Rɔmfuɛ Mun 12:16 - NYANMIƐN NDƐ'N 1998

¹⁶ Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

Nyanmien nde Ufle

¹⁶ Man amun nuan se. Nanh an bu akunndan dandan, se bé sé amun ke an di dyunman b'o ti'a dyunman kpa'n, anh di. Nanh an bu amun wun ngwlelefue.

Rɔmfuɛ Mun 12:16 ပူးပေါင်းရင်းမြစ်များ

2 Be Nyoliɛ 30:12

Zida lɔ kusu'n, Anannganman dili junman sran'm be nun, ɔ man be kwlaa be kplinnin su kɛ be ´yo sa bɔ Nyanmiɛn man famiɛn'n nin i awlo lɔ sran dandan'm be kannin'n i su sa.

Zɔb I Nyrɛnnɛn Wunlɛ 36:5

Nyanmiɛn ɔ kwla dan kpa, ɔ yi-man sran blo. Ɔ kwla dan, afin i ngwlɛlɛ b'ɔ si i'n, ɔ ti dan.

Nyanndra Mun 17:5

Sran ng'ɔ sri yalɛfuɛ mun'n, wuun ɔ'a lo Anannganman b'ɔ boli be'n i ngasi. Sran nga bɔ sɛ ndɛ nyɛn i wiengu-ɔ ɔ sri i'n, Anannganman su yaci cɛ-mɛn i .

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 19:22

Like ng'ɔ nin sran fata'n yɛlɛ nanwlɛ'n. Kɛ n ko yo gblɛfuɛ'n, ɔ flunman kɛ n yo yalɛfuɛ.

Nyanndra Mun 19:7

Yalɛfuɛ'n i niaan'm be bɔbɔ be kpɔ i, nan nán se kɛ i janvuɛ mun. Sɛ i waan ɔ ´koko yalɛ-ɔ, ɔ kunndɛ be-ɔ ɔ wun-man be.

Nyanndra Mun 26:12

Sran ng'ɔ bu i bɔbɔ wun ngwlɛlɛfuɛ'n, sinnglinfuɛ'n flunman trɛ i.

Nyanndra Mun 26:5

Kɛ ɔ ´yo nan sinnglinfuɛ'n ɔ'a bu-mɛn i klun lɔ kɛ ɔ ti ngwlɛlɛfuɛ'n ti'n, i sinnzin sa ng'ɔ fa yo wɔ'n, nian su yo i wie.

Nyanndra Mun 3:7

Nán bu ɔ wun kɛ a si akunndan, man ɔ́ nyin yi Anannganman, nán yo tɛ .

Ezai 5:21

Be nga be bu bé wun kɛ be si sa'n, bɔ be bu bé wun kɛ be ti ngwlɛlɛfuɛ'n, be yako!

Zeremi 32:39

N ´yo man be akunndan'n ´yo kun. Be nantiwlɛ'n ´yo kun. Be ´sro min titi, ɔ man be nin be osu'n be ´nyan muae.

Zeremi 45:5

I sɔ'n kpɛkuun pɔɔ yɛ a ´kunndɛ kɛ a ´tran nun-ɔn. Nán kunndɛ pɔɔ nun tranlɛ. Nyrɛnnɛn nga n ´fa yi i mɛn'n su'n, like kun ng'ɔ su nyɛn-mɛn i'n, ɔ nun-man lɛ. Ɔ liɛ nga a ´nyɛn i'n yɛlɛ ɔ nguan'n. Kan kwlaa nga ɔ waan a kɔ'n, ɔ́ wun fouun!»

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Matthieu 26:11

Afin amun nin yalɛfuɛ mun yɛ amun ´ka titi-ɔ, sanngɛ n liɛ'n, min nin amun su tran-man wa titi .

JÉSUS-CHRIST I DYASIN FE'N BO LUC KLELI'N 14:13

Sanngɛ sɛ a ´di cɛn'n, flɛ yalɛfuɛ mun flɛ be bɔ bé sa nin bé ja ti wuwa'n, nin cɛcɛwafuɛ mun, nin anyansifuɛ mun.

JÉSUS-CHRIST I DYASIN FE'N BO LUC KLELI'N 6:20

Jésus niɛnnin i sɔnnzɔnfuɛ mun yɛ ɔ seli be kɛ: «Amun bɔ an ti yalɛfuɛ'n, amun liɛ su ti ye, afin Nyanmiɛn yɛ ɔ wa sie amun-ɔn!

