Rɔmfuɛ Mun 1:23 - NYANMIƐN NDƐ'N 1998

²³ Be yaci Nyanmiɛn b'ɔ ti anannganman b'ɔ lɛ nyrun lɛ be yo ninnge mun, kɛ sran sa, wie'm be ti kɛ nnɛn sa, wie'm be kusu be ti kɛ anunman sa, yɛ wie'm be ti kɛ wuo sa, be taka be, yɛ be sɔ be .

Nyanmien nde Ufle

²³ Bé yatyi Anannganman Nyanmien Kpli'n le, bé yô ninngé mun, bé taka bé, bé so bé, swran ô, nnen ô, anunman ô, wuô ô.

Rɔmfuɛ Mun 1:23 ပူးပေါင်းရင်းမြစ်များ

Jue Mun 106:20

Ɔ liɛ nannin bɔ ijre yɛ ɔ di'n yɛ be fɛli i nzɔliɛ'n be kacili Nyanmiɛn b'ɔ lɛ nyrun nin-ɔn.

Ezai 40:18

?Wan cɛ yɛ amun ´fa sunnzun Nyanmiɛn-ɔn? ?Nzɔliɛ onin cɛ yɛ amun ´yo b'ɔ ´fa Nyanmiɛn-ɔn ?

Ezai 40:26

Amun `man amún nyin su nglo be `nian! ?Wan yɛ ɔ yili nzraama mun-ɔn? ?Nán sran nga b'ɔ man be kwlaa be fite nyannglaan nin-ɔn? Ɔ fa be dunman'n flɛflɛ be kwlaa, i kwlalɛ b'ɔ kwla dan'n nin i wunmiɛn dan'n ti'n, wie fi tu-man nun.

Ezai 44:13

Waka sɛfuɛ'n ɔ sunnzun waka nin nyanman, ɔ fa laklɛ fa jaja amuɛn ba'n i wafa'n, yɛ ɔ fa soma fa sɛ, kpɛkuun ɔ fa like kpitɛ i wun ɔ yo mlɔnnɔnnɔnnɔn. Ɔ yo like sɔ'n kɛ sran sa, ɔ yo i nyrun klanman kɛ sran'm be liɛ'n sa, yɛ ɔ fɛ i sie sua kun nun.

Zeremi 2:11

?Awlanmannun, nvle wie o lɛ b'ɔ kaci i amuɛn mun-ɔn? ?Kannzɛ bɔ be ninnge sɔ'm be ti-man amuɛn kpa'n be kaci be? Sanngɛ kpɛkuun min nvle bɔ n dili i nɛnnɛn n yoli i Nyanmiɛn'n, ɔ yaci min lɛ cɛ ɔ ko fa like nga be yo-man sa fi ye'n.

Ezekiɛl 8:10

N wluli lɔ nan m'an nian lɔ. N ´nian-an, nnɛn nga be cuɛn bé wun ase'n nin nnɛn nga be ti tete ninnge'n, ɔ nin Izraɛlfuɛ'm be amuɛn mun yɛ b'a yi be nzɔliɛ talɛ ng'ɔ sin yia min'n su sa sɛsɛsɛ yɛ.

Sa nga bé yôli'n 10:12

Nnɛn wafa-wafa'n kwlaa bɔ be lɛ ja nnan'n nin nga be cuɛn bé wun ase'n be o nun, yɛ anunman wafa-wafa'n kwlaa be o nun wie.

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Rɔmfuɛ Mun 1:25

Be fa ato'n kaci Nyanmiɛn ndɛ b'ɔ ti nanwlɛ'n, yɛ be fa bé wun man ninnge bɔ Nyanmiɛn yili be'n, be sɔ be, be yaci Nyanmiɛn bɔbɔ b'ɔ yili ninnge sɔ mun i lɛ. I yɛ ɔ fata kɛ be `bo i dunman tititi nin-ɔn. Man ɔ yo sɔ !

1 Korɛntfuɛ Mun 12:2

An si kɛ i nun bɔ an tɛ sɔ amuɛn'n, an su amuɛn bɔ be ijɔ-man'n bé su.

Mmla'n 5:8

Nán yo amuɛn fi nin like wie fi b'ɔ fa nglo lɔ like, annzɛ b'ɔ fa asiɛ'n su wa like, annzɛ b'ɔ fa nzue b'ɔ o asiɛ'n i bo lɔ nun like.

1 Piɛr 4:3

Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

Sa nglô yile 9:20

Sran nga like sroesroe sɔ'm b'a kun-man be'n, b'a kaci-man be nzuɛn'n, yɛ b'a yaci-man like nga be bɔbɔ be yoli'n be sɔlɛ. Be sɔ mmusu mun, nin amuɛn bɔ be fa sika ɔkwlɛ, nin jɛtɛ ufue, nin aaba, nin yɛbuɛ, nin waka be fa yo be'n. Ninnge nga be yo be sɔ'n be wun-man ase, be ti-man sa, yɛ be kwla nanti-man .