Rɔmfuɛ Mun 10:1 - NYANMIƐN NDƐ'N 1998

¹ Aniaan mun, min nuan bɔ n yra'n nin sa nga n fa srɛ Nyanmiɛn kɛ ɔ yo man Izraɛlfuɛ mun'n, yɛlɛ kɛ be `fite nun.

Nyanmien nde Ufle

¹ Aniaan mun, n nuan bo n yra'n nin sa nga n fa sre Nyanmien ke o yô man Israëlfue mun'n yele ke bé fité nun.

Rɔmfuɛ Mun 10:1 ပူးပေါင်းရင်းမြစ်များ

Ezipt Lɔ Tulɛ'n 32:10

Siɛn liɛ'n, yaci min nun man n yo sa wie. Min ya'n wa jue bé su kɛ sin sa, yɛ n ´nunnun be mlɔnmlɔn. Sanngɛ ɔ liɛ'n, wɔ osu'n wa trɛ, ɔ ´yo nvle dan kun.»

Ezipt Lɔ Tulɛ'n 32:13

Man ɔ́ wla kpɛn ɔ sufuɛ Abraam, nin Izaak, nin Zakɔb be su. A tali nda, a seli be kɛ: ‹N wa yo man amun osu'n wa trɛ kɛ nzraama nga be o nglo'n sa. Mɛn nga n seli kɛ n ´fa man amun osufuɛ mun'n, n ´fa man be, yɛ be ´tran nun tititi.› »

Zeremi 17:16

Kusu nán kɛ min yɛ n suli wɔ bo kɛ a fa nyrɛnnɛn'n yi ye su-ɔ. Nán kɛ n klo kɛ nyrɛnnɛn sa'n bla-a. Ndɛ ng'ɔ fin mín nuan fite'n yɛ ɔ wo lɛ-ɔ, ɔ bɔbɔ a si.

Zeremi 18:20

?Be fa tɛ be tua kpa kalɛ? B'a kpɛ min bo kunman nan n `tɔ nun nan n `wu. Man ɔ wla kpɛn su kɛ min yɛ n jran ɔ nyrun n kannin bé ti ndɛ yɛ man a yacili ya nga a fɛli i bé wun nin-ɔn.

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

Jean 5:34

N liɛ'n, n kunndɛ-man kɛ sran yi min ayɛ, sanngɛ n kɛn i sɔ nan an ´nyan amún ti.

Rɔmfuɛ Mun 10:2

N si be kpa kɛ be klo Nyanmiɛn dan, sanngɛ klolɛ sɔ'n bɔ be fa klo i'n, be si-man su ngwlɛlɛ.

Rɔmfuɛ Mun 9:33

bɔ be klɛli i wun ndɛ kɛ: «An `nian, n ´fa yɛbuɛ kun sie Siɔn lɔ, ɔ ´kpla sran'm bé ja. Yɛbuɛ sɔ'n ti dan, sran'm be ´fin ase su. Sanngɛ sran ng'ɔ lafi i su'n, i nyin su gua-man ase .»

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.

1 Samiɛl 15:35

Samiɛl ɔ'a wun-man Sail kun le nan ɔ'a wu, afin Anannganman waan Sail i famiɛn nga i bɔbɔ Anannganman sieli i Izraɛl nvle'n su'n yoli i ya kpa. Sail ti Samiɛl kokoli kpa.