Rɔmfuɛ Mun 1:22 - NYANMIƐN NDƐ'N 1998

²² Be bu bé wun ngwlɛlɛfuɛ, ɔ man be kacili sinnglinfuɛ.

Nyanmien nde Ufle

²² Bé bu bé wun ngwlelefue, o man bé katyii sinnglinfue.

Rɔmfuɛ Mun 1:22 ပူးပေါင်းရင်းမြစ်များ

Nyanndra Mun 25:14

Sran nga b'ɔ di i nuan sin kɛ ɔ cɛ sran like sanngɛ kusu ɔ yo-man'n, ɔ ti kɛ nzue b'ɔ mlan b'ɔ tɔ-man'n sa.

Nyanndra Mun 26:12

Sran ng'ɔ bu i bɔbɔ wun ngwlɛlɛfuɛ'n, sinnglinfuɛ'n flunman trɛ i.

Ezai 44:20

Cuekee, be fa be wla gua like b'ɔ ti kɛ nzuɛn sa'n i su. Sa bɔ be wun-mɛn i wlɛ'n ti b'a mlin. Be amuɛn'n ɔ de-man be. Kusu be bɔbɔ be usa-man bé wun kɛ: «Nán like ngbɛn li yɛ ɔ o min sa nun yɛ?»

Ezai 47:10

A lafili ɔ klunwi'n su, a seli kɛ: ‹Sran fi wun-man min.› Ɔ ngwlɛlɛ'n nin ɔ silɛ'm be lakali wɔ. A seli ɔ klun lɔ kɛ: ‹M bɔbɔ min'n, sran fi nin min sɛ-man.›

Zeremi 10:14

Sran'm be kwlaa be kaci sinnglinfuɛ. Be wun-man sa wlɛ. Ajuin difuɛ nga be yi amuɛn ba'n be wun nyannzuɛn. Be wun kɛ bé sa nuan like sɔ'n be ti finfin like. Nguan fi nun-man be nun.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Matthieu 6:23

sanngɛ sɛ ɔ nyinma'n ti-man kpa'n, a wun-man ase mlɔnmlɔn. Yɛ sɛ ɔ kannin sɔ'n ɔ kpaja-man'n, i aosin'n ti tɛ!»

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.