Rɔmfuɛ Mun 12:10 - NYANMIƐN NDƐ'N 1998

¹⁰ An `klo amun wun kpa kɛ sran nin i niaan sa, an `bu amun wiengu sran.

Nyanmien nde Ufle

¹⁰ Anh klô amun wun kpa ke swran nin i niaan sa, anh bu amun wiéngu swran.

Rɔmfuɛ Mun 12:10 ပူးပေါင်းရင်းမြစ်များ

Bo Bolɛ 13:9

Nian, lika'n yɛ ɔ la lɛ-ɔ, man e tran ngunmin-ngunmin. Sɛ bɛ su yɛ a kɔ'n, n ´kɔ n liɛ fama su, sɛ kusu fama su yɛ a kɔ'n, n ´kɔ n liɛ bɛ su.»

Zɔb I Nyrɛnnɛn Wunlɛ 1:4

I mma yasua'm be kle cɛn be kɔ be nun kun awlo be ko di cɛn. Be yo i sɔ sin yia nun. Kɛ be ´yo i sɔ'n, be flɛ be niaan bla nsan mun. Be nin be yɛ be di like yɛ be nɔn nzan-an.

Jue Mun 133:1

Zerizalɛm kɔlɛ'n i su jue. Jue sɔ'n ɔ ti David liɛ. I waan: Nanwlɛ, kɛ aniaan'm be tran likawlɛ'n i sɔ'n ti kpa, ɔ yo nyɛnmɛn.

Zeremi 38:12

Etiopi bian Ebɛd-Melɛk seli Zeremi kɛ: «Fa tralɛ nvuɛn-nvuɛn mun sie ɔ nvlaan bo, fa be yo nyanman'm bé bo annyre.» Nan Zeremi ɔ'a nian su ɔ'a yo.

Matthieu 20:26

Amun liɛ'n su yo-man sɔ, sanngɛ amun nun sran ng'ɔ klo kɛ ɔ ´yo dan'n, man ɔ su i wiengu mun,

JÉSUS-CHRIST I DYASIN FE'N BO LUC KLELI'N 14:10

Sanngɛ sɛ sran flɛ wɔ kɛ a wa di like'n, ko tran siɛn lɔ bia liɛ'n su nan sran ng'ɔ flɛli wɔ'n, sɛ ɔ ju lɛ'n ɔ'a se wɔ kɛ: ‹Janvuɛ, bla wa tran bia kpa nga su.› I sɔ'n nun'n, a ´nyan kɔmin be nga a nin be di like'n be nyrun.

Jean 15:17

Ndɛ nga n ´kan kle amun'n yɛlɛ kɛ an `klo amun wiengu.»

Jean 17:21

Min Si, n ´srɛ wɔ kɛ be `kaci sran wunmuan, yɛ be nin ye e `yo sran wunmuan kɛ min nin wɔ e ti sran wunmuan'n sa nan mɛn nunfuɛ'm be lafi su kɛ wɔ yɛ a sunmannin min-ɔn.

Sa nga bé yôli'n 4:32

Sran kaka nga be lafili Krist su'n, bé bo yoli kun, yɛ be akunndan'n ti kun. Be nun wie fi se-man kɛ i ninnge'm be ti i ngunmin liɛ, sanngɛ like ng'ɔ ti sran kun liɛ'n, ɔ ti be kwlaa be liɛ.

Rɔmfuɛ Mun 13:7

Be kalɛ kwlaa ng'ɔ o amun su'n, an `tua man be. Sran nga be su lapo mɛn i'n, an `su mɛn i. Sran nga amun ninnge'm be su sika ng'ɔ fata kɛ amun yi'n ɔ ti i liɛ'n, an `yi mɛn i. Sran ng'ɔ ti bɔ an sro i'n, an `sro i, yɛ ng'ɔ ti bɔ an bu i sran'n, an `bu i sran.

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

Kolɔsfuɛ Mun 1:4

afin e tili Krist-Jésus su bɔ an lafi'n, nin klolɛ nga an fa klo Nyanmiɛn sran'm be kwlaa'n i ndɛ bɔ be kan'n.

1 Tɛsalonikfuɛ Mun 4:9

Amun niaan klolɛ ndɛ liɛ'n, e bo-man wɛ klɛ-man amun i su fluwa, afin Nyanmiɛn bɔbɔ kleli amun kɛ an klo amun wun.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

Hébreu 13:1

An `klo amun wun kpa kɛ sran nin i niaan sa tititi.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:17

An `bu sran'm be kwlaa be sran, an `klo amun niaan Kristfuɛ mun, man amún nyin yi Nyanmiɛn, an `bu famiɛn'n i sran.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

2 Piɛr 1:7

Kɛ an mantan Nyanmiɛn'n, an `yo amun niaan'm be kpa. Kɛ an yo be kpa'n, an `klo sran.

1 Jean 4:11

N sran kpa mun, sɛ Nyanmiɛn klo ye dan kɛ nga sa'n, man e kusu e klo e wun sɔ.

1 Jean 4:20

Sɛ sran kun se kɛ ɔ klo Nyanmiɛn sanngɛ ɔ kpɔ i niaan'n, wuun ato yɛ ɔ bua-a. ?Afin sɛ ɔ klo-mɛn i niaan'n b'ɔ wun i'n, ɔ ´yo sɛ yɛ ɔ kwla klo Nyanmiɛn b'ɔ wun-mɛn nin-ɔn?