Rɔmfuɛ Mun 10:9 - NYANMIƐN NDƐ'N 1998

⁹ Sɛ ɔ fite ɔ́ nuan kɛ Jésus ti ɔ Min'n, yɛ sɛ a lafi su kpa kɛ Nyanmiɛn cɛnnin i'n, a ´fite nun.

Nyanmien nde Ufle

⁹ Se o fité o nuan ke Jésus ti o Min'n, ye se a lafi su kpa ke Nyanmien tyenniin'n, ah fitéh nun.

Rɔmfuɛ Mun 10:9 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 12:8

«Nanwlɛ, sran ng'ɔ bo n dunman sran'm be nyrun'n, m bɔ n kacili Sran'n kusu m ´bo i dunman Nyanmiɛn i anz'm be nyrun.

Jean 9:22

Sa ti bɔ i si nin i nin be seli sɔ'n yɛlɛ kɛ srɛ kun be Zuif'm bé wun. Afin Zuif'm b'a dun mmua wun bé wun be nɛn a sɛ su kɛ sran kwlaa ng'ɔ se kɛ Jésus ti Krist'n, be ´kɛn i bo ɔ su wlu-man Nyanmiɛn ndɛ suanlɛ nin i srɛlɛ sua'n nun kun.

Sa nga bé yôli'n 16:31

Yɛ be seli i kɛ: «Lafi e Min Jésus su, yɛ a nin ɔ osufuɛ mun amun wa fite nun.»

Sa nga bé yôli'n 2:24

Wie'n fɛli i, Nyanmiɛn deli i wie sɔ'n i sa nun, ɔ cɛnnin i, yɛlɛ kɛ wie'n kwlɛ-mɛn i sie.

Sa nga bé yôli'n 2:32

Jésus sɔ'n yɛ Nyanmiɛn cɛnnin i nin-ɔn, ɔ yoli e kwlaa e nyrun.

Sa nga bé yôli'n 8:36

Kɛ be ´kɔ be nyrun'n, be toli nzue, yɛ bian'n waan: «?Nian, nzue yɛ o yɛ, nguɛ yɛ man n kwla yo-man batɛm-ɔn?» [

Rɔmfuɛ Mun 10:10

Afin kɛ be lafi su kpa'n, Nyanmiɛn bu be sran kpa, yɛ kɛ ɔ fite be nuan'n, be fite nun.

Rɔmfuɛ Mun 14:11

Afin be klɛli i kɛ: «E Min Nyanmiɛn seli kɛ: ‹Kɛ min nyin o su'n ti'n, ɔ man sran'm be kwlaa be wa koto min bo, yɛ ɔ wa fite sran'm be kwlaa bé nuan kɛ n ti Nyanmiɛn .› »

Rɔmfuɛ Mun 14:9

Kɛ ɔ ko yo nan Krist ɔ'a yo be nga be wuli'n nin be nga bé nyin o su'm be Min'n, ɔ wuli, yɛ ɔ cɛnnin.

Rɔmfuɛ Mun 4:24

sanngɛ e bɔ e lafi Nyanmiɛn b'ɔ cɛnnin e Min Jésus'n b'ɔ su wa bu e sran kpa wie'n i su'n, e liɛ o nun wie.

Rɔmfuɛ Mun 8:34

?Wan yɛ ɔ kwla se kɛ b'a di fɔ-ɔ? Krist-Jésus yɛ ɔ wuli-ɔ, kusu ɔ cɛnnin, ɔ o Nyanmiɛn i fama su, ɔ kpɛtɛ i man ye.

1 Korɛntfuɛ Mun 12:3

I sɔ'n ti'n, n ´kan kle amun kɛ sɛ sran kun ijɔ Nyanmiɛn Wawɛ'n fanngan nun'n, ɔ kwla fa-man Nyanmiɛn wua-man Jésus. Kusu sɛ sran kun ijɔ-man Nyanmiɛn Wawɛ'n i fanngan nun'n, ɔ kwla se-man kɛ Jésus ti i Min.

Filipfuɛ Mun 2:11

yɛ ɔ `fite be kwlaa bé nuan kɛ Jésus-Krist ti be Min, nan e Si Nyanmiɛn'n `nyan nyrun .

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Jean 4:15

Sran ng'ɔ se kɛ Jésus ti Nyanmiɛn Wa'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.

2 Jean 1:7

Afin sran kpanngban b'a sanndi mɛn'n nun, be laka sran mun, be waan, Jésus-Krist a kaci-man sran. Sran ng'ɔ se sɔ'n yɛ ɔ ti sran lakafuɛ nin Krist i kpɔfuɛ nin-ɔn.