Rɔmfuɛ Mun 1:21 - NYANMIƐN NDƐ'N 1998

²¹ Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

Nyanmien nde Ufle

²¹ Afin bé si ke o ti Nyanmien, sannge o nin i so'n ngba bé yi'e i aye, bé le'e i asé. Bé akunndan kwlaa nga bé bu'n o yôô ngben, ye ngwlele bo bé simen'n ti, ba wu'an sa fi wle kun.

Rɔmfuɛ Mun 1:21 ပူးပေါင်းရင်းမြစ်များ

Bo Bolɛ 6:5

Anannganman ´nian-an, sran'm be klunwi'n kɔ i nyrun cɛn'n kwlaa. Kɛ aliɛ'n ´cɛn b'ɔ ´san'n, wuun be klun akunndan'n ´yo tɛ kɔ i nyrun.

Bo Bolɛ 8:21

Nnɛn'n i fannin'n b'ɔ bɔn'n, ɔ wluli Anannganman bue nun kpɛkuun ɔ seli i klun lɔ kɛ: «Ɔ fin ndɛ, n nian-man sran'n i sa tɛ'n su n saci-man asiɛ'n kun. Afin kɛ ɔ fin i bakan nun'n, i nyin'n wo sa tɛ'n su titi. Ɔ man n kun-man ninnge mun kɛ m'an fa yo i yɛ'n sa kun.

1 Famiɛn Mun 20:23

Siri famiɛn'n i sufuɛ'm be seli i kɛ: «Izraɛl Nyanmiɛn'n ti oka'm be su Nyanmiɛn ti yɛ be kwlali ye nin-ɔn. Sɛ e nin be e kun lika kpɛtɛkplɛɛ nun'n, i liɛ'n, e si wein kɛ e ´kwla be.

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

Jue Mun 50:23

Sran ng'ɔ manman min'n yɛlɛ sran ng'ɔ si min wun ye'n, yɛ i yɛ ɔ ti min ayɛ yifuɛ-ɔ. Sran ng'ɔ nian i nantilɛ'n su'n, n wa yi min wun nglo n kle i kɛ min yɛ n de sran mun-ɔn.»

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Jue Mun 86:9

Min Min, wɔ yɛ a yili nvle-nvlefuɛ'm be kwlaa-a. Be wa ba, be wa koto ɔ bo, be ´bo flɛ wɔ ɔ nyrun nyannyan'n ti.

Akunndanfuɛ'n 7:29

Sa kunngba nga n wunnin i wlɛ kpa i kwlaa sɔ'n nun'n yɛ. Nyanmiɛn yili sran'm be kpa, be bɔbɔ yɛ be fali bé wun wlali sa sukusuku'm be nun-ɔn.»

Ezai 60:2

Afin aosin'n ɔ kata asiɛ'n su, lika tuun ɔ dun sran'm be su, sanngɛ ɔ liɛ'n, Anannganman kpaja ɔ su, i nyrun nyannyan'n ɔ fite nglo ɔ́ su .

Zeremi 16:19

Anannganman, wɔ bɔ a man wunmiɛn'n, bɔ a ti kɛ min sasawlɛ klɔ'n sa, kɛ sa tɔ'n, ɔ́ sin yɛ n fia-a. Nvle-nvle'm be ´fin mɛn'n i bue kun lɔ be ´ba ɔ sin be ´se kɛ: «Like nga e nannan'm be yaci é si'm bé sa nun'n, ɔ ti ato like, ɔ yo-man sa fi ye.

Zeremi 17:9

Klɔ sran'n i klun akunndan'n ti tɛ tra like kwlaa, be yo akunndan sɔ'n i sa fi-ɔ ɔ yo-man ye . ?Wan cɛ yɛ ɔ kwla si-ɔ?»

Zeremi 2:5

Anannganman'n wan yoo: «?Nguɛ sa tɛ yɛ amun nannan'm be wunnin min wun, b'ɔ man b'a mantan-man min kun, bɔ be ko suli ninnge finfin'm be su, bɔ b'a yo finfin sa-a?

