Rɔmfuɛ Mun 11:21 - NYANMIƐN NDƐ'N 1998

²¹ afin sɛ Nyanmiɛn a yaci-man Zuif'm bɔ be ti kɛ olivie nga be tali'n sa i sama'm be lɛ'n, ɔ su yaci-man ɔ lɛ kusu.

Nyanmien nde Ufle

²¹ afin se Nyanmien a yatyi'a Juif'm bo bé ti ke olive i sama kpa sa'n bé le'n, o su yatyi'a Juif'm bo bé ti ke olive i sama kpa sa'n bé le'n, o su yatyi'a o le kusu.

Rɔmfuɛ Mun 11:21 ပူးပေါင်းရင်းမြစ်များ

Zeremi 25:29

?Kɛ bɔ klɔ nga min dunman'n wo su yɛ'n n dun mmua n fali nyrɛnnɛn'n n yili su nin-ɔn, yɛ amun li yɛ n ´yaci n ´cɛ amun-ɔn? N su yaci cɛ-man amun. N ´fa alɛ'n n yi i asiɛ wunmuan'n su. Min Anannganman b'ɔ n sie mɛn wunmuan'n yɛ ɔ kan sɔ-ɔ.»

Zeremi 49:12

Anannganman wan yoo: «Sran nga bɔ m'an se-man kɛ be yɛ be `nɔn ya klowa'n nun, be nɔnnin nun. ?Yɛ ɔ li wɔ Edɔm, be yaci wɔ lɛ sɔ-ɔ ɔ yo ye? San like ng'ɔ o nun'n, i nɔnlɛ cɛ yɛ a ´nɔn-ɔn.»

Rɔmfuɛ Mun 11:17

Izraɛlfuɛ'm be ti kɛ olivie bɔ be tali'n bɔ be kpɛkpɛ i sama'm be wie'n sa. Amun bɔ an ti-man Zuif'n, an ti kɛ blo olivie sama mun sa, yɛ be fa amun takali olivie nga be tali'n i sama nga be kpɛkpɛli be'n be osu nun. Ɔ man nzue ng'ɔ fin olivie nga be tali'n i bo nun'n, ɔ wlu amun nun wie, yɛ man an yo kpa-a.

Rɔmfuɛ Mun 11:19

Wienun-ɔn, sran wie wa se kɛ: «Be kpɛkpɛli waka'n i sama sɔ mun nan be ´fa min taka be osu nun.»

Rɔmfuɛ Mun 11:20

Ɔ ti sɔ. Nyanmiɛn bɔ be lafi-mɛn i su kpa'n ti yɛ be kpɛkpɛli be-ɔ, ɔ kusu, i su bɔ a lafi'n ti yɛ man a o lɛ-ɔ. Nán tu ɔ wun, sanngɛ nian ɔ wun kpa,

Rɔmfuɛ Mun 11:22

I sɔ'n ti, nian, Nyanmiɛn ti kpa, yɛ kusu ndɛ ng'ɔ kan'n ɔ lɛ-man kaciwlɛ. Kɛ a niɛn i bue kun'n, a wun kɛ ndɛ ng'ɔ kan kle be nga be lafi-mɛn i su kun'n ɔ lɛ-man kaciwlɛ, yɛ kɛ a niɛn i bue kun ekun'n, a wun kɛ sɛ a yo kɛ ɔ ´yo ɔ kpa'n, ɔ ´yo ɔ kpa. Sɛ ɔ'a yo-man sɔ'n, ɔ ´kpɛ wɔ yi.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Jude 1:5

Ndɛ nga m ma kɛn i lɛ'n, an si i kpa, sanngɛ m ´bo su ekun. E Min Nyanmiɛn deli Izraɛlfuɛ mun Ezipt lɔ, sanngɛ i sin'n, be nga b'a lafi-mɛn i su kun'n, ɔ nunnunnin be.