Rɔmfuɛ Mun 11:17 - NYANMIƐN NDƐ'N 1998

¹⁷ Izraɛlfuɛ'm be ti kɛ olivie bɔ be tali'n bɔ be kpɛkpɛ i sama'm be wie'n sa. Amun bɔ an ti-man Zuif'n, an ti kɛ blo olivie sama mun sa, yɛ be fa amun takali olivie nga be tali'n i sama nga be kpɛkpɛli be'n be osu nun. Ɔ man nzue ng'ɔ fin olivie nga be tali'n i bo nun'n, ɔ wlu amun nun wie, yɛ man an yo kpa-a.

Nyanmien nde Ufle

¹⁷ Israël'm bé ti ke olive (*f39*) bo bé tali sa, bo bé kpekpe i sama'm bé wié. Amun bo an ti'a Juif'n an ti ke blô olive sa, bé kpe amun ta klo lie nga bé kpeli'n i bô'n su. O man nzué ng'o fin i bô'n nun'n o wlu amun nun wié, ye man an yô kpaa.

Rɔmfuɛ Mun 11:17 ပူးပေါင်းရင်းမြစ်များ

Jue Mun 52:8

Kɛ Nyanmiɛn sufuɛ nanwlɛfuɛ'm be wun i sɔ'n, be nuan'n ´bo bé wun. Be ´sri yɛ be ´se kɛ:

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Zeremi 11:16

Anannganman flɛli amun kɛ Olivie Klanman B'ɔ Su Mma Kpa, sanngɛ nganniɛn dan kun tɛli, kpɛkuun ɔ fali sin yili i nun, yɛ i sama'm be wieli saci.

Zonas 1:16

Srɛ dan kpa kunnin mmeli'n i kanfuɛ mun Anannganman ti nan b'a yi sraka b'a mɛn i nan b'a ta nda kɛ be ´yo like be mɛn i.

Zakari 4:3

Olivie nnyɔn o kannin'n i ti su nglo ekun. Kun wo i sɛ'n i fama su, yɛ kun wo i bɛ su .»

Matthieu 21:43

I sɔ'n ti, n ´kan kle amun kɛ, be wa de Nyanmiɛn famiɛn dilɛ'n amún sa nun, be ´fa man nvle uflɛ bɔ be wa yo sa kpa mɛn i'n. [

Jean 15:1

«Min yɛ n ti vinyi'n i bo kpa nin-ɔn, yɛ n Si ti vinyi sɔ'n i tafuɛ.

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

Jean 15:6

Sran ng'ɔ nin min a yo kun'n, sɛ ɔ nin min a tran-man sɔ titi'n, ɔ ti kɛ waka sama b'ɔ tɛ-mɛn i bo su'n sa, be ´kpɛ yi. Ɔ wu, be isa guɛ i sin nun, ɔ yra.

Sa nga bé yôli'n 2:39

Afin like ng'ɔ seli kɛ ɔ ´yo'n, i waan ɔ ´yo man amun, nin amun mma mun, nin be kwlaa bɔ be o mmua bɔ e Min Nyanmiɛn'n ɔ wa flɛ be'n .»

Rɔmfuɛ Mun 11:24

Ɔ bɔ a ti-man Zuif'n, a ti kɛ blo olivie sama sa, be kpɛ wɔ takali olivie nga be tali'n su, ɔ ti sa bɔ be yo-man. ?Sɛ be yo ɔ sɔ'n, wuun Zuif'm bɔ be ti olivie nga be tali'n, nán be liɛ sin-ɔn?

Galasifuɛ Mun 2:15

«E liɛ'n, Zuif yɛ ɔ wuli ye-ɔ, e ti-man kɛ be nga be ti-man Zuif bɔ be ti sa tɛtɛ yofuɛ'm be sa.

Efɛzfuɛ Mun 3:6

Sa sɔ'n yɛlɛ kɛ like nga Nyanmiɛn waan ɔ ´fa mɛn i sran mun'n, ɔ nin like ng'ɔ se kɛ ɔ ´yo man be'n, be nga be ti-man Zuif'n be dunman ´tɛ nun wie, yɛ be nin Zuif mun b'a yo kun jasin fɛ b'ɔ man be nin Krist-Jésus b'a kaci sran wunmuan'n ti.

Mmla'n 8:8

Mɛn sɔ'n ti ble, nin ɔrz, nin vinyi, nin figie, nin grenadie, nin olivie, ɔ nin awɛma nzue mɛn.

Kolɔsfuɛ Mun 2:13

Amun bɔ laa amún sa bɔ an yoli Nyanmiɛn'n, nin klɛn bɔ b'a wla-man amun'n ti an ti kɛ sran bɔ ɔ'a wu sa'n, kɛ ɔ yacili sa nga e yoli i'n i kwlaa cɛli ye'n, ɔ mannin amun nin Krist amun nguan.

Sa nglô yile 11:4

Sran nnyɔn sɔ mun yɛlɛ olivie nnyɔn'n nin kannin nnyɔn'n bɔ be jin mɛn'n i Min'n i nyrun lɛ'n .