Rɔmfuɛ Mun 12:5 - NYANMIƐN NDƐ'N 1998

⁵ I kunngba'n, kannzɛ e sɔnnin'n, e nin Krist y'a kaci sran wunmuan, yɛ e kwlaa sɔ'n y'a yo kun.

Nyanmien nde Ufle

⁵ I kunngba'n, kannze é sonnin'n, é nin Christ ya katyi swran wunmuan, ye é kwlaa so'n ya yô kun.

Rɔmfuɛ Mun 12:5 ပူးပေါင်းရင်းမြစ်များ

Jean 17:11

N nun-man mɛn'n nun wa kun, sanngɛ be liɛ'n be tɛ o wa, n kusu n su ba ɔ́ sin. Min Si bɔ ɔ nzuɛn'n nin klɔ sran liɛ'n ti-man kun'n, ɔ dunman'n b'ɔ o n su'n ti, nian bé su. Man be yo sran wunmuan kɛ min nin wɔ e ti sran wunmuan'n sa.

Rɔmfuɛ Mun 12:4

Sran'n ti wunmuan kun, sanngɛ i wun ninnge'm be sɔnnin, yɛ be like nga be yo'n ti ngunmin-ngunmin.

1 Korɛntfuɛ Mun 10:17

Kannzɛ e sɔnnin'n, kpaun kunngba sɔ'n ti y'a kaci sran wunmuan, afin kpaun kunngba sɔ'n yɛ e ngba e yia su e di-ɔ.

1 Korɛntfuɛ Mun 10:33

An `nian like nga n yo'n su. Like kwlaa nga n yo'n, n waan n ´yo nan ɔ jɔ sran'n be kwlaa be klun, m bu-man m bɔbɔ min wun akunndan, sanngɛ kɛ ɔ ´yo nan be kpanngban lika b'a nyan bé ti'n i akunndan yɛ m bu-ɔ.

1 Korɛntfuɛ Mun 12:20

Ɔ ti-man sɔ, sanngɛ bé wun ninnge'n b'ɔ sɔnnin'n yɛ man be flɛ sran i sran nin-ɔn.

1 Korɛntfuɛ Mun 6:15

?An si-man kɛ an ti Krist i wunnɛn'n i lika'n wie? ?N kwla fa Krist i wunnɛn sɔ'n i bue n fa kaci tekle bla kun liɛ? Ɔ kwla yo-man sɔ mlɔnmlɔn!

Efɛzfuɛ Mun 1:23

Kristfuɛ'm be kwlaa be ti i wunnɛn, i bɔbɔ yɛ ɔ ti i ti nin-ɔn. I b'ɔ o lika'n kwlaa'n, ɔ wo Asɔnun'n nun.

Efɛzfuɛ Mun 4:12

Kɛ ɔ ko yo nan i sran'm b'a yo kpa nan b'a di i junman'n nan Krist i wunnɛn'n ɔ'a yo kpa'n ti yɛ man be nun kunngun be junman'n ti wafa-wafa sɔ nin-ɔn.

Efɛzfuɛ Mun 4:25

I sɔ'n ti'n, an `yaci ato bualɛ'n, an `di nanwlɛ kle amun wiengu, afin e kwlaa e ti sran wunmuan .

Efɛzfuɛ Mun 5:23

afin yasua yɛ ɔ ti bla i su kpɛn kɛ Krist kusu ti Asɔnun i su kpɛn'n sa . I yɛ ɔ ti Asɔnun'n b'ɔ ti i wunnɛn'n i Defuɛ-ɔ.

Efɛzfuɛ Mun 5:30

afin e ti i wunnɛn'n i lika'n wie.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Kolɔsfuɛ Mun 2:19

Ɔ fɛ-mɛn i wun mantan-man Krist b'ɔ ti bé ti'n i kpa kun. Krist yɛ man be akpɔlɛ akpɔlɛ nin be ndin'm be sasa su-ɔ, i yɛ man be wunnɛn wunmuan'n yo kpa yɛ ɔ nyin kɛ Nyanmiɛn klo kɛ ɔ nyin'n sa-a.