Rɔmfuɛ Mun 10:20 - NYANMIƐN NDƐ'N 1998

²⁰ Ezai kusu trɛ i anwlɛn seli kɛ: «Be nga b'a fa-man bé wun a mantan-man min'n, be wunnin min. Be nga b'a usa-man n osu'n, n yi mín wun kleli be .»

Nyanmien nde Ufle

²⁰ Ésaïe kusu tre i awlen séé ke: «Bé nga ba fa'a bé wun a manta'an min'n, bé wuun min, Bé nga ba usa'a n wôsu'n, n yi min wun kléé bé.»

Rɔmfuɛ Mun 10:20 ပူးပေါင်းရင်းမြစ်များ

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 52:15

Sanngɛ siɛn'n, nvle-nvle'm be nunfuɛ kpanngban bé nuan wa bo bé wun i dunman nun. Sɛ famiɛn'm be wun i'n, be su kwla uke-man be nuan be kan-man ndɛ fi, afin nga be ´wun i'n nin i wun ndɛ nga be kan kleli be laa'n, ɔ su yo-man kun. Yɛ sa nga be ´ti'n, be nian ti-mɛn i sɔ laa le .»

Ezai 58:1

Anannganman wan yoo: «Kpan kpanlɛ kpa, nán mian wɔ alowa'n!» Kpan kekle kɛ nnɛn wɛ bɔ be fita nun b'ɔ tɛ kekle'n sa, kan min nvle nunfuɛ'm bé sa tɛ'm bɔ be yo'n kle be, kan Zakɔb i osu'n nunfuɛ'm bé sa'm bɔ be yo'n kle be.

Matthieu 20:16

«Be nga be ka siɛn'n, be wa dun mmua, yɛ be nga be dun mmua'n, be kusu be wa ka siɛn.»

JÉSUS-CHRIST I DYASIN FE'N BO LUC KLELI'N 14:23

Yɛ i min'n seli i kɛ: ‹Fa atin'm bé su, sin klangla'm bé bo, sran kwlaa bɔ a wun i'n, man ɔ bla, man min sua'n yi.

Rɔmfuɛ Mun 10:3

Afin kɛ be si-man like wafa nga Nyanmiɛn yo b'ɔ bu sran sran kpa'n, bɔ be bɔbɔ be kunndɛ like wafa nga be yo nan b'a yo sran kpa'n, ɔ man b'a fa-man Nyanmiɛn liɛ'n su.

Rɔmfuɛ Mun 9:30

?Ɔ man e ´se sɛ? Be bɔ be ti-man Zuif bɔ b'a kunndɛ-man kɛ Nyanmiɛn bu be sran kpa'n, Nyanmiɛn buli be sran kpa i su bɔ be lafili'n ti.

Rɔmfuɛ Mun 9:31

Sanngɛ Izraɛlfuɛ'm bɔ be kunndɛ kɛ be ´nyan mmla kun be ´fa su nan Nyanmiɛn bu be sran kpa'n, b'a nyɛn-mɛn i .

1 Jean 4:19

E liɛ'n, e klo Nyanmiɛn, afin ɔ dun mmua kloli ye.