Rɔmfuɛ Mun 12:12 - NYANMIƐN NDƐ'N 1998

¹² Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

Nyanmien nde Ufle

¹² Amun nyin b'o ô é Min'n i sin'n ti, anh gua amun wla asé. Se sa to amun su'n, anh tra amun awlen. Amun nin Nyanmien anh kôkô yale titi, nanh amun kponzo.

Rɔmfuɛ Mun 12:12 ပူးပေါင်းရင်းမြစ်များ

Jue Mun 109:4

N klo be, sanngɛ be liɛ'n, min wun ndɛ tɛtɛ'n yɛ be kan-an. N liɛ kusu n srɛ m man be.

Jue Mun 37:7

Fa ɔ́ wla'n guɛ i Anannganman su! Tran diin, yɛ minndɛ. Sɛ sran wie i ninnge'm be yo ye i sa nun'n, nán man ɔ yo wɔ ya. Nán fa ya sran nga i klun akunndan'm be ti-man kpa'n i wun.

Jue Mun 40:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. I waan:

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Nyanndra Mun 10:28

Sa nga klun-ufuefuɛ'm bé nyin o i sin'n, san be ´nyan su aklunjuɛ. Klunwifuɛ'm be sunnzunlɛ nga be sunnzun'n, i kwlaa tɔ nzue nun.

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Matthieu 5:12

yɛlɛ kɛ amun mo'n ɔ wa yo dan nyanmiɛn su lɔ. I sɔ'n ti, man amun klun jɔ, man amún wun blibli amun. Afin laa kɛ be kleli Nyanmiɛn nuan ijɔfuɛ'm be yalɛ sɔ-ɔ, i sin nan b'a wu amun .»

JÉSUS-CHRIST I DYASIN FE'N BO LUC KLELI'N 10:20

Kannzɛ n seli sɔ'n, nán amun klun jɔ ninnge'm bɔ be sro amun'n ti, sanngɛ man amun klun jɔ amun dunman bɔ b'a klɛ i nyanmiɛn su lɔ'n ti .»

JÉSUS-CHRIST I DYASIN FE'N BO LUC KLELI'N 21:19

Sɛ an tra amun anwlɛn'n, amun ´nyan amún ti.»

JÉSUS-CHRIST I DYASIN FE'N BO LUC KLELI'N 8:15

Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Sa nga bé yôli'n 1:14

Be nin bla mun nin Jésus i nín Mari, yɛ Jésus i niaan bian mun be kwlaa bé bo yoli kun be nin Nyanmiɛn be koko yalɛ. Yalɛ kokolɛ sɔ'n dili be mlɔnmlɔn.

Sa nga bé yôli'n 12:5

I sɔ'n ti sonja'm be nian Piɛr su kpa bisua lɔ, sanngɛ asɔnunfuɛ'm be srɛ Nyanmiɛn titi kɛ ɔ niɛn i su.

Sa nga bé yôli'n 2:42

Be fa be su sie be bɔ Jésus sunmannin be'n be ndɛ'n su kpa, be tran aniaan tranlɛ, be di like likawlɛ, be nin Nyanmiɛn be koko yalɛ tititi.

Sa nga bé yôli'n 6:4

E liɛ'n, e nin Nyanmiɛn e ´koko yalɛ, yɛ e ´kɛn i ndɛ'n tititi.»

Rɔmfuɛ Mun 15:13

Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 8:25

Sɛ é nyin o like bɔ be waan be ´fa man ye bɔ e nian wun-mɛn i'n i sin'n, e tra e anwlɛn e tran minndɛ.

1 Korɛntfuɛ Mun 13:13

Siɛn'n, like nsan nga be ka lɛ'm be yɛ: Nyanmiɛn su lafilɛ, é wla bɔ e fa guɛ i Nyanmiɛn su'n, nin klolɛ bɔ e fa klo Nyanmiɛn nin sran'n, sanngɛ be nun dan'n yɛlɛ Nyanmiɛn nin sran be klolɛ.

2 Korɛntfuɛ Mun 12:8

M'an srɛ e Min'n kpɛ nsan kɛ ɔ yi tukpacɛ sɔ'n min kplo'n nun.

Filipfuɛ Mun 3:1

N niaan mun, min ndɛ'n i atabo'n yɛ: sran wunmuan bɔ amun nin e Min'n ti'n ti'n, man amun klun jɔ. Ndɛ nga n klɛ blɛli amun laa'n, kɛ n ´klɛ blɛ amun ekun'n, ɔ ti-man min afɛ, yɛ sɛ n yo sɔ man amun-ɔn ɔ ti kpa.

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .

