Rɔmfuɛ Mun 12:3 - NYANMIƐN NDƐ'N 1998

³ Ye dan nga Nyanmiɛn yoli min'n ti, n ´se amun kwlakwla kɛ nán an bu amun wun sran dan tra wafa nga an ti'n su, sanngɛ an `nian wafa nga Nyanmiɛn man an lafi i su'n, sɛ an lafi i su kpa o, yɛ man amun si wafa nga amun ti'n.

Nyanmien nde Ufle

³ Yé dan nga Nyanmien yôli'n min'n ti, nh séh amun kwlakwla ke, nanh an bu amun wun swran dan tra wafa nga an ti'n su, sannge anh nian wafa nga Nyanmien man an lafi i su'n, se an lafi su kpa ô, ye man amun si wafa nga amun ti'n.

Rɔmfuɛ Mun 12:3 ပူးပေါင်းရင်းမြစ်များ

Nyanndra Mun 25:27

Awɛma nzue nɔnlɛ ngboko'n ti-man kpa. Dunman klanman kunndɛlɛ ngboko'n kusu ti-man kpa.

Nyanndra Mun 26:12

Sran ng'ɔ bu i bɔbɔ wun ngwlɛlɛfuɛ'n, sinnglinfuɛ'n flunman trɛ i.

Akunndanfuɛ'n 7:16

Nán bu ɔ wun sran kpa yɛ nán bu ɔ́ wun ngwlɛlɛfuɛ. Sɛ a yo sɔ-ɔ a ´wu ndɛ kpa'n.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

JÉSUS-CHRIST I DYASIN FE'N BO LUC KLELI'N 18:11

Farizifuɛ'n jrannin nglo ɔ kannin kɛ i bɔbɔ ti'n kleli Nyanmiɛn, ɔ seli kɛ: ‹Nyanmiɛn, kwla o, afin n liɛ'n, n ti-man kɛ sran nga'm be sa: be de sran like wue kekle su, be di-man nanwlɛ, be kunndɛ bla bé yi bo nin bian bé wun bo, yɛ n ti-man kɛ gua bo sika defuɛ ng'ɔ jin yɛ'n sa.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

Rɔmfuɛ Mun 11:20

Ɔ ti sɔ. Nyanmiɛn bɔ be lafi-mɛn i su kpa'n ti yɛ be kpɛkpɛli be-ɔ, ɔ kusu, i su bɔ a lafi'n ti yɛ man a o lɛ-ɔ. Nán tu ɔ wun, sanngɛ nian ɔ wun kpa,

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 12:16

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

1 Korɛntfuɛ Mun 15:10

Sanngɛ sran nga m'an yo i yɛ'n, ye bɔ Nyanmiɛn yoli min'n ti yɛ man m'an yo sɔ-ɔ. Ye sɔ'n b'ɔ yoli min'n ɔ'a yo-man ngbɛn, afin n dili junman dan trali be ngba, nán kɛ m bɔbɔ min yɛ n dili junman sɔ nin-ɔn, sanngɛ Nyanmiɛn yɛ ɔ jrannin ń sin yɛ man n dili junman sɔ nin-ɔn.

1 Korɛntfuɛ Mun 3:10

Nyanmiɛn klun-ufue'n ti m'an yo kɛ sua kplanfuɛ b'ɔ si sua kplan sa, n wlali sua'n i bo ase, yɛ sran uflɛ su taka su. Sanngɛ man sran ng'ɔ taka su'n, ɔ niɛn i wafa ng'ɔ fa taka su'n i su kpa.

1 Korɛntfuɛ Mun 7:17

Sanngɛ sa ng'ɔ ti cinnjin'n yɛlɛ kɛ man sran kun tran kɛ Nyanmiɛn sieli i'n sa. I wafa ng'ɔ ti bɔ Nyanmiɛn fa flɛli i'n, man ɔ tran su. I sɔ ndɛ yɛ n kɛn i asɔnun'n kwlaa nun-ɔn.

2 Korɛntfuɛ Mun 10:13

E liɛ'n, Nyanmiɛn kleli ye junman nga e ´di'n ɔ nin i juwlɛ'n, an wo nun wie. Kɛ e ´di é nuan'n, e fa-man like ng'ɔ nun-man e junman liɛ'n nun'n di-man é nuan.

2 Korɛntfuɛ Mun 12:13

?Nzu like yɛ n yo mannin asɔnun nga mun bɔ m'an yo-man wie a man-man amun-ɔn? San like bɔ m'an de-mɛn i amún sa nun'n, i cɛ! Sɛ i yɛ ɔ ti sa bɔ n yoli amun'n, an `yaci.

