Rɔmfuɛ Mun 12:1 - NYANMIƐN NDƐ'N 1998

¹ Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

Nyanmien nde Ufle

¹ Aniaan mun, aunnvue dan bo Nyanmien wunnin yé'n ti, nh sreh amun kpa ke an fa amun wun men ke sraka bo bé dyre sa, b'o ti i lie mlonmlon, bo i klun dyo su, i ye o ti i sole wafa b'o ti suo.

Rɔmfuɛ Mun 12:1 ပူးပေါင်းရင်းမြစ်များ

Jue Mun 116:12

?Nan nɛnnɛn kpli nga Anannganman ɔ'a di min yɛ'n, nguɛ cɛ yɛ n ´nyɛn i n ´fa lɛ i ase-ɔ?

Jue Mun 19:14

Wun tufuɛ'm be ti, sasa min bɔ n ti ɔ sufuɛ'n. Nán be fu min su! I liɛ'n, sran fi su nyan-man ndɛ tɛ ɔ kɛn-mɛn i min wun, yɛ n su yo-man sa tɛ dan.

Ezai 56:7

n ´fa be m ba m bɔbɔ min oka'n su wa, be ´su min min srɛwa sua'n nun, yɛ n ´yo man be klun ´jɔ. Bé tɛ bɔ be yra be nnɛn'n kɔlikɔli'n nin be sraka mun'n, n ´sɔ be nun min sɔwlɛ'n su, afin be ´flɛ mín sua'n kɛ Nvle-nvlefuɛ'm be Kwlaa be Nyanmiɛn Srɛlɛ Sua .

Zeremi 6:20

?Ansans nga an ko fɛ i Seba'n, ɔ fata min nguɛ? ?Ayre fanninfannin nga amun ko fɛ i mɛn wie nun mmua lɔ ba'n, ɔ fata min nguɛ? Nnɛn nga an fa yi tɛ nga be yrɛ i nnɛn'n kɔlikɔli'n, be yo-man min klanman. Amun sraka'm be jɔ-man min klun.

Ndɛ Nga Nyanmiɛn I Nuan Ijɔfuɛ Oze Kannin'n 14:2

Izraɛlfuɛ mun, amun sa amun sin bla Anannganman amun Nyanmiɛn'n i wun, afin tɔlɛ nga amun tɔli'n, ɔ fin amún sa tɛ nga amun yoli'n.

JÉSUS-CHRIST I DYASIN FE'N BO LUC KLELI'N 7:47

I sɔ'n ti'n, n ´kan kle wɔ kɛ i klolɛ dan b'ɔ fa klo min'n kle kɛ Nyanmiɛn a yaci i sa tɛtɛ kpanngban b'ɔ yoli'n ɔ'a cɛ i. Sanngɛ sran nga i sa tɛ b'ɔ yoli bɔ Nyanmiɛn yaci cɛli i'n, sɛ ɔ ti-man dan'n, i klolɛ b'ɔ fa fa klo min'n ti kaan.»

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 15:30

Aniaan mun, n ´srɛ amun, an `nian e Min Jésus-Krist nin klolɛ nga Nyanmiɛn Wawɛ'n man e klo e wun'n ti'n,

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Rɔmfuɛ Mun 6:13

Nán an fa amun wunnɛn'n i bue kaan sa man ɔ yo sa tɛ'n i junman like, sanngɛ amun bɔ an ti kɛ sran bɔ b'a wu b'a cɛn sa'n, an `fa amún wun man Nyanmiɛn, man amun wunmuan'n yo i junman like b'ɔ fa yo sa kpa.

Rɔmfuɛ Mun 6:16

?An si-man kɛ sɛ an fa amún wun man sran kun bɔ an kaci i sran'n bɔ amún nyin yi i'n, wuun an ti i kanga? Ɔ man an kwla fa amún wun man sa tɛ yolɛ bɔ i agualiɛ yɛlɛ wie'n annzɛ anyinyiɛ bɔ amun fa man Nyanmiɛn bɔ i agualiɛ yɛlɛ sran i sran kpa kacilɛ'n.

Rɔmfuɛ Mun 6:19

Klɔ sran bɔ amun ti bɔ amun anwlɛn sɔ-man'n ti yɛ n fa sran akunndan n kɛn i sɔ-ɔ. Laa'n, an fa amun wun mannin sa tɛtɛ yolɛ'n nin mmla tɔnlɛ'n nan amun ´yo sa sukusuku mun, ɔ man siɛn'n, an `fa amun wun man sa kpa yolɛ'n nan an `fa Nyanmiɛn i nzuɛn'n.

Rɔmfuɛ Mun 9:23

?Sɛ ɔ yo i sɔ kɛ ɔ fɛ i ye dan b'ɔ yo e i klun-ufue su'n kle ye'n, ɔ kwla yo-mɛn i sɔ? Afin e b'ɔ wunnin e aunnvuɛ'n e ti kɛ sɛ klanman sa. Ɔ dun mmua sieli ye kɛ e nyan nyrun.

