Rɔmfuɛ Mun 1:4 - NYANMIƐN NDƐ'N 1998

⁴ yɛ i cɛnlɛ bɔ Nyanmiɛn Wawɛ'n cɛnnin i'n ɔ ti sa kekle b'ɔ yoli, ɔ man be si kɛ ɔ ti i Wa sakpa. Ɔ ti e Min Jésus-Krist.

Nyanmien nde Ufle

⁴ ye i tyenle bo Nyanmien Wawe'n tyenniin'n o ti sa kéklé b'o yôli, o man bé si ke o ti i Wa sakpa. O ti é Min Jésus-Christ.

Rɔmfuɛ Mun 1:4 ပူးပေါင်းရင်းမြစ်များ

Matthieu 4:3

Lakafuɛ'n bɛli i wun lɛ, ɔ seli i kɛ: «Sɛ ɔ waan a ti Nyanmiɛn Wa sakpa'n, se yɛbuɛ nga mun man be kaci aliɛ.»

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Sa nga bé yôli'n 2:24

Wie'n fɛli i, Nyanmiɛn deli i wie sɔ'n i sa nun, ɔ cɛnnin i, yɛlɛ kɛ wie'n kwlɛ-mɛn i sie.

Sa nga bé yôli'n 2:32

Jésus sɔ'n yɛ Nyanmiɛn cɛnnin i nin-ɔn, ɔ yoli e kwlaa e nyrun.

Sa nga bé yôli'n 3:15

Amun yoli man be kunnin sran ng'ɔ man nguan'n, sanngɛ Nyanmiɛn cɛnnin i. Sa sɔ'n yoli e bɔbɔ e nyrun.

Rɔmfuɛ Mun 1:3

Jasin fɛ sɔ'n ti i Wa'n i ndɛ. Kɛ ɔ kacili sran'n, be wuli i David osu'n nun,

2 Korɛntfuɛ Mun 13:4

Afin ɔ ti nanwlɛ kɛ be boboli i waka'n su kɛ sran b'ɔ kwla-man like fi yo sa, sanngɛ Nyanmiɛn i fanngan nun ti yɛ ndɛkɛn ɔ o lɛ-ɔ. E kusu kɛ e nin i y'a yo sran wunmuan'n, e yo e wun kɛ i bɔbɔ yoli i wun kɛ fuɛnfuɛ'n sa, sanngɛ like nga e yo man amun'n, e yo i Nyanmiɛn i fanngan nun, yɛlɛ kɛ e nin Krist y'a yo sran wunmuan.

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!

1 Piɛr 1:11

Krist Wawɛ'n wo Nyanmiɛn nuan ijɔfuɛ sɔ'm bé su. Krist i nyrɛnnɛn wafa ng'ɔ wa wun i'n, ɔ nin i manmanlɛ nga kɛ ɔ ko wun nyrɛnnɛn'n be ´fa mɛnmɛn i'n, ɔ kan i ndɛ kleli be. Be miannin bé nyin kɛ be ´si sa sɔ'n i blɛ'n ɔ nin i wafa ng'ɔ ´yo su'n.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»