Rɔmfuɛ Mun 1:28 - NYANMIƐN NDƐ'N 1998

²⁸ Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

Nyanmien nde Ufle

²⁸ Ke bé nyin kpaa Nyanmien su'n, i kusu yii i sa bé su o man akunndan tete baa bé ti nun, o man bé yô sa b'o ti'e i su'n.

Rɔmfuɛ Mun 1:28 ပူးပေါင်းရင်းမြစ်များ

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

2 Samiɛl 22:27

Sran ng'ɔ yo-man sa tɛ'n, a yo-mɛn i tɛ, sanngɛ sran nga i waan sa tɛ'n yɛ ɔ ´yo'n, a nin i be lɛ i.

Jue Mun 69:27

afin sran nga a tu i fɔ'n, be yaci-mɛn i ndɛnngan. Be uka be bɔ a yo be like'n be afɛ'n su.

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Nyanndra Mun 1:29

Sa ti bɔ amun su wun-man min'n yɛlɛ ngwlɛlɛ bɔ amu'an klo-mɛn i'n, yɛlɛ amún nyin bɔ ɔ'a yi-man Anannganman'n.

Nyanndra Mun 1:7

Bé nyin b'ɔ yi Anannganman'n, yɛ ɔ ti ngwlɛlɛ silɛ'n i bo bolɛ nin-ɔn. Be nga be wun-man sa wlɛ'n be bu-man ngwlɛlɛ'n i like fi. Ndɛ nga be kan kle be'n, be bu-mɛn i like fi .

Nyanndra Mun 17:16

?Sinnglinfuɛ'n i sa nun sika'n, ɔ fa yo nguɛ ye? ?Ɔ fa to ngwlɛlɛ-ɔ ɔ yo ye? Kannzɛ be to bɔbɔ-ɔ, i sinnzin'n ti ɔ kwla to-man.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 6:30

Be flɛ be kɛ sika b'ɔ lɛ-man nyrun. Be lɛ-man nyrun Anannganman i sa nun.

Zeremi 9:6

I sɔ'n ti Anannganman b'ɔ sie mɛn wunmuan'n wan yoo: «N wa yi be nun fiɛn'n kɛ sika tɔnfuɛ'n fa yo'n sa. N ´sa be n ´nian. Afin be sa tɛ'n ti san i sɔ like cɛ yɛ n ´fa yo be-ɔ.

Ezekiɛl 14:5

Tɛlɛ nga n ´tɛ i su sɔ'n, ɔ ´sanngan Izraɛlfuɛ nga amuɛn'm be klolɛ'n ti be kacili be sin sili min'n be akunndan.›

Ezekiɛl 20:25

M bɔbɔ n kunngba min yɛ m mannin be mmla wie bɔ b'a yo-man be kpa nin-ɔn, mmla sɔ'm be ti b'a nyan-man nguan .

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Sa nga bé yôli'n 17:23

Afin, kɛ n ´sin'n, n wun ninnge bɔ an sɔ be'n, yɛ n wunnin sraka yiwlɛ kun bɔ an klɛli su kɛ: ‹Like wie bɔ e si-mɛn i'n i liɛ-ɔ.› Like nga an sɔ i bɔ sanngɛ an si-mɛn i'n, i ndɛ yɛ m ba amun kan kle lɛ-ɔ.

Sa nga bé yôli'n 17:32

Kɛ be tili kɛ ɔ su kan sran nga be wuli'n be cɛnlɛ ndɛ'n, wie'm be yoli i finfin, yɛ wie'm be se kɛ: «E wa tie ɔ ndɛ sɔ'n cɛn uflɛ ekun.»

Rɔmfuɛ Mun 1:18

Sran'm be nyin b'ɔ yi-man Nyanmiɛn'n nin sa tɛtɛ'n kwlaa bɔ be yo'n ti, Nyanmiɛn kle be kɛ i ya'n wa jaso. Bé sa tɛtɛ yolɛ sɔ'n ti, ɔ man sran'm be wun-man Nyanmiɛn ndɛ'n i nanwlɛ.

Rɔmfuɛ Mun 1:21

Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

Rɔmfuɛ Mun 1:24

I sɔ'n ti Nyanmiɛn yili i sa be su, ɔ man be yo sa tɛtɛ'n kwlaa nga be klo kɛ be ´yo'n lele ɔ man be yo be bɔbɔ bé wun finfin.

Rɔmfuɛ Mun 1:26

I sɔ'n ti Nyanmiɛn yili i sa be su, ɔ man be konvi sɔ nyannzuɛn sa'm be yolɛ lele ɔ man be mmla'm be yaci bian nna nga Nyanmiɛn sieli'n, siɛn be nin be wiengu mmla mun yɛ be kunndɛ be wun-ɔn. I sɔ yolɛ liɛ'n, ɔ ti-mɛn i su mlɔnmlɔn'n.

1 Korɛntfuɛ Mun 15:34

An `klo amún nyin yo sa ng'ɔ ti i nuan su'n, nán an yo sa tɛ'n kun, afin amun wie'm be si-man Nyanmiɛn. N kɛn i sɔ fa gua amún nyin ase.

2 Korɛntfuɛ Mun 10:5

yɛ like nga b'ɔ man sran'm be si-man Nyanmiɛn'n e saci be kwlaa, yɛ e yo man sran'm be kwlaa, sɛ be akunndan'n ti sɛ ti sɛ o, be yaci be akunndan sɔ'n bé nyin yi Krist.

Efɛzfuɛ Mun 5:4

Yɛ nán man be ti ndɛ tɛtɛ, nin ndɛ finfin, nin aɔwi tɛtɛ dilɛ'n amún nuan nun. Be ti like b'ɔ nin amun fata-man, sanngɛ man be ti Nyanmiɛn asenna ndɛ amún nuan nun.

2 Tɛsalonikfuɛ Mun 1:8

Ɔ ´ba sin b'ɔ jue'n nun nan ɔ ´tu be nga be si-man Nyanmiɛn'n nin be nga be fa-man e Min Jésus i jasin fɛ'n su'n be fɔ.

2 Timote 3:8

Sran sɔ'm be si ndɛ nanwlɛ bɔ e kan'n i akplowa kɛ Zannɛs nin Zambrɛs be nin Moiz be sili akplowa'n sa. Sran sɔ'm b'a saci, be akunndan'n ti-man kpa kun, kɛ a nian be wafa nga be fa lafi Nyanmiɛn su'n, a wun kɛ be lafi-mɛn i su kpa .

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

Filemɔn 1:8

I sɔ'n ti'n, Krist b'ɔ jin min sin'n ti'n, n si kɛ n kwla se wɔ kɛ a yo sa ng'ɔ ti i su'n,

2 Piɛr 3:5

Sa kun o lɛ bɔ be klo-man kɛ be bu i akunndan. Sa sɔ'n yɛlɛ kɛ lalafuɛ nun kɛ Nyanmiɛn kannin ndɛ kun'n, kpɛkuun asiɛ'n nin nyanmiɛn su lɔ'n be trannin lɛ. Asiɛ'n fin nzue'n nun yɛ ɔ fiteli-ɔ, ɔ o nzue i afiɛn.