Kolɔsfuɛ Mun 1:11

E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.

Kolɔsfuɛ Mun 1:27

Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

Kolɔsfuɛ Mun 4:2

An `koko yalɛ kle Nyanmiɛn titi, an `fa amún wla'n kwlaa gua su yo, yɛ an `lɛ i ase.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Tɛsalonikfuɛ Mun 5:8

Sanngɛ e bɔ e o wia nun'n, man e nian e wun su. Man Krist su bɔ e lafi'n nin e sran nin Nyanmiɛn klolɛ'n ɔ yo kɛ like kokloko bɔ e fa kata e wue su'n sa. Man é ti bɔ é wla o su kɛ e ´nyɛn i'n ɔ yo kɛ kpongbo kle sa .

2 Tɛsalonikfuɛ Mun 1:4

Yɛ e fa amun di é nuan Nyanmiɛn i asɔnun'm be nun, afin yalɛ nga be kle amun'n nin nyrɛnnɛn nga an wun i'n, i kwlaa sɔ'n nun'n, an tra amun anwlɛn an lafi Krist su.

2 Tɛsalonikfuɛ Mun 3:5

Man e Min'n man an wun klolɛ nga Nyanmiɛn fa klo amun'n, yɛ ɔ man an tra amun anwlɛn kɛ Krist liɛ'n sa.

1 Timote 6:11

Sanngɛ ɔ bɔ a ti Nyanmiɛn i sran'n, nán fa ɔ wun wlɛ i ninnge sɔ'm be yolɛ nun. Mian ɔ́ nyin yo sa ng'ɔ ti kpa'n, fa ɔ wun mantan Nyanmiɛn, lafi i su, klo Nyanmiɛn nin sran, tra wɔ anwlɛn, yɛ yo wɛtɛɛfuɛ.

2 Timote 3:10

Ɔ liɛ'n, a si like nga n kle'n kpa, nin min nzuɛn'n, nin min akunndan'n, nin min Nyanmiɛn su bɔ n lafi'n, nin min anwlɛn bɔ n trɛ i'n, nin min Nyanmiɛn nin sran'm be klolɛ'n, nin min kekle bɔ n jran'n,

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Tite 3:7

nan ye nga ɔ yo ye'n ti'n, ɔ ´bu e sran kpa yɛ ɔ man e ´nyan anannganman nguan nga i waan ɔ ´man ye bɔ é wla o su'n.

Hébreu 10:32

Laa bɔ kɛ Nyanmiɛn man an wunnin ase'n, nyrɛnnɛn dan kpa nga an wunnin i'n bɔ an jrannin kekle'n, an `bu i akunndan.

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Hébreu 12:1

I sɔ'n ti, kɛ sran kpanngban kpa bɔ be kan Nyanmiɛn sulafilɛ ndɛ'n be sin yia e kukuku'n, man e kusu e gua like kwlaa ng'ɔ tanndan e wun'n be ase, man e wla sa tɛ'n kwlaa ase, afin ɔ cɛ-man nan ɔ'a tanndan é ja nun. Man e mian é nyin sin lika nga be kle ye'n nun.

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.

Hébreu 6:12

E klo-man kɛ an yo nvɛɛfuɛ, sanngɛ be nga be lafi Nyanmiɛn su'n, bɔ be tra be anwlɛn b'ɔ man be nyan like nga i waan ɔ ´fa man be'n, an nian be liɛ'n su yo.

Hébreu 6:15

Ɔ man i sɔ'n ti'n, kɛ Abraam trɛli i anwlɛn lele'n, ɔ nyannin like nga Nyanmiɛn seli kɛ ɔ ´mɛn i'n.

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.

1 Piɛr 4:13

Sanngɛ kɛ an wun nyrɛnnɛn kunngba nga Krist wunnin i'n wie'n, man amun klun jɔ nan cɛn nga be ´yi i sran wafa ng'ɔ ti'n i nglo'n, amun klun a jɔ kpa.

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.

2 Piɛr 1:6

Kɛ an wun sa'm be wlɛ'n, an `nian amun wun su. Kɛ an nian amún wun su'n, an `tra amun anwlɛn. Kɛ an tra amun anwlɛn'n, an `fa amún wun mantan Nyanmiɛn.

Sa nglô yile 13:10

Sran nga be sieli kɛ be `wlɛ bisua'n, san be ´wlɛ, yɛ sran ng'ɔ fa tokofi kun sran'n, san be ´fa tokofi kun i wie. I kwlaa sɔ'n nun'n, man be wun kɛ Nyanmiɛn i sran'm be lɛ anwlɛn yɛ be lafi i su .