Rɔmfuɛ Mun 11:28 - NYANMIƐN NDƐ'N 1998

²⁸ Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

Nyanmien nde Ufle

²⁸ Ke é nien i bué kun'n, é wun ke dyasin fe'n bo Juif'm ba fa'a su'n ti Nyanmien nin bé buli. I so'n yôô amun môaé sa. Sannge ke é nien i bué kun ékun bo é wun wafa nga Nyanmien fa swran'n, é wun ke bé nannan'm bé ti, bé ti Nyanmien i awlen su swran.

Rɔmfuɛ Mun 11:28 ပူးပေါင်းရင်းမြစ်များ

Bo Bolɛ 26:4

N ´yo man ɔ osu nunfuɛ'm be ´sɔn kpanngban kɛ nglo lɔ nzraama mun sa. Kpɛkuun n ´fa lika nga kwlaa m ´man be. Be ti yɛ n ´yo asiɛ'n su nvle-nvle'm be kwlaa be ye-ɔ.

Bo Bolɛ 28:14

Ɔ osu'n nunfuɛ'm be wa sɔn kpanngban kɛ asiɛ'n su ndutre'n sa. Be wa trɛ kɔ wia atɔliɛ bue liɛ'n su lɔ nin wia afiliɛ bue liɛ'n su lɔ, be ´trɛ kɔ mɛn ng'ɔ o yɛ'n i nglo lɔ nin i ngua lɔ. Wɔ nin ɔ osu'n amun ti yɛ n ´yo mɛn i wunmuan i nun nvle-nvle'n kwlaa be ye-ɔ.

Zeremi 31:3

I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Mise 7:20

A nin Zakɔb osu nunfuɛ mun amun ´tran klanman, a ´yi ɔ klun-ufue'n i nglo ´kle Abraam i osu'n nunfuɛ mun. A ´yi kle be kɛ a fua kleli e nannan mun lalafuɛ nun'n sa .

Matthieu 21:43

I sɔ'n ti, n ´kan kle amun kɛ, be wa de Nyanmiɛn famiɛn dilɛ'n amún sa nun, be ´fa man nvle uflɛ bɔ be wa yo sa kpa mɛn i'n. [

JÉSUS-CHRIST I DYASIN FE'N BO LUC KLELI'N 1:54

Ɔ jrɛn i sran Izraɛlfuɛ'm be sin. Yɛ ndɛ b'ɔ kan kleli e nannan mun'n, nin Abraam nin i osufuɛ mun kɛ ɔ ´si be aunnvuɛ titi'n, i wla o su .»

Sa nga bé yôli'n 14:2

Sanngɛ Zuif nga be kali lɛ bɔ b'a fa-man be ndɛ'n su'n, be sacili e niaan'm bé wun, yɛ be wlawlali be bɔ be ti-man Zuif'n kɛ be yo be tɛtɛ.

Sa nga bé yôli'n 18:6

Kɛ Zuif'm be kpalo i ndɛ'n bɔ be ´kpɛ i nzowa'n, ɔ kpukpuli i tralɛ'n nun, ɔ seli be kɛ: «Sɛ an mlin'n, amun bɔbɔ amun ndɛ-ɔ. Min ndɛ nun-man nun! Kɛ ɔ fin ndɛ'n, n ´kɔ be bɔ be ti-man Zuif'n be sin.»

Rɔmfuɛ Mun 11:11

Ɔ man n se kɛ yoo: ?Kɛ be tɔli sɔ'n, be kali lɛ mlɔnmlɔn? Ɔ ti-man sɔ mlɔnmlɔn! Sanngɛ kɛ be yoli sa tɛ'n, ɔ man be bɔ be ti-man Zuif'n b'a nyan bé ti yɛ Zuif'm bé nyin a ci be.

Rɔmfuɛ Mun 11:30

Laa'n, amún nyin yi-man Nyanmiɛn, sanngɛ Zuif'm bé nyin kekle'n bɔ be yoli'n ti Nyanmiɛn a wun amun aunnvuɛ.

Rɔmfuɛ Mun 11:7

Sɛ ɔ ti sɔ'n, e ´se kɛ like nga Izraɛlfuɛ'm be kunndɛ'n, b'a nyɛn-mɛn i, san be kaan nga Nyanmiɛn fali be'n, be ngunmin yɛ be nyɛnnin i-ɔ. Sanngɛ ndɛ nga be klɛli i kɛ be nga'm be wa yo sran bɔ be wun-man sa wlɛ'n, yɛ ɔ'a kpɛn su yɛ'n. Be klɛli i kɛ: «Nyanmiɛn man be kacili kɛ sran bɔ be akunndan nun-man lɛ sa, yɛ ɔ man be wun-man ase. Be ti-man sa lele fa ju ndɛ .»

Rɔmfuɛ Mun 5:10

Afin sɛ laa bɔ e ti Nyanmiɛn i kpɔfuɛ'n b'ɔ fɛ i Wa'n siesieli ye afiɛn'n, siɛn'n bɔ e nin i ye afiɛn a sɛ'n, i Wa'n i nyin b'ɔ o su'n ti ɔ ´de é kpɛ blu.

Rɔmfuɛ Mun 9:5

Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

Mmla'n 10:15

Amun nannan'm be kunngba cɛ yɛ Anannganman fɛli i wun mantannin be-ɔ. Be kunngba cɛ yɛ ɔ kloli be-ɔ. Ɔ man nvle'm be kwlaa be nun'n, ɔ fali amun bɔ amun wo lɛ ndɛkɛn yɛ'n, bɔ amun ti be anunman mun'n. Amun si sɔ.

Mmla'n 4:31

Afin Anannganman amun Nyanmiɛn'n ti Nyanmiɛn kun b'ɔ si aunnvuɛ dan kpa. Ɔ su yi-man amun ase le. Ɔ su nunnun-man amun le. I wla su fi-man aenguɛ ng'ɔ nin amun nannan mun be trali'n su, ɔ tali su nda.

Mmla'n 8:18

Nán amún wla fi Anannganman amun Nyanmiɛn'n, afin i kunngba cɛ yɛ ɔ kwla man amun wunmiɛn kɛ amun `fa di junman nan amun `nyan like-ɔ. I waan ɔ ´yo i sɔ nan aenguɛ nga ɔ nin amun nannan mun be trali'n ɔ'a taka kɛ ɔ fa taka ndɛ yɛ'n sa.

Mmla'n 9:5

Nán kɛ amun ti kpa annzɛ amun ti sɛsɛ ti yɛ amun su wa fa be mɛn nin-ɔn. Ɔ ti-man sɔ. Nvle sɔ'm be aeliɛ tɛtɛ'n ti yɛ Anannganman amun Nyanmiɛn'n ´fuan be amun nyrun-ɔn. I waan ɔ ´yo sɔ nan ɔ ´yia nda ng'ɔ tali amun nannan Abraam, nin Izaak, nin Zakɔb'n i nuan.