Rɔmfuɛ Mun 10:17 - NYANMIƐN NDƐ'N 1998

¹⁷ I sɔ'n ti'n, ndɛ nga sran ti'n yɛ man ɔ lafi Nyanmiɛn su-ɔ, yɛ ndɛ nga be ti'n yɛlɛ Krist ndɛ bɔ be kan'n.

Nyanmien nde Ufle

¹⁷ I so'n ti, nde nga swran ti'n ye man o lafi Nyanmien suo, ye nde nga bé ti'n yele Christ nde bo bé kan'n.

Rɔmfuɛ Mun 10:17 ပူးပေါင်းရင်းမြစ်များ

Zɔb I Nyrɛnnɛn Wunlɛ 42:5

Laa be kan ɔ ndɛ'n yɛ n tili-ɔ. Sanngɛ siɛn liɛ'n, min nyinma'n ɔ'a wun wɔ.

Marc 4:24

Ɔ seli be ekun kɛ: «Ndɛ nga an ti'n, an `nian su kpa. Suliɛ nga an su nun man sran wie mun'n, i kunngba'n nun yɛ Nyanmiɛn ´su man amun-ɔn, ɔ ´uka amun liɛ'n su.»

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

JÉSUS-CHRIST I DYASIN FE'N BO LUC KLELI'N 8:11

Nyanndra sɔ'n i bo'n yɛ: «Awie'n yɛlɛ Nyanmiɛn ndɛ'n.

JÉSUS-CHRIST I DYASIN FE'N BO LUC KLELI'N 8:21

Ɔ seli be kɛ: «Min nin nin min niaan mun yɛlɛ be nga be ti Nyanmiɛn ndɛ'n bɔ be fa su'n.»

Jean 1:37

Kɛ i sɔnnzɔnfuɛ nnyɔn sɔ'm be tili ndɛ sɔ'n, be suli Jésus su.

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 10:14

?Sɛ b'a dun-man mmua lafi-mɛn i su'n, ɔ ´yo sɛ yɛ be ´flɛ i-ɔ? ?Yɛ sɛ b'a ti-mɛn i dunman'n, ɔ ´yo sɛ yɛ be ´lafi i su-ɔ? ?Yɛ sɛ sran fi kɛn-mɛn i ndɛ kle-man sran mun'n, ɔ ´yo sɛ yɛ be ´ti-ɔ?

2 Korɛntfuɛ Mun 2:17

E ti-man kɛ sran wie bɔ be yo Nyanmiɛn ndɛ'n kɛ be nga be yo ninnge sukusuku'm be atɛ'n be liɛ'n sa. Sanngɛ kɛ Nyanmiɛn sunmannin ye'n, bɔ i nyin ta ye'n, bɔ e nin Krist e ti sran wunmuan'n, ɔ man e kɛn i ndɛ'n nanwlɛ nun.

Galasifuɛ Mun 3:2

Sa kunngba nga n klo kɛ n ´usa amun'n yɛlɛ kɛ: ?Mmla'n bɔ an fali su'n ti yɛ Nyanmiɛn fɛ i Wawɛ'n mannin amun-ɔn, annzɛ jasin fɛ'n bɔ an tili an fali su'n ti yɛ ɔ fa mannin amun-ɔn?

Galasifuɛ Mun 3:5

?Nyanmiɛn b'ɔ fɛli i Wawɛ'n mannin amun b'ɔ yo sa kekleekle man amun'n, mmla'n bɔ an fa su'n ti yɛ ɔ yo i sɔ-ɔ, annzɛ jasin fɛ'n bɔ an tili an fali su'n ti-ɔ?

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

Hébreu 4:2

Afin jasin fɛ nga be kan kleli be nga be trannin aawlɛ flɛnnɛn nun lɔ'n, be kɛnnin i kunngba'n kleli ye kusu, sanngɛ ndɛ nga be tili'n bɔ b'a lafi-man su'n ti'n, b'a yo-man kpa.

1 Piɛr 1:23

Nyanmiɛn ndɛ b'ɔ kaci-man'n, b'ɔ o lɛ titi'n ti, Nyanmiɛn wuli amun uflɛ, ɔ man amún si'n ti-man sran b'ɔ wu-ɔ, ɔ o lɛ tititi.

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.