Rɔmfuɛ Mun 12:7 - NYANMIƐN NDƐ'N 1998

⁷ Sɛ ɔ man sran kun ekun si sran'm be lika nian'n, man ɔ nian be lika. Sran nga kusu b'ɔ man ɔ si like kle'n, man ɔ kle,

Nyanmien nde Ufle

⁷ Se o man swran kun ékun si swran'm bé lika nian'n, mon o nian bé lika. Swran nga kusu b'o man o si liké klé'n, mon o klé,

Rɔmfuɛ Mun 12:7 ပူးပေါင်းရင်းမြစ်များ

Jue Mun 34:11

Asɔmɔli'n i mma mun bɔbɔ, awe kwla kun be. Sanngɛ be bɔ be mantan Anannganman'n, be mian-man like fi wun.

Jue Mun 51:13

Nán fuan min man n jaso ɔ nyrun lɛ, nán yi ɔ Wawɛ b'ɔ o min nun'n.

Akunndanfuɛ'n 12:9

Ng'ɔ o su ekun'n yɛlɛ kɛ akunndanfuɛ'n ɔ kleli nvle'n nunfuɛ'm be ninnge silɛ. Ɔ sieli i su ndɛ'm bé bo, ɔ siesieli nyanndra kpanngban kpa.

Ezai 21:8

Kpɛkuun sran nga b'ɔ nian lika'n su'n ɔ kpannin kɛ asɔmɔli sa. I waan: «Min Min, kɛ ɔ fɛ nglɛmun lele b'ɔ ´fa ju nnɔsua'n, n jin lika fleiin'n su n nian-nian, yɛ kɔnguɛ kwlaa n jin wa, n nian-nian.

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

Sa nga bé yôli'n 13:1

Asɔnun ng'ɔ o Antiɔs lɔ'n, Nyanmiɛn nuan ijɔfuɛ mun nin like klefuɛ'm be o nun. Be yɛ: Barnabas yɛ Simɔn bɔ be flɛ i Nizɛr'n, Lisiis b'ɔ fin Sirɛni'n, Manaɛn bɔ nin Erɔd b'ɔ sie nvle'n i bue'm be kaan nun be tran awlo kun nun'n, yɛ Sɔl.

Sa nga bé yôli'n 20:20

An si kɛ sa kwlaa b'ɔ ko yo amun kpa'n, m'an fia-man wie fi su amun wun. N kɛn i kwlaa kleli amun, n yiyi nun weiin kleli amun nzra nun nin awlo'm be nun.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Sa nga bé yôli'n 6:1

Blɛ sɔ'n nun'n, kɛ Jésus sɔnnzɔnfuɛ'm be ´trɛ'n, Zuif'm bɔ be ijɔ Grɛk'n be kan be bɔ be ijɔ Ebre'n be ndɛ yɛlɛ kɛ cɛn kwlaa kɛ be ´cɛ aliɛ'n, be bu-man be angboti mmla'm be akunndan.

1 Korɛntfuɛ Mun 12:28

Kɛ Nyanmiɛn sieli sran'm be sɔ asɔnun'n nun-ɔn. Be nun klikli'n yɛlɛ be b'ɔ sunman be'n, i nnyɔn su'n yɛlɛ be nga be ijɔ i nuan'n, i nsan su'n yɛlɛ be nga be kle ninnge'n. Bé sin liɛ'n yɛlɛ be nga be yo sa kekleekle'n, nin be nga be yo tukpacɛfuɛ'm be juejue'n, nin be nga be yo sran ye'n, nin be nga be di kpɛn'n, ɔ nin be nga be kan aniɛn wafa-wafa'n.

1 Korɛntfuɛ Mun 12:5

junman'n ti fanunfanun, sanngɛ e Min'n ti kunngba,

1 Korɛntfuɛ Mun 14:26

?Aniaan mun, sɛ ɔ ti sɔ'n, kɛ amun yia'n bɔ amun kwlaa an lɛ like bɔ an yo'n, bɔ kun to jue, kun kusu kle like wie, kun kan ndɛ bɔ Nyanmiɛn kan kleli i'n, kun ijɔ aniɛn wie'n, kun kusu kaci aniɛn wie, e yo i sɛ? An `yo i kwlaa sɔ'n man asɔnun'n yo kpa.

Galasifuɛ Mun 6:6

Sran nga be kle i Nyanmiɛn ndɛ'n, i like kpakpa'n kwlaa ng'ɔ lɛ i'n, man ɔ mɛn i like klefuɛ'n wie.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.

Kolɔsfuɛ Mun 4:17

An `se Arsip kɛ ɔ nian junman nga e Min'n fɛ i sieli i su'n su kpa, an se i kɛ ɔ `nian nun di i kpa.

1 Timote 2:7

Ɔ sieli min kɛ n kan ndɛ sɔ'n, yɛ ɔ sunmannin min kɛ n kan ndɛ nanwlɛ'n nin i sulafilɛ ndɛ'n kle be bɔ be ti-man Zuif'n. Nanwlɛ'n yɛ n di-ɔ, m bua-man ato.

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

1 Timote 4:16

Nian ɔ bɔbɔ ɔ wun su ɔ nin ɔ ninnge bɔ a kle'n su kpa, afin sɛ a yo sɔ tititi'n, a ´de ɔ bɔbɔ nin be nga bé ti ɔ ndɛ'n.

1 Timote 5:17

Asɔnun kpɛnngbɛn nga be sie asɔnun'n i kpa'n, man be bu be sran yɛ be yo be mo dan. I li kpɛnngbɛn nga be di junman kpa bɔ be kan Nyanmiɛn ndɛ yɛ be kle like'n, man be mo yolɛ liɛ'n yo dan tra su.

2 Timote 2:2

Ndɛ nga a tili i kɛ n kɛnnin i sran kpanngban be nyrun'n, kan ndɛ sɔ'n, fa yaci i be nga a lafi bé su bɔ be kusu be kwla kan kle sran uflɛ'n, bé sa nun.

2 Timote 2:24

Afin e Min'n i sran'n nin utre'n fata-man. Sanngɛ ɔ yo sran'm be kwlaa be kpa, ɔ si like kle, sa nga be yo i'n sɔn i nun,

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.