Rɔmfuɛ Mun 10:12 - NYANMIƐN NDƐ'N 1998

¹² Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n,

Nyanmien nde Ufle

¹² Yele ke o le'a Juif, o le'a Grec, bé kwlaa bé Min'n ti kun, o fe i ninngé kpakpa'n man bé kwlaa nga bé bô flee'n,

Rɔmfuɛ Mun 10:12 ပူးပေါင်းရင်းမြစ်များ

Jue Mun 145:18

Be kwlaa nga be kpan flɛ Anannganman'n, ɔ mantan be. Sɛ be kpan flɛ i bɔ gblɛ nun-man nun'n, ɔ mantan be.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezai 55:6

Blɛ bɔ be fa bé wun mantan Anannganman ɔ tɛ yo ye'n, amun `kpɛ amun nyin i wun lɔ, kɛ ɔ tɛ o koko'n, amun `kpan flɛ i.

Sa nga bé yôli'n 7:59

Kɛ be ´finfin Etiɛni yɛbuɛ'n, ɔ seli e Min'n kɛ: «Nannan Jésus, wa fa min!»

Sa nga bé yôli'n 9:14

Yɛ Nyanmiɛn nyrun jranfuɛ dandan'm be mɛnnin i atin kɛ sran kwlaa b'ɔ bo ɔ dunman klɔ nga su wa'n, ɔ `ci i!»

Rɔmfuɛ Mun 14:9

Kɛ ɔ ko yo nan Krist ɔ'a yo be nga be wuli'n nin be nga bé nyin o su'm be Min'n, ɔ wuli, yɛ ɔ cɛnnin.

Rɔmfuɛ Mun 15:12

Ezai kusu seli kɛ: «Izai i anunman'n ɔ ´ba, ɔ wa jao sie be nga be ti-man Zuif'n. I su yɛ be ´fa bé wla'n gua-a .»

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

1 Korɛntfuɛ Mun 1:2

e ´klɛ fluwa nga blɛ amun bɔ an ti Nyanmiɛn i asɔnunfuɛ Korɛnt lɔ. Amun b'ɔ flɛli amun kɛ an ´kaci i liɛ mlɔnmlɔn sran wunmuan bɔ amun nin Jésus-Krist amu'an yo'n ti'n, amun nin be kwlaa nga be bo Jésus-Krist b'ɔ ti e kwlaa e Min'n i dunman'n, amun yɛ e klɛ blɛ amun-ɔn.

1 Korɛntfuɛ Mun 15:47

Fa yɛ Nyanmiɛn fa yili sran klikli nin-ɔn, ɔ man ɔ ti asiɛ'n su wafuɛ. Sran nnyɔn su'n fin nyanmiɛn su lɔ .

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Efɛzfuɛ Mun 1:7

Kɛ Krist wuli bɔ i mmoja'n guali'n ti, Nyanmiɛn deli é, ɔ yacili sa nga e yoli i'n cɛli ye. I sɔ'n nun e wun ye dan nga ɔ yoli ye

Efɛzfuɛ Mun 2:4

Sanngɛ Nyanmiɛn ti aunnvuɛ sifuɛ dan, ɔ man kɛ e tɛ yo kɛ sran bɔ ɔ'a wu sa i nyrun'n, klolɛ b'ɔ fa klo ye'n ti, ɔ mannin e nin Krist e nguan. Ye bɔ Nyanmiɛn yoli amun'n ti'n, ɔ yoli man amu'an nyan amún ti.

Efɛzfuɛ Mun 2:7

nan blɛ ng'ɔ ´ba lɔ'n nun, kɛ ɔ ´yi i kpa b'ɔ yoli ye Krist-Jésus ti'n i nglo'n, be ´wun kɛ i ye b'ɔ yoli ye'n i dan'n lɛ-man wunsu.

Efɛzfuɛ Mun 3:16

Kɛ anyrunnyan ninnge'm be sɔnnin i sa nun'n dan'n ti'n, n srɛ i kɛ i Wawɛ'n wla amun fanngan nan an tra amun anwlɛn yɛ an jran kekle

Efɛzfuɛ Mun 3:6

Sa sɔ'n yɛlɛ kɛ like nga Nyanmiɛn waan ɔ ´fa mɛn i sran mun'n, ɔ nin like ng'ɔ se kɛ ɔ ´yo man be'n, be nga be ti-man Zuif'n be dunman ´tɛ nun wie, yɛ be nin Zuif mun b'a yo kun jasin fɛ b'ɔ man be nin Krist-Jésus b'a kaci sran wunmuan'n ti.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Filipfuɛ Mun 2:11

yɛ ɔ `fite be kwlaa bé nuan kɛ Jésus-Krist ti be Min, nan e Si Nyanmiɛn'n `nyan nyrun .

Filipfuɛ Mun 4:19

Like kwlaa ng'ɔ mian amun'n, kɛ min Nyanmiɛn i anyanbeun b'ɔ o Krist-Jésus sa nun'n dan'n ti'n, ɔ ´fɛ i sɔ man amun.

Kolɔsfuɛ Mun 1:27

Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.

Kolɔsfuɛ Mun 3:11

I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.

1 Timote 2:5

Afin Nyanmiɛn'n ti kun, yɛ kpatafuɛ ng'ɔ jran sran'm bé nuan kpata Nyanmiɛn'n ti kun kusu, yɛlɛ Krist-Jésus, ɔ ti sran.

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»