e klo-man kɛ e ´laka sran.

1 Tɛsalonikfuɛ Mun 2:8

Klolɛ bɔ e fa klo amun'n ti, nán Nyanmiɛn jasin fɛ'n ngunmin yɛ e fa mannin amun-ɔn, sanngɛ sɛ e fa e bɔbɔ e wun nannannin su'n, ɔ ti kpa, afin e fali amun sieli e anwlɛn su.

1 Timote 4:13

Nyanmiɛn Ndɛ kannganlɛ nzra nun'n, nin afɔtuɛ manlɛ'n, ɔ nin like klelɛ'n, fa yo ɔ junman man m ma to wɔ su.

1 Timote 5:17

Asɔnun kpɛnngbɛn nga be sie asɔnun'n i kpa'n, man be bu be sran yɛ be yo be mo dan. I li kpɛnngbɛn nga be di junman kpa bɔ be kan Nyanmiɛn ndɛ yɛ be kle like'n, man be mo yolɛ liɛ'n yo dan tra su.

1 Timote 6:18

Se be kɛ be yo sa ng'ɔ ti kpa'n, yɛ be yo sran ye, i sɔ'n yɛ ɔ ti anyanbeun kpa nin-ɔn. Man be yo aklunye, yɛ be cɛ sran like.

Hébreu 10:25

Nán man e yaci yialɛ'n kɛ sran wie'm be yo'n sa. Sanngɛ man e yia e tu é wun fɔ. Siɛn'n bɔ an wun kɛ e Min'n i cɛn'n su mantan'n, an `yo i sɔ tra su.

Hébreu 13:17

Man amún nyin yi amun kpɛnngbɛn mun, an `bu be sran. Be nian amún su titi, afin be wa kan be junman'n i su ndɛ kle Nyanmiɛn. An `yo sa nga b'ɔ man be klun ´jɔ be junman'n su'n. Sɛ amu'an yo-mɛn i sɔ bɔ be oto'n, ɔ man be su kwla uka-man amun.

Hébreu 13:22

Aniaan mun, n ´srɛ amun, an `fa afɔtuɛ nga m mannin amun yɛ'n su, afin ɔ ti-man ndɛ tɛnndɛn.

Hébreu 13:24

N ´yo amun kpɛnngbɛn nin Nyanmiɛn sran'm be kwlaa be like. Italifuɛ'm be ´yo amun like.

Hébreu 13:7

An `bu amun kpɛnngbɛn bɔ laa be kan Nyanmiɛn ndɛ kleli amun'n be akunndan. An `nian be nzuɛn'n nin be agualiɛ'n, an `nian kɛ be fa lafili Nyanmiɛn su'n, an `lafi i su sɔ wie.