Rɔmfuɛ Mun 10:3 - NYANMIƐN NDƐ'N 1998

³ Afin kɛ be si-man like wafa nga Nyanmiɛn yo b'ɔ bu sran sran kpa'n, bɔ be bɔbɔ be kunndɛ like wafa nga be yo nan b'a yo sran kpa'n, ɔ man b'a fa-man Nyanmiɛn liɛ'n su.

Nyanmien nde Ufle

³ Afin ke bé si'a liké wafa nga Nyanmien yô b'o bu swran swran kpa'n, bo bé bobo bé kunnde liké wafa nga bé yô nan ba yô swran kpa'n, o man ba fa'a Nyanmien lie'n su.

Rɔmfuɛ Mun 10:3 ပူးပေါင်းရင်းမြစ်များ

Neemi 9:33

Kɛ e nian sa kwlaa ng'ɔ juli ye su'n, e wun kɛ a yoli ng'ɔ fata'n. E yɛ e fɔnnin-ɔn.

Zɔb I Nyrɛnnɛn Wunlɛ 33:27

Ɔ sro jue. Kɛ ɔ wun sran mun'n ɔ se be kɛ: «N yoli sa tɛ, m'an nanti-man atin'n su kɛ ɔ fata'n sa. Sanngɛ Nyanmiɛn ɔ'a nian-man sa nga n yoli'n su ɔ'a bu-man min fɔ.

Jue Mun 71:19

Ee Nyanmiɛn, ɔ sa bɔ a yo i nuan su'n ti, ɔ dunman'n ɔ'a fu. Ɔ sa nga a yo be'n be ti dandan. Nyanmiɛn, a lɛ-man wunsu.

Ezai 51:1

Amun nga bɔ amun kunndɛ nanwlɛ'n, bɔ amun fa amún wun mantan Anannganman'n, amun `tie ndɛ nga n kan'n! Sɛ amun ti yɛbuɛ'n, wuun n ´se kɛ amun `nian yɛbuɛ nga bɔ i nun yɛ be sɛli amun'n, yɛ amun `nian kunman nga be fali amun nun'n.

Ezai 51:6

Amun `man amún nyin'n su be `nian nglo lɔ, amun `kan amún ti ase be `nian asiɛ'n. Afin nyanmiɛn'n su ɔ ´kpɛ wiaa kɛ sin wɛnsrɛn b'ɔ wie'n sa. Asiɛ'n ɔ ´saci kɛ tralɛ b'ɔ titi'n sa, yɛ i su sran'm be ´wu kɛ ngɔnsiɛn'm be sa. Sanngɛ delɛ nga n ´de sran mun'n, ɔ su yo-man le kunngba liɛ, n ´yo i sɔ tititi. Yɛ n su yaci-man sa kpa'n i yolɛ le .

Ezai 51:8

Afin be agualiɛ'n ɔ ´gua be kɛ tralɛ bɔ nvɔlɛ ɔ'a di'n sa, yɛ ɔ ´gua be kɛ bua ndrɛ tralɛ bɔ kakaa'm b'a saci i'n sa. Sanngɛ n ´yo sa kpa'n tititi, yɛ delɛ nga n ´de sran mun'n, ɔ su yo-man le kunngba liɛ, n ´yo i sɔ blɛ'n kwlakwla.»

Ezai 56:1

Anannganman wan yoo: «Amun `yo sa ng'ɔ ti i nuan su'n, amun `yo sa kpa. Afin sran bɔ min waan n ´de be'n, bé ti nyanlɛ blɛ'n ɔ'a mantan. Yɛ min nanwlɛ dilɛ cɛn'n su wa ju .

Ezai 57:12

N wa kan amún sa kpa bɔ amun yo i ngboko'n, nin amun junman klanman bɔ amun di i ngboko'n. Sɛ n kan be'n, be su yo-man amún wun sa ye.

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Ngwlɛ Yilɛ 3:22

Anannganman i klun-ufue'n ɔ nian wie-man, i sran klolɛ'n ɔ tɛ o lɛ.

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Saun Yolɛ 26:41

Be ´wun sa ti bɔ n kacili mín sin n sili be'n, ɔ nin sa ti bɔ n kannin bé bo n ko guali be be kpɔfuɛ'm be nvle liɛ'n nun lɔ'n. Nyin kekle ajalɛ nga be tuli'n, be ´wun kɛ nɛ́n i-ɔ. Be ´koko be sa tɛ'n bɔ be yoli'n i ti, yɛ be sa tɛ sɔ'n i su sa'n, be ´kplin su kɛ be ´sua.

JÉSUS-CHRIST I DYASIN FE'N BO LUC KLELI'N 10:29

Sanngɛ ɔ klo kɛ be bu i sran kpa, i sɔ'n ti ɔ usali Jésus kɛ: «?Wan yɛ ɔ ti n wiengu nin-ɔn?»

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

Rɔmfuɛ Mun 1:17

Jasin fɛ sɔ'n yɛ ɔ kle ye wafa nga Nyanmiɛn fa bu sran i sran kpa nin-ɔn, i sɔ'n fin sran i Nyanmiɛn su b'ɔ lafi'n, yɛ kusu ɔ man sran lafi Nyanmiɛn su kpa, afin be klɛli i kɛ: «Sran ng'ɔ lafi Nyanmiɛn su b'ɔ man ɔ kaci sran kpa'n, ɔ ´nyan nguan .»

Rɔmfuɛ Mun 10:2

N si be kpa kɛ be klo Nyanmiɛn dan, sanngɛ klolɛ sɔ'n bɔ be fa klo i'n, be si-man su ngwlɛlɛ.

Rɔmfuɛ Mun 10:20

Ezai kusu trɛ i anwlɛn seli kɛ: «Be nga b'a fa-man bé wun a mantan-man min'n, be wunnin min. Be nga b'a usa-man n osu'n, n yi mín wun kleli be .»

Rɔmfuɛ Mun 11:7

Sɛ ɔ ti sɔ'n, e ´se kɛ like nga Izraɛlfuɛ'm be kunndɛ'n, b'a nyɛn-mɛn i, san be kaan nga Nyanmiɛn fali be'n, be ngunmin yɛ be nyɛnnin i-ɔ. Sanngɛ ndɛ nga be klɛli i kɛ be nga'm be wa yo sran bɔ be wun-man sa wlɛ'n, yɛ ɔ'a kpɛn su yɛ'n. Be klɛli i kɛ: «Nyanmiɛn man be kacili kɛ sran bɔ be akunndan nun-man lɛ sa, yɛ ɔ man be wun-man ase. Be ti-man sa lele fa ju ndɛ .»

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

Rɔmfuɛ Mun 3:26

Sanngɛ olɛ nga e o yɛ'n, ɔ kle ye wafa ng'ɔ fa bu sran sran kpa'n, afin ɔ kle i wun kɛ ɔ ti kpa yɛ ɔ bu be nga be lafi Jésus su'n be sran kpa.

Rɔmfuɛ Mun 5:19

Kɛ sran kunngba i nyin kekle'n ti ɔ man sran kpanngban be kacili sa tɛ yofuɛ'n, sran kun kusu i anyinyiɛ ti, ɔ man sran kpanngban be ´kaci sran kpa.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Mmla'n 6:25

Sɛ e fa Anannganman e Nyanmiɛn'n i mmla sɔ mun sie'n kɛ ɔ kan kleli e sa'n, ɔ ´wun kɛ e nanti seiin i nyrun.»

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.