2 Korɛntfuɛ Mun 12:7

Kɛ ɔ ko yo nan m'an tu-man min wun abonuan sa bɔ Nyanmiɛn yi be nglo kleli min ti'n, ɔ man tukpacɛ wie tɔli n su ɔ kali min kplo'n nun. Ɔ ti kɛ Satan i anz sa, ɔ ba m bolɛ nan m'an tu-man min wun .

Galasifuɛ Mun 6:3

Sɛ sran kun bu i wun kɛ ɔ ti sran dan b'ɔ ti-man sɔ'n, wuun ɔ'a lɛkɛ i bɔbɔ wun.

Efɛzfuɛ Mun 3:2

Sa nga Nyanmiɛn i klun-ufue'n ti ɔ man n yo man amun'n, n lafi su kpa kɛ an tili.

Efɛzfuɛ Mun 3:4

Sɛ an kanngan'n, amun ´wun i wlɛ weiin kɛ n si Krist i wun ndɛ bɔ Nyanmiɛn fiɛli i sran'm be nyrun'n kpa.

Efɛzfuɛ Mun 4:16

I yɛ man wunnɛn wunmuan'n kwlaa o lɛ-ɔ, yɛ wunnɛn sɔ'n i lika kun junman liɛ nga be kleli i kɛ ɔ di'n yɛ ɔ di-ɔ, afin be kwlaa be sasa su. Ɔ yo man wunnɛn sɔ'n ɔ nyin, yɛ ɔ yo kpa klolɛ bɔ i lika sɔ'n be klo be wun'n ti.

Filipfuɛ Mun 2:13

afin Nyanmiɛn bɔbɔ yɛ ɔ man i klun sa yolɛ'n yo amun fɛ yɛ man an kwla yo-ɔ.

Kolɔsfuɛ Mun 1:29

Wunmiɛn ng'ɔ mannin min'n, i ti n lɛ fanngan yɛ m mian mín nyin fa di junman kpa.

Kolɔsfuɛ Mun 2:13

Amun bɔ laa amún sa bɔ an yoli Nyanmiɛn'n, nin klɛn bɔ b'a wla-man amun'n ti an ti kɛ sran bɔ ɔ'a wu sa'n, kɛ ɔ yacili sa nga e yoli i'n i kwlaa cɛli ye'n, ɔ mannin amun nin Krist amun nguan.

1 Timote 1:14

Ye nga e Min'n yoli min'n i nyin fiteli dan, ɔ man kɛ e nin Krist-Jésus e kacili sran wunmuan'n, e lafi i su, yɛ e klo i nin sran mun.

1 Timote 2:15

Sanngɛ sɛ bla lafi Nyanmiɛn su kpa'n, sɛ ɔ klo sran titi'n, sɛ ɔ yo Nyanmiɛn liɛ mlɔnmlɔn nan ɔ niɛn i wun su kpa'n, sɛ ɔ ko wu ba'n, ɔ ´fite nun.

1 Timote 2:9

I kunngba'n, n klo kɛ tannin nga mmla'm be kla'n be klɛ i kpa, nán man be fa bé wun kle, sanngɛ man be sie bé wun kpa . Kɛ be ´siesie bé wun'n, nán man be fa be wla guɛ i be ti bɔ be yo'n, nin sika ɔkwlɛ, nin afle, nin tralɛ b'ɔ lɛ gua'm bé su,

Tite 2:12

Ye sɔ b'ɔ yoli ye'n ti, ɔ kle e kɛ e yaci sa b'ɔ yo-man Nyanmiɛn fɛ'n nin mɛn nun ninnge nga é nyin blo be su'n, nan blɛ nga e o nun yɛ'n, e yo sa ng'ɔ ti i nuan su'n, nin sa ng'ɔ ti kpa'n, yɛ e sro Nyanmiɛn.

Tite 2:2

Se yasua kpɛnngbɛn'm be kɛ be bu akunndan, yɛ be di nanwlɛ, be yo sa i nuan su, be jran kekle be lafi Nyanmiɛn su, be klo Nyanmiɛn nin sran, be tra be anwlɛn.

Tite 2:4

nan be fa kle talua mun kɛ be `klo bé wun nin be mma mun,

Tite 2:6

Kan kle gbanflɛn'm be kɛ be kusu be yo sa i nuan su.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

3 Jean 1:9

N klɛ ndɛ kaan m blɛli asɔnun'n i nunfuɛ mun, sanngɛ Diotrɛf b'ɔ klo kɛ ɔ ´yo bé su kpɛn'n, ɔ fa-man e ndɛ'n su.