Rɔmfuɛ Mun 1:29 - NYANMIƐN NDƐ'N 1998

²⁹ Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

Nyanmien nde Ufle

²⁹ Sa tete yôle'n kwlaa kun bé kpô, bé ti swran te, bé kônvi ti kpli, bé klun yô wi, bé nyin tyi swran nin liké, bé kun swran, bé klô utré, bé ti gble, bé bu swran wun akunndan te, bé bla,

Rɔmfuɛ Mun 1:29 ပူးပေါင်းရင်းမြစ်များ

Jue Mun 41:7

Sɛ be nun wie ba min nianlɛ'n, gblɛ ndɛ mun yɛ ɔ kan be-ɔ. Ɔ kunndɛ mín wun ndɛ sie. Kɛ ɔ fite gua su lɔ cɛ'n, wuun ɔ su saci min wun sin.

Nyanndra Mun 16:28

Utre ba yɛ gblɛfuɛ'n ɔ kpɛ-ɔ. Abla difuɛ'n ɔ saci janvuɛ nin janvuɛ be afiɛn.

Nyanndra Mun 26:20

Kɛ yie'n wie'n, sin'n nuan. Kɛ ablafuɛ kusu nun-man lɛ'n, utre'n kusu wie lɛ.

Matthieu 5:32

Sanngɛ n liɛ'n, n ´kan kle amun kɛ, sran kwlaa ng'ɔ yrɛ i yi'n sɛ nán bian kunndɛlɛ ti'n, ɔ man bla sɔ'n ɔ ´yo bla b'ɔ kunndɛ bian i wun bo, yɛ sran ng'ɔ ja bla bɔ b'a yrɛ i'n, wuun ɔ'a kunndɛ sran yi .»

Rɔmfuɛ Mun 3:10

Afin be klɛli kɛ: «Sran kpa bɔ kun sa nun-man lɛ, ɔ lɛ-man be nun bɔ kun.

2 Korɛntfuɛ Mun 12:20

Kɛ n ko ju amun wun lɔ'n bɔ n su wun-man amun kɛ nga m bu i akunndan kɛ n ´wun amun su'n sa'n, bɔ n kusu an su wun-man min kɛ nga an bu i akunndan kɛ amun ´wun min su'n sa'n, i sɔ ti yɛ man srɛ kun min-ɔn. Kɛ n ´ju lɔ'n bɔ n ´wun kɛ amun wie'm be di utre, wie nyin ci i wiengu, wie fa ya, wie si akplowa, wie kan sran wun ndɛ, wie bla, wie tu i wun, yɛ wie kpɛ saɛ'n, i sɔ'n ti yɛ man srɛ kun min-ɔn.

1 Timote 3:11

Man bé yi'm be kusu be yo sran nanwlɛfuɛ, nán man be yo abla difuɛ, man be yo akunndanfuɛ, man be yo sran bɔ be kwla fa be wla gua be su sa'n kwlaa nun.

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.