Rɔmfuɛ Mun 1:8 - NYANMIƐN NDƐ'N 1998

⁸ Jésus-Krist ti n la min Nyanmiɛn'n i ase amun ndɛ bɔ n tili'n ti, afin be kan amun Nyanmiɛn sulafilɛ ndɛ'n mɛn wunmuan'n nun.

Nyanmien nde Ufle

⁸ Jésus-Christ ti n la min Nyanmien'n i asé amun nde bo n tili'n ti, afin bé kan amun Nyanmien sulafile nde'n men wunmuan'n nun.

Rɔmfuɛ Mun 1:8 ပူးပေါင်းရင်းမြစ်များ

Matthieu 24:14

Be wa kan Nyanmiɛn sielɛ'n i jasin fɛ nga mɛn wunmuan'n nun nan sran'n kwlaa be `ti Nyanmiɛn ndɛ'n. I sin yɛ mɛn i awieliɛ'n ɔ ´ju-ɔ.»

JÉSUS-CHRIST I DYASIN FE'N BO LUC KLELI'N 2:1

Blɛ sɔ'n nun, famiɛn Sezar Ogist waan be `klɛ sran nga be o i mɛn nun'n be kwlaa be dunman.

Sa nga bé yôli'n 11:28

Be nun kun bɔ be flɛ i kɛ Agabis'n, ɔ jaoli nan Nyanmiɛn Wawɛ'n man ɔ'a se kɛ awe dan kpa ɔ wa kpɛn mɛn wunmuan'n nun. Klod blɛ su yɛ awe sɔ'n kpɛnnin-ɔn.

Sa nga bé yôli'n 28:22

Sanngɛ e klo kɛ e si akunndan ng'ɔ o ɔ klun'n, afin e si kɛ be kan sran nga be fa ndɛ sɔ'n su'n bé wun ndɛ lika'n kwlaa.»

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Rɔmfuɛ Mun 16:19

Sran'm be kwlaa be se kɛ an ti anyinyiɛfuɛ. Kɛ an yo sɔ'n, ɔ jɔ n klun, sanngɛ n klo kɛ an yo ngwlɛlɛfuɛ bɔ be yo sa sa kpa, n klo-man kɛ sa tɛ bɔ kaan sa tran amun wun.

Rɔmfuɛ Mun 6:17

N ´yo Nyanmiɛn i kwla o, afin laa'n, sa tɛ'n ti amun nzuɛn, sanngɛ siɛn'n, amu'an fa ndɛ nanwlɛ nga be kleli amun'n su kpa.

1 Korɛntfuɛ Mun 1:4

Amun ti n la min Nyanmiɛn'n i ase titi, yɛlɛ kɛ ɔ yoli amun ye Krist-Jésus ti.

2 Korɛntfuɛ Mun 2:14

Nyanmiɛn i kwla o! Afin kɛ e nin Krist y'a kaci sran wunmuan'n ti'n, ɔ fa e yi i kwlalɛ'n nglo tititi. Yɛ ɔ fa e kɛ e yo man be si Krist lika'n kwlaa kɛ like b'ɔ bɔn fannin kpa'n sa.

Efɛzfuɛ Mun 1:15

I sɔ'n ti'n, n kusu kɛ n tili e Min Jésus i su bɔ an lafi'n nin klolɛ bɔ an klo Nyanmiɛn i sran mun'n,

Efɛzfuɛ Mun 1:16

ɔ man n la Nyanmiɛn ase, yɛ m bo amun dunman kle i tititi.

Efɛzfuɛ Mun 3:21

Man Asɔnun'n nin Krist-Jésus be bɛ i nyrunnyan osu-osu'n kwlaa nun tititi. Man ɔ yo sɔ!

Efɛzfuɛ Mun 5:20

Sa'n kwlakwla nun'n, an `la é si Nyanmiɛn ase titi e Min Jésus-Krist dunman nun.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 1:3

Blɛ kwlaa nga min wla kpɛn amun su'n, n la min Nyanmiɛn'n i ase.

Kolɔsfuɛ Mun 1:3

E la e Min Jésus-Krist i Si Nyanmiɛn'n i ase, yɛ e srɛ i titi kɛ ɔ nian amun su,

1 Tɛsalonikfuɛ Mun 1:2

Amun ti e la Nyanmiɛn ase titi, yɛ e srɛ i titi kɛ ɔ nian amun su.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

2 Timote 1:3

Nyanmiɛn bɔ min nannan mun be suli i be klun a titi-man be'n, bɔ n kusu n su i sɔ'n, n ´lɛ i ase. Kɔnguɛ nin wia nun kɛ n ´koko yalɛ kle Nyanmiɛn'n, n kan ɔ ndɛ kle i titi,

Filemɔn 1:4

Ɔ ti, n la min Nyanmiɛn'n i ase titi, yɛ n srɛ i titi kɛ ɔ nian wɔ su,

Hébreu 13:15

I sɔ'n ti, man manmanlɛ nga e manman Nyanmiɛn titi'n ɔ yo kɛ asenna like bɔ e fa man Jésus kɛ ɔ fa mɛn i'n sa. Kɛ e ´yo sɔ'n e bo i dunman .

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!