Rɔmfuɛ Mun 1:20 - NYANMIƐN NDƐ'N 1998

²⁰ Sran nyinma wun-man Nyanmiɛn'n, sanngɛ kɛ ɔ fin cɛn ng'ɔ yili mɛn'n, ninnge kwlaa ng'ɔ yo be bɔ be wun be'n, ɔ man be wun i wlɛ weiin kɛ Nyanmiɛn o lɛ yɛ ɔ kwla sa'n kwlaa yo. I sɔ'n ti be lɛ-man ndɛ fi .

Nyanmien nde Ufle

²⁰ Swran nyinma wu'an Nyanmien'n, sannge ke o fin tyen ng'o yii men'n, liké kwlaa ng'o yô bé bo bé wun bé'n, o man bé wun i wle wéiin ke Nyanmien ô le, ye o kwla sa'n kwlaa yô. I so'n ti, bé le'a nde fi.

Rɔmfuɛ Mun 1:20 ပူးပေါင်းရင်းမြစ်များ

Bo Bolɛ 1:1

Kɛ mɛn'n bo i bo'n, Nyanmiɛn yili nglo nin asiɛ'n .

Bo Bolɛ 21:33

Abraam tali tamaris waka kun Beɛr-Seba lɛ nan ɔ'a bo Anannganman b'ɔ ti adudua'n i dunman ɔ'a srɛ i.

Zɔb I Nyrɛnnɛn Wunlɛ 12:7

Usa nnɛn mun nian, be ´man wɔ akunndan. Usa anunman mun, be fiti sa'm be su be ´kle wɔ.

Jue Mun 104:31

Anannganman, nán wɔ anyrunnyan'n ɔ sin le. Di ninnge nga a yili be'n be su aklunjuɛ.

Jue Mun 104:5

A wlali asiɛ'n i bo ase kekleke kpa! Kɛ ɔ o lɛ'n yɛ ɔ wo-ɔ .

Jue Mun 119:90

A di nanwlɛ tititi. A yili asiɛ'n, kɛ ɔ o lɛ'n yɛ ɔ wo-ɔ.

Jue Mun 139:13

Wɔ yɛ a siesieli min-ɔn. A wuli min kɛ tannin sa mín nin ku sɛ'n nun.

Jue Mun 8:3

A fa ba kanngan mun nin ba nɔnman'm be nɛn'n yɛ a fa yi ɔ́ wun nglo nyannyannyan-an. A yo man ɔ kpɔfuɛ'm bé nyin gua ase, kpɛkuun be nin be nga be waan be ´tu be klunngbɔ'n be kwla-man bé wun keje kun mlɔnmlɔn .

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Ezai 26:4

Amun `fa amún wla gua Anannganman su tititi. Afin ɔ ti kɛ yɛbuɛ sa, i yɛ be talo i-ɔ, ɔ o lɛ anannganman anannganman.

Ezai 40:26

Amun `man amún nyin su nglo be `nian! ?Wan yɛ ɔ yili nzraama mun-ɔn? ?Nán sran nga b'ɔ man be kwlaa be fite nyannglaan nin-ɔn? Ɔ fa be dunman'n flɛflɛ be kwlaa, i kwlalɛ b'ɔ kwla dan'n nin i wunmiɛn dan'n ti'n, wie fi tu-man nun.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 5:21

‹Sran sinnglinfuɛ'm bɔ be wun-man sa wlɛ, bɔ be nyinma'n wo lɛ ngbɛn, be wun-man ase'n, be su'm be o lɛ ngbɛn, be ti-man sa'n, an `sie amun su .›

Zeremi 51:15

I kwlalɛ b'ɔ kwla'n man ɔ yili asiɛ'n. I ngwlɛlɛ'n man ɔ wlali mɛn'n i bo ase. I ngwlɛlɛ'n man ɔ trɛli nglo lɔ'n nun kɛ tannin sa.

Matthieu 5:45

I sɔ'n nun'n, amun wa yo amun Si b'ɔ o nyanmiɛn su lɔ'n i mma mun, afin ɔ bo wia'n man be bɔ be ti tɛ'n nin be bɔ be ti kpa'n, yɛ ɔ tɔ nzue'n man nanwlɛfuɛ nin be bɔ be ti-man nanwlɛfuɛ'n.

Marc 10:6

Sanngɛ mɛn'n i bo bolɛ nun «Nyanmiɛn yili yasua nin bla .

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 15:22

Sɛ m'an ba-man m'an kan kle-man be'n, wuun be su bu-man be sa tɛ yofuɛ. Sanngɛ siɛn'n, be kwla yi-man bé ti bé sa tɛ'n bo kun.

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Sa nga bé yôli'n 22:1

«Min niaan mun nin min si mun, an `sie amún su tie ndɛ bɔ m ma kan kle amun'n.»

Rɔmfuɛ Mun 1:19

Afin be wun like nga b'ɔ man sran si Nyanmiɛn'n i wlɛ. Nyanmiɛn bɔbɔ yili i nglo weiin kleli be.

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Rɔmfuɛ Mun 2:1

I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Rɔmfuɛ Mun 2:15

Kɛ be yo sɔ'n, ɔ kle kɛ be si sa nga be klɛli i mmla'n nun kɛ sran `yo'n be anwlɛn'n nun lɔ. Sa wlɛ bɔ be wun i'n nin be akunndan bɔ be bu'n man be wun sa nga sran yo'n i wlɛ, sɛ ɔ ti kpa o, sɛ ɔ ti tɛ o, be wun i wlɛ.

1 Korɛntfuɛ Mun 1:20

?Ngwlɛlɛ sifuɛ'n wo nin? ?Mmla sifuɛ'n wo nin? ?Blɛ nga nun be bɔ be kunndɛ kɛ be ´si sa'm bé bo'n be o nin? ?Sran nga be ti ngwlɛlɛfuɛ mɛn nga nun'n, Nyanmiɛn bu-man be sinnglinfuɛ?

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

Kolɔsfuɛ Mun 1:15

Ɔ fa Nyanmiɛn bɔ be wun-mɛn i'n, ɔ ti i Wa Kpɛn bɔ i kpa'n tra like ng'ɔ yili be'n be kwlaa.

Kolɔsfuɛ Mun 2:9

Afin kɛ e wun Krist b'ɔ kacili sran'n, e wun wafa nga Nyanmiɛn ti'n i kwlaa.

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Hébreu 11:27

Nyanmiɛn su b'ɔ lafi'n ti, kɛ ɔ jao Ezipt famiɛn wlɛfuɛ'n wun lɔ'n, srɛ a kun-mɛn i, afin ɔ trɛ i anwlɛn, ɔ ti kɛ ɔ'a wun Nyanmiɛn bɔ be wun-mɛn i'n sa .

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!