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

2 Korɛntfuɛ Mun 10:1

M bɔbɔ m Pɔl m ma srɛ amun like kun. Be se kɛ kɛ n wo amun nyrun lɔ'n, n ti wɛtɛɛ kpe nun, sanngɛ be waan kɛ n nun-man lɔ'n, ndɛ nga n kan kle amun'n, n kɛn i yasua su. Krist b'ɔ ti wɛtɛɛ b'ɔ ti sran kpa'n i dunman nun

2 Korɛntfuɛ Mun 4:1

Nyanmiɛn i aunnvuɛ b'ɔ si ye b'ɔ fa e wlali junman nga nun'n ti'n, é sa sin bubu-man ye.

2 Korɛntfuɛ Mun 4:16

I sɔ'n ti'n, é sa sin bubu-man ye. Kannzɛ e wunnɛn ng'ɔ o yɛ'n ɔ saci'n, like nga bɔ man be flɛ min sran'n, cɛn kwlaa Nyanmiɛn bo i mɔnnɛn.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Efɛzfuɛ Mun 4:1

I sɔ'n ti'n, m bɔ e Min'n ti yɛ n ti bisuafuɛ'n, n srɛ i kpa kɛ an bu flɛlɛ nga Nyanmiɛn flɛli amun'n i akunndan nan an yo sa ng'ɔ ti i nuan su'n.

Efɛzfuɛ Mun 5:10

An `mian amún nyin an ´yo sa ng'ɔ yo e Min'n i fɛ'n.

Mmla'n 14:2

Afin amun ti Anannganman amun Nyanmiɛn i sran mun klonglo. Anannganman niannin mɛn'n nun nvle'm be kwlaa be nun ɔ kpali amun kɛ amun yo i liɛ mlɔnmlɔn.

Filipfuɛ Mun 1:20

Like nga ń wla'n wo su'n, bɔ n kunndɛ i kpa'n, yɛlɛ kɛ nán man like fi kun min nyannzuɛn, sanngɛ n ´tra min anwlɛn kɛ e ´se yɛ'n nin cɛn kwlaa lelele sɛ n ´nyan nguan o, sɛ n ´wu o, like nga n ´yo'n i kwlaa ba Krist nyrunnyan,

Filipfuɛ Mun 2:17

Nyanmiɛn su bɔ an lafi'n ti kɛ nnɛn bɔ be fa sɔ i Nyanmiɛn'n sa. Sɛ be fa min uka su mɛn i'n, yɛ n klun ´jɔ kɛ amun klun fa jɔ'n sa-a.

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .

1 Tɛsalonikfuɛ Mun 4:1

Aniaan mun, min ndɛ'n i atabo'n yɛ: sa nga an yo-ɔ ɔ yo Nyanmiɛn fɛ'n, e kleli amun, an fali su yɛ an wo i yolɛ su, sanngɛ sran wunmuan bɔ e nin e Min Jésus ti'n ti, e ´srɛ amun yɛ e ´kan kle amun kpa kɛ an yo i sɔ tra laa'n.

1 Tɛsalonikfuɛ Mun 4:10

Ɔ man kɛ amun nin e niaan nga be o Maseduani mɛn wunmuan nun'n be kwlaa an klo amun wun sɔ-ɔ, sanngɛ aniaan mun, e ´srɛ amun kɛ an yo i sɔ tra laa'n.

1 Tɛsalonikfuɛ Mun 5:12

Aniaan mun, e ´srɛ amun kɛ an bu be nga be di junman amun afiɛn bɔ e Min'n fa be sieli amun su kɛ be tu amun fɔ'n be akunndan.

1 Timote 2:3

Sa sɔ'n ti kpa, ɔ yo e Defuɛ Nyanmiɛn'n i fɛ.

1 Timote 5:4

Sanngɛ ng'ɔ lɛ ba annzɛ anunman'n, man ba sɔ'm be si kɛ be Nyanmiɛn sulɛ'n nun'n, sa nga be ´dun mmua yo'n yɛlɛ be awlo'n i lika nianlɛ, ɔ nin like nga bé si nin be nin, ɔ nin be nannan'm be yo mannin be'n i wunsu yolɛ. I sɔ'n yo Nyanmiɛn fɛ.

Filemɔn 1:10

min wa Onezim bɔ n kacili i si bisua'n nun wa'n, i ti kpatalɛ yɛ m ba-a .

Filemɔn 1:9

sanngɛ sa ng'ɔ o yɛ liɛ'n, ɔ fata kɛ n srɛ wɔ klolɛ bɔ a klo sran'n ti: M Pɔl bɔ m'an yo kpɛnngbɛn bɔ Krist-Jésus ti siɛn'n n wo bisua nun'n,

Hébreu 13:22

Aniaan mun, n ´srɛ amun, an `fa afɔtuɛ nga m mannin amun yɛ'n su, afin ɔ ti-man ndɛ tɛnndɛn.

1 Piɛr 2:20

?Sanngɛ sɛ an yo sa'n, bɔ an tra amun anwlɛn an jran lɛ be bo amun'n, nzu mo yɛ be ´yo amun-ɔn? Sanngɛ sɛ an yo kpa bɔ be blu su be kle amun nyrɛnnɛn'n, b'ɔ nyrɛnnɛn sɔ'n ɔ sɔn amun nun'n, i sɔ'n yɛ ɔ yo Nyanmiɛn fɛ-ɔ.

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.