Rɔmfuɛ Mun 12:6 - NYANMIƐN NDƐ'N 1998

⁶ Ye fanunfanun nga Nyanmiɛn yo ye'n ti, i ninnge b'ɔ fa man e bɔ e yo'n, be ti ngunmin-ngunmin. Sɛ Nyanmiɛn man e nun kun si i nuan ijɔ'n, man ɔ yo i kɛ ɔ fa lafi i su ju'n sa.

Nyanmien nde Ufle

⁶ Yé fanunfanun nga Nyanmien yô yé'n ti, i ninngé b'o fa man é bo é yô'n, bé ti ngunminngunmin. Se Nyanmien man é nun kun si i nuan idyo'n, mon o yôé ke o fa lafi su dyu'n sa.

Rɔmfuɛ Mun 12:6 ပူးပေါင်းရင်းမြစ်များ

Matthieu 23:34

Ɔ man, n ´sunman Nyanmiɛn nuan ijɔfuɛ mun nin ngwlɛlɛfuɛ mun, ɔ nin mmla klefuɛ mun amún sin. Amun wa kun wie, amun ´bobo wie waka'n su, amun ´bo wie mun nin ngble amun Nyanmiɛn ndɛ suanlɛ nin i srɛlɛ sua'm be nun, yɛ amun ´kle be yalɛ klɔ'm be su

Matthieu 25:22

Nga b'ɔ mɛnnin i nnyɔn'n, i kusu bali yɛ ɔ seli kɛ: ‹Baba, a mannin min talan nnyɔn, nian, m'an nyan nnyɔn ekun.›

JÉSUS-CHRIST I DYASIN FE'N BO LUC KLELI'N 11:49

I sɔ'n ti'n, Nyanmiɛn b'ɔ si sa'n kwlaa'n, ɔ se kɛ: «M ma sunman min nuan ijɔfuɛ wie mun nin sran wie bɔ n yi be kɛ n ´sunman be'n bé wun lɔ, be ´kle wie'm be yalɛ, be ´kun wie.

Sa nga bé yôli'n 13:1

Asɔnun ng'ɔ o Antiɔs lɔ'n, Nyanmiɛn nuan ijɔfuɛ mun nin like klefuɛ'm be o nun. Be yɛ: Barnabas yɛ Simɔn bɔ be flɛ i Nizɛr'n, Lisiis b'ɔ fin Sirɛni'n, Manaɛn bɔ nin Erɔd b'ɔ sie nvle'n i bue'm be kaan nun be tran awlo kun nun'n, yɛ Sɔl.

Sa nga bé yôli'n 15:32

Zid nin Silas bɔ be bɔbɔ be ti Nyanmiɛn nuan ijɔfuɛ'n, be kannin ndɛ kpanngban, be mannin be niaan'm be afɔtuɛ, be wlali be fanngan.

Sa nga bé yôli'n 2:17

‹Nyanmiɛn waan: An `nian, sa nga cɛn wie lele kɛ mɛn'n ɔ ´kɔ i bue nuan'n, m ma yo'n yɛ: N ´fa n Wawɛ'n man sran kwlaa. Amún mma yasua nin amun mma mmla'm be ´ijɔ min nuan, amun mma gbanflɛn'm be ´wun like aolia nun, yɛ amún si ngbɛn-ngbɛn'm be ´cɛn laliɛ.

Sa nga bé yôli'n 21:9

Ɔ lɛ ba bla nnan bɔ be nian si-man bian, be ijɔ Nyanmiɛn nuan.

Rɔmfuɛ Mun 1:11

N klo kɛ n ´wun amun wun nan Nyanmiɛn Wawɛ'n i like nga n nyɛnnin i'n, an nyan wie nan an jran kekle.

Rɔmfuɛ Mun 12:3

Ye dan nga Nyanmiɛn yoli min'n ti, n ´se amun kwlakwla kɛ nán an bu amun wun sran dan tra wafa nga an ti'n su, sanngɛ an `nian wafa nga Nyanmiɛn man an lafi i su'n, sɛ an lafi i su kpa o, yɛ man amun si wafa nga amun ti'n.

