Rɔmfuɛ Mun 11:25 - NYANMIƐN NDƐ'N 1998

²⁵ Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Nyanmien nde Ufle

²⁵ Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 11:25 ပူးပေါင်းရင်းမြစ်များ

Jue Mun 107:43

Man sran b'ɔ ti ngwlɛlɛfuɛ'n ɔ bu sa sɔ'm be akunndan kpa nan ɔ wun kɛ Anannganman i klun ti ufue.

Jue Mun 127:1

Zerizalɛm kɔlɛ'n i su jue. Jue nga ti Salomɔn liɛ. I waan: Sua nga nán Anannganman yɛ ɔ kplan'n, be nga be kplɛn i lɛ'n, be kle be wun yalɛ bɔ ngbɛn. Klɔ nga nán Anannganman yɛ ɔ nian su'n, be nga be nian su'n, be sɛsɛ i ngbɛn .

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Nyanndra Mun 26:12

Sran ng'ɔ bu i bɔbɔ wun ngwlɛlɛfuɛ'n, sinnglinfuɛ'n flunman trɛ i.

Nyanndra Mun 26:16

Fuɛnfuɛ'n bu i wun ngwlɛlɛfuɛ tra sran nso bɔ be ´kan be ndɛ-ɔ, be kɛn i akunndan nun'n.

Ezai 5:21

Be nga be bu bé wun kɛ be si sa'n, bɔ be bu bé wun kɛ be ti ngwlɛlɛfuɛ'n, be yako!

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Matthieu 13:11

Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

JÉSUS-CHRIST I DYASIN FE'N BO LUC KLELI'N 21:24

Be ´fa tokofi kun be, be ´tra be lomuɛn kɔ nvle'm be kwlaa nun, yɛ be bɔ be ti-man Zuif'n, be ´saci Zerizalɛm lele san be blɛ liɛ'n i nuan ´ju .»

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Rɔmfuɛ Mun 1:13

Aniaan mun, m bu amun wun lɔ kɔlɛ'n i akunndan tititi, min waan m ´ba nan n ´nyan n junman'n i nuan like amun wun lɔ kɛ nyɛn i nvle kun'm be nun'n sa, sanngɛ lele ndɛ n nian nyan-man ń ti .

Rɔmfuɛ Mun 11:12

Sɛ Zuif'm bé sa tɛ yolɛ'n ɔ yoli mɛn nunfuɛ'm be ye dan'n, yɛ sɛ be nvle'n i bolɛ'n ɔ yoli be bɔ be ti-man Zuif'n be ye'n, wuun kɛ be ko nyan bé ti mlɔnmlɔn'n, ɔ ´yo wie'm be ye kpɛ blu!

Rɔmfuɛ Mun 11:24

Ɔ bɔ a ti-man Zuif'n, a ti kɛ blo olivie sama sa, be kpɛ wɔ takali olivie nga be tali'n su, ɔ ti sa bɔ be yo-man. ?Sɛ be yo ɔ sɔ'n, wuun Zuif'm bɔ be ti olivie nga be tali'n, nán be liɛ sin-ɔn?

Rɔmfuɛ Mun 12:16

Man amún nuan sɛ. Nán an bu akunndan dandan, sɛ be se amun kɛ an di junman b'ɔ sran nyin yi-mɛn i'n, an `di. Nán an bu amun wun ngwlɛlɛfuɛ .

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

Rɔmfuɛ Mun 9:18

Ɔ man e si kɛ sran nga i waan ɔ ´yo i ye, ɔ yo i ye, yɛ sran nga i waan ɔ ´kete i'n, ɔ kete i.

1 Korɛntfuɛ Mun 10:1

Aniaan mun, n klo kɛ an si kɛ e nannan'm be kwlaa be trannin nyanmiɛn ble'n i bo, yɛ be kwlaa be kpɛli jenvie'n bé ja nun .

1 Korɛntfuɛ Mun 12:1

Aniaan mun, n klo kɛ an wun Nyanmiɛn Wawɛ'n i ninnge b'ɔ fa man sran mun kɛ be yo'n i wlɛ.

1 Korɛntfuɛ Mun 2:7

Nyanmiɛn i ngwlɛlɛ b'ɔ yi-mɛn i nglo b'ɔ fiɛli i sran'm be nyrun'n, b'ɔ dun mmua sie mannin ye kɛ ɔ ba e nyrun nyan ka nan ɔ'a yi mɛn'n, i ndɛ yɛ e kan-an.

1 Korɛntfuɛ Mun 4:1

I sɔ'n ti, man sran'm be si kɛ e ti Krist i ukafuɛ bɔ e nian like nga Nyanmiɛn fiɛli i sran'm be nyrun'n be su.

Efɛzfuɛ Mun 1:9

ɔ man e si i klun sa b'ɔ fiɛli sran'm be nyrun'n, ɔ nin sa klanman nga i waan Krist `yo man ye'n.

Efɛzfuɛ Mun 3:9

Yɛ sa nga be yo nan ɔ'a yo i klun su'n weiin, ɔ yo man n kle be. Nyanmiɛn b'ɔ yili ninnge'n kwlaa'n, lalafuɛ nun ɔ fiɛli i klun sa sɔ'n sran'm be nyrun.

Efɛzfuɛ Mun 4:18

yɛ be kwla wun-man sa wlɛ. Nguan nga Nyanmiɛn fa man sran'n, be dunman tɛ-man nun wie, afin b'a kete, ɔ man be si-man sa fi.

2 Piɛr 3:8

N sran kpa mun, sa kun o lɛ bɔ nán amún wla fi: yɛlɛ kɛ e Min'n liɛ'n, cɛn ba kun'n ti i nyrun afuɛ akpi, yɛ afuɛ akpi'n ti i nyrun cɛn ba kun .

Sa nglô yile 1:20

Nian, nzraama nso bɔ a wunnin be min sa fama nun'n, nin sika ɔkwlɛ kannin nso bɔ be jinjin lɛ'n, bé bo'n yɛ: nzraama nso'n be ti asɔnun nso'm be anz mun, yɛ sika ɔkwlɛ kannin nso bɔ be jinjin lɛ'n be ti asɔnun nso mun.»

Sa nglô yile 10:7

Kɛ anz nso su'n i awɛ liɛ'n i bolɛ'n ko ju'n, sa nga Nyanmiɛn fiali i sran'm be nyrun'n b'ɔ kan kleli i sran bɔ be ti i nuan ijɔfuɛ'n ɔ ´kpɛn su .

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 7:9

I sin, n niannin lɔ ekun, n wunnin sran kpanngban kpa, sran fi kwla ka-man be, sran sɔ'm be fin mɛnmɛn'n kwlaa nin nvle-nvle'n kwlaa nun, nin sran wafa-wafa'n kwlaa o be nun, be ijɔ aniɛn wafa-wafa'n kwlaa. Be jinjin bia'n nin Bua Gbanflɛn'n be nyrun lɛ, tralɛ ufue o be wun, yɛ mme nnya o bé sa nun.