Sa nga bé yôli'n 4:32

Sran kaka nga be lafili Krist su'n, bé bo yoli kun, yɛ be akunndan'n ti kun. Be nun wie fi se-man kɛ i ninnge'm be ti i ngunmin liɛ, sanngɛ like ng'ɔ ti sran kun liɛ'n, ɔ ti be kwlaa be liɛ.

Rɔmfuɛ Mun 11:20

Ɔ ti sɔ. Nyanmiɛn bɔ be lafi-mɛn i su kpa'n ti yɛ be kpɛkpɛli be-ɔ, ɔ kusu, i su bɔ a lafi'n ti yɛ man a o lɛ-ɔ. Nán tu ɔ wun, sanngɛ nian ɔ wun kpa,

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 12:3

Ye dan nga Nyanmiɛn yoli min'n ti, n ´se amun kwlakwla kɛ nán an bu amun wun sran dan tra wafa nga an ti'n su, sanngɛ an `nian wafa nga Nyanmiɛn man an lafi i su'n, sɛ an lafi i su kpa o, yɛ man amun si wafa nga amun ti'n.

Rɔmfuɛ Mun 15:5

Man Nyanmiɛn b'ɔ wla sran fanngan b'ɔ man be tra be anwlɛn'n, ɔ man amun akunndan'n yo kun kɛ Krist-Jésus bɔbɔ kle ye kɛ e yo'n sa.

Rɔmfuɛ Mun 6:2

E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

1 Korɛntfuɛ Mun 3:18

Nán man sran fi lɛkɛ i wun, sran ng'ɔ bu i wun kɛ ɔ si sa'n, man ɔ yo i wun sinnglinfuɛ nan ɔ'a kaci ngwlɛlɛfuɛ .

1 Korɛntfuɛ Mun 4:10

Krist ti y'a kaci sinnglinfuɛ, sanngɛ amun liɛ'n, sran wunmuan bɔ amun nin Krist amu'an kaci'n ti'n, an ti ngwlɛlɛfuɛ! E ti fuɛn, sanngɛ amun liɛ'n, an ti kekle! An lɛ nyrun, sanngɛ e liɛ'n, be bu-man e sran!

1 Korɛntfuɛ Mun 6:5

N kɛn i sɔ ´fa gua amún nyin ase! ?Ngwlɛlɛfuɛ bɔ kun sa nun-man amun nun b'ɔ kwla siesie i niaan Kristfuɛ'm be afiɛn-ɔn?

1 Korɛntfuɛ Mun 8:2

Sɛ sran kun bu i wun kɛ ɔ wun sa wlɛ'n, wuun ɔ su lɛkɛ i wun, ɔ nian bu-mɛn i bue kaan sa.

2 Korɛntfuɛ Mun 13:11

Aniaan mun, min ndɛ'n i atabo'n yɛ: Nyanmiɛn man amun klun jɔ. An `kaci, an `yo sran kpa, an `fa min ndɛ'n su, man amún bo yo kun, yɛ an `di anuansɛ. Yɛ Nyanmiɛn b'ɔ klo sran'n b'ɔ man e di alaje'n, ɔ nin amun ´tran.

Filipfuɛ Mun 1:27

Sa'n kwlaa nun'n, an `yo sa ng'ɔ nin Krist jasin fɛ'n ti kun'n nan sɛ m ba amún wun wunlɛ o, sɛ m ba-man o, m'an ti amun ngan kɛ amun kwlaa amún bo ti kun kpa amun jran kekle, yɛ amun akunndan'n ti kun, yɛ an mian amún nyin jasin fɛ'n bɔ an lafi su'n ti.

Filipfuɛ Mun 3:16

Lika kwlaa nga y'a ju'n, kannzɛ ɔ ti sɛ, man ajalɛ kunngba nga e fa boli i bo'n, e `fa wɔ.

Filipfuɛ Mun 4:2

Evodi nin Sintis, n ´tu amun fɔ, yɛ n ´srɛ amun kɛ man amun akunndan'n yo kun, afin e Min'n ti an ti niaan.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»

1 Piɛr 3:8

Min ndɛ'n i atabo'n yɛ, man amun akunndan'n yo kun, man amun nuan `sɛ, an `klo amun wiengu kɛ amun niaan sa, an `si i aunnvuɛ, yɛ an `yo amún wun aenvuɛ.

1 Piɛr 5:3

Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.

3 Jean 1:9

N klɛ ndɛ kaan m blɛli asɔnun'n i nunfuɛ mun, sanngɛ Diotrɛf b'ɔ klo kɛ ɔ ´yo bé su kpɛn'n, ɔ fa-man e ndɛ'n su.