1 Korɛntfuɛ Mun 12:18

Ɔ ti-man sɔ, sanngɛ Nyanmiɛn siesieli sran i wun ninnge mun kɛ i klun klo'n sa.

1 Korɛntfuɛ Mun 13:2

Man n yo Nyanmiɛn nuan ijɔfuɛ, man n si sa nga Nyanmiɛn fiɛli i sran'm be nyrun'n i ngba, yɛ man n wun sa'n kwlaa wlɛ, yɛ sɛ n lafi Nyanmiɛn su kpa bɔbɔ b'ɔ man n kwla se oka'm be kɛ be tu bé bo wɔ'n, sanngɛ sɛ n klo-man sran'n, wuun m'an yo-man like fi.

1 Korɛntfuɛ Mun 14:1

Man sran klolɛ'n yo cinnjin amún sa nun. Man amún nyin blo Nyanmiɛn Wawɛ'n i ninnge b'ɔ fa man sran mun kɛ be yo'n be su dan kpa, sanngɛ man Nyanmiɛn nuan ijɔlɛ'n lo amun trɛ i ngba.

1 Korɛntfuɛ Mun 14:24

Sanngɛ sɛ sran'm be kwlaa be ijɔ Nyanmiɛn nuan nan sɛ sran wie b'ɔ ti-man Kristfuɛ'n annzɛ sɛ sran wie b'ɔ wun-man sa sɔ'n i wlɛ'n ɔ ba anyia i bo'n, ndɛ kwlaa ng'ɔ ti'n, ɔ man ɔ ´wun i sa ng'ɔ yoli'n i wlɛ, yɛ ɔ ´bu i wun fɔ.

1 Korɛntfuɛ Mun 14:29

Nyanmiɛn nuan ijɔfuɛ'm be liɛ'n, man sran nnyɔn annzɛ nsan be ijɔ yɛ man be nga'm be bu i akunndan nian.

1 Korɛntfuɛ Mun 3:5

?Wan yɛlɛ Apolɔs? ?Wan yɛlɛ m Pɔl kusu? E ti junman difuɛ bɔ e ndɛ bɔ e kannin'n ti yɛ an lafili Jésus su-ɔ.

1 Korɛntfuɛ Mun 7:7

Sɛ sran'm be kwlaa be kwla yo kɛ min sa'n, ɔ yo n fɛ, sanngɛ sɛ sran wie kwla yo o, sɛ wie kusu kwla yo-man o, Nyanmiɛn yɛ ɔ sie i kwlaa sɔ nin-ɔn.

2 Korɛntfuɛ Mun 8:12

Afin sɛ sran kun bɔbɔ klun su i waan ɔ ´man Nyanmiɛn like'n, like nga i sa ju su b'ɔ fa mɛn i'n, ɔ sɔ nun, ɔ mian-man sran kɛ ɔ mɛn i like b'ɔ lɛ-mɛn i'n.

Efɛzfuɛ Mun 3:5

Lalafuɛ nun'n, sa sɔ'n Nyanmiɛn yi-mɛn i nglo kle-man sran mun kɛ ndɛ ɔ man i Wawɛ'n yi i nglo kle i sran'm bɔ Jésus sunmannin be'n nin i nuan ijɔfuɛ mun'n sa.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Filipfuɛ Mun 3:15

I sɔ'n ti'n, man e kwlaa nga y'a yo sran'n, e bu akunndan sɔ'n wie, sanngɛ sɛ amun nun wie mun amun akunndan'n ti ngunmin-ngunmin'n, Nyanmiɛn wa yi sa sɔ'n nglo kle amun.

1 Tɛsalonikfuɛ Mun 5:20

Nán an bu Nyanmiɛn nuan ndɛ nga be kan'n kɛ ɔ ti ngbɛn,

2 Piɛr 1:20

Man an si kpa kɛ sran kun i bɔbɔ tiaun ɔ kwla tu-man Nyanmiɛn Ndɛ nga i nuan ijɔfuɛ'm be klɛli'n i nun kun sa bo.