Zeremi 9:14

I sɔ'n ti Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n i waan: «N wa man nvle nga nunfuɛ'm be kondu man be di. N ´gua nzue nun duwlɛ n ´man be be ´nɔn.

Ezekiɛl 14:5

Tɛlɛ nga n ´tɛ i su sɔ'n, ɔ ´sanngan Izraɛlfuɛ nga amuɛn'm be klolɛ'n ti be kacili be sin sili min'n be akunndan.›

Ezekiɛl 20:25

M bɔbɔ n kunngba min yɛ m mannin be mmla wie bɔ b'a yo-man be kpa nin-ɔn, mmla sɔ'm be ti b'a nyan-man nguan .

Ndɛ Nga Nyanmiɛn I Nuan Ijɔfuɛ Oze Kannin'n 2:8

I sɔ'n ti m bɔbɔ min Anannganman'n, kɛ ɔ ´yo nan ɔ'a kwla wun-man atin'n ti n ´si i wun talɛ, n ´fa owie n ´tannin i.

Jean 3:19

An `nian sa ti yɛ ɔ bu be fɔ sɔ'n yɛ: i b'ɔ ti kɛ wia sa'n, ɔ bali mɛn'n nun, sanngɛ sran'm be kloli aosin'n trali wia'n be nzuɛn tɛtɛ'n ti .

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Rɔmfuɛ Mun 1:19

Afin be wun like nga b'ɔ man sran si Nyanmiɛn'n i wlɛ. Nyanmiɛn bɔbɔ yili i nglo weiin kleli be.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

Rɔmfuɛ Mun 11:10

Man bé nyin su dun be, nán man be wun ase kun. Man be kɔminsin klu tititi .»

Rɔmfuɛ Mun 15:9

Yɛ ɔ bali nan be bɔ be ti-man Zuif'n be kusu be `la Nyanmiɛn ase i aunnvuɛ b'ɔ wunnin be'n ti. Afin be klɛli i kɛ: «I sɔ'n ti'n, m ´bo ɔ dunman be nga be ti-man Zuif'n be nyrun, yɛ n ´to jue m ´bo flɛ wɔ.»

Mmla'n 28:29

Wia klakla kpa nun'n, amun ´fuafua amún sa kɛ anyansifuɛ'm be sa. Like nga amun ´yo'n, ɔ su yo-man ye amún sa nun. Yalɛ yɛ be ´kle amun sa lelele-ɔ, amún bo ninnge'n yɛ be ´fɛn i sa tititi-ɔ, amun su nyan-man sran b'ɔ ´de amun-ɔn.

2 Timote 3:2

Afin sran'm be ´bu be bɔbɔ be wun akunndan, be ´yo sika klofuɛ, be ´di bé nuan, be ´tu bé wun, be ´saci Nyanmiɛn wun, bé nyin su yi-man bé si nin be nin mun, be su si-man ye, bé nyin su yi-man Nyanmiɛn,

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

Sa nglô yile 14:7

Ɔ kpan se kɛ: «Man amún nyin yi Nyanmiɛn, an `mɛnmɛn i, afin sran'm be ndɛ bulɛ blɛ'n ɔ'a ju. I b'ɔ yili nyanmiɛn su lɔ'n, nin asiɛ'n, nin jenvie'n, ɔ nin nzue ti mun'n, an ´koto i bo!»

Sa nglô yile 15:4

?Nannan, wan yɛ ɔ sro-man wɔ-ɔ? ?Wan yɛ ɔ bo-man ɔ dunman-an? Afin ɔ kunngba cɛ yɛ ɔ nzuɛn'n nin klɔ sran liɛ'n ti-man kun-ɔn. Nvle-nvlefuɛ'm be kwlaa be wa koto ɔ bo, afin be kwlaa b'a wun kɛ a di jɔlɛ nanwlɛ nun .»