Rɔmfuɛ Mun 1:26 - NYANMIƐN NDƐ'N 1998

²⁶ I sɔ'n ti Nyanmiɛn yili i sa be su, ɔ man be konvi sɔ nyannzuɛn sa'm be yolɛ lele ɔ man be mmla'm be yaci bian nna nga Nyanmiɛn sieli'n, siɛn be nin be wiengu mmla mun yɛ be kunndɛ be wun-ɔn. I sɔ yolɛ liɛ'n, ɔ ti-mɛn i su mlɔnmlɔn'n.

Nyanmien nde Ufle

²⁶ I so'n ti, Nyanmien yii i sa bé su, o man bé kônvi so nyannzuen sa'm bé yôle, lélé o man bé mmla'm bé yatyi bian nna nga Nyanmien siéé i su'n, bé yô sa ng'o ti'e i su mlonmlon'n.

Rɔmfuɛ Mun 1:26 ပူးပေါင်းရင်းမြစ်များ

Bo Bolɛ 19:5

Yɛ be flɛli Lɔt-ɔ, be usɛli i kɛ: «?Sran nga be bali wɔ awlo wa kɔnguɛ'n, be o nin? Fa be fite wa man e nin be e la.»

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Rɔmfuɛ Mun 1:24

I sɔ'n ti Nyanmiɛn yili i sa be su, ɔ man be yo sa tɛtɛ'n kwlaa nga be klo kɛ be ´yo'n lele ɔ man be yo be bɔbɔ bé wun finfin.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

1 Korɛntfuɛ Mun 6:9

An si-man kɛ Nyanmiɛn su sie-man sa tɛtɛ yofuɛ'm be mlɔnmlɔn? Nán an laka amun wun, afin bla annzɛ bian kunndɛfuɛ mun, nin amuɛn sɔfuɛ mun, nin yasua bɔ be kunndɛ bla be yi bo annzɛ bla bɔ be kunndɛ bian be wun bo'n, nin yasua bɔ be kunndɛ be wiengu yasua'n,

Efɛzfuɛ Mun 4:19

Be si-man nyannzuɛn kun, wlaka'n ɔ'a kun be kpo, be yaci-man sa tɛtɛ'm be yolɛ'n mlɔnmlɔn.

Efɛzfuɛ Mun 5:12

Afin sa nga sran sɔ'm be fia yo'n, i kanlɛ'n yo nyannzuɛn.

1 Tɛsalonikfuɛ Mun 4:5

Nán man amún nyin tran sa tɛtɛ'm be yolɛ su kɛ be nga be si-man Nyanmiɛn'n be yo'n sa.

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

Jude 1:10

Sanngɛ sran sɔ'm be liɛ'n, like nga be wun-mɛn i wlɛ'n, be kɛn i ndɛ kɛ ɔ ti-man kpa. Yɛ bé sa wlɛ nga be wun i'n, ɔ ti kɛ blo nnɛn'm be liɛ'n bɔ be wuli be nin i'n sa. Sa nga be wun be wlɛ sɔ'n be yɛ be saci be-ɔ.

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .

Jɔlɛ Difuɛ Mun 19:22

Be o lɛ be bo nzɛmunndɛ kpɛkuun klɔ nun sran finfinfuɛ'm b'a bo b'a sin b'a yia sua'n. Kɛ be ´ti'n, be su bobo anuan'n. Be seli bian kpɛnngbɛn bɔ i liɛ yɛlɛ sua'n kɛ: «Bian nga a sikeli i'n, fɛ i fite wa man e nin i e la.»