Rɔmfuɛ Mun 1:16 - NYANMIƐN NDƐ'N 1998

¹⁶ Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Nyanmien nde Ufle

¹⁶ Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

Rɔmfuɛ Mun 1:16 ပူးပေါင်းရင်းမြစ်များ

Jue Mun 110:2

Anannganman man ɔ sielɛ'n ɔ fɛ i Siɔn lele ɔ trɛ ɔ mmua kpa. Man ɔ fanngan'n ɔ kwla ɔ kpɔfuɛ mun.

Jue Mun 119:46

Afin sa nga a sie be'n, n ´kan be famiɛn'm be nyrun, n su sa-man nun nyan.

Ezai 53:1

?Wan yɛ ɔ lafili sa nga be kan kleli ye'n su-ɔ? ?Wan yɛ Anannganman yili i wun nglo kleli i kɛ ɔ ti kpli-ɔ ?

Zeremi 23:29

Mín nuan ndɛ'n ti kɛ sin sa yɛ ɔ o lɛ-ɔ. Ɔ ti kɛ marto kekleke b'ɔ kpuke yɛbuɛ nun'n sa.»

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

JÉSUS-CHRIST I DYASIN FE'N BO LUC KLELI'N 9:26

M bɔ n kacili Sran'n m ´ba, sran'm be ´wun kɛ min nin min Si nin min Si i anz mun e nyrun'n ti nyannyan ɔ yo sro. Sran nga bɔ min nin min ndɛ'n ti nyannzuɛn kun i'n, kɛ m ´ba sɔ'n, nyannzuɛn ɔ'a kun min sran sɔ'n ti.

Jean 7:35

Zuif'm be usali bé wun kɛ: «?Nin yɛ ɔ wa kɔ bɔ e su wun-mɛn i nin-ɔn? ?Ɔ wa kɔ Zuif'm bɔ b'a sanndi b'a ko tran Grɛk'm be nun'n bé sin nan ɔ ´kle Grɛk'm be like?»

Sa nga bé yôli'n 3:26

Kɛ Nyanmiɛn fɛ i sran sieli i sɔ'n, amún sin yɛ ɔ sunmɛnnin i klikli-ɔ. I waan ɔ ´yo amun ye nan amun kwlakwlakwla an `yaci amun nzuɛn tɛtɛ'n.»

Rɔmfuɛ Mun 10:17

I sɔ'n ti'n, ndɛ nga sran ti'n yɛ man ɔ lafi Nyanmiɛn su-ɔ, yɛ ndɛ nga be ti'n yɛlɛ Krist ndɛ bɔ be kan'n.

Rɔmfuɛ Mun 15:19

yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Rɔmfuɛ Mun 15:29

N si kɛ sɛ n ju amun wun lɔ'n, amun ´wun kɛ Krist jin ń sin dan.

Rɔmfuɛ Mun 2:9

Be kwlaa nga be yo sa tɛtɛ'n, yalɛ klelɛ'n ´tɔ be su, yɛ be ´wun nyrɛnnɛn dan, Zuif'm be yɛ be ti i klikli-ɔ, i sin be nga mun.

Rɔmfuɛ Mun 4:11

Nyanmiɛn dun mmua buli i sran kpa i su b'ɔ lafi'n ti, i sin yɛ be wlɛli i klɛn-ɔn. Ɔ fa klɛn wlalɛ sɔ'n sieli Abraam nzɔliɛ b'ɔ ti like nga ɔ'a dun mmua yo i'n i lalofuɛ. Be kwlaa nga kannzɛ b'a wla-man be klɛn'n, ɔ bu be kusu be sran kpa wie'n, i su bɔ be lafi'n ti'n, ɔ yoli sɔ nan Abraam yo bé si.

1 Korɛntfuɛ Mun 15:2

Sɛ an fa su kɛ n kan kleli amun'n sa'n, amun ´fite nun, sanngɛ sɛ an lafi su-ɔ an fite-man nun'n, wuun nán an bo yɛ.

1 Korɛntfuɛ Mun 2:2

Afin n dun mmua buli i akunndan kɛ sɛ n kɔ amun wun lɔ'n, n su kan-man ndɛ fi san Jésus-Krist ɔ nin i waka'n su bɔ be boboli i'n i ndɛ'n cɛ yɛ n ´kan-an.

1 Korɛntfuɛ Mun 2:4

Min ijɔlɛ'n nin Nyanmiɛn ndɛ bɔ n kɛnnin i lɔ'n, ɔ'a yo-man ngwlɛlɛ ndɛ bɔ sɛ sran ti-ɔ ɔ fa su-ɔ, sanngɛ ɔ yoli ndɛ b'ɔ yi Nyanmiɛn Wawɛ'n nin i kwlalɛ'n nglo.

1 Korɛntfuɛ Mun 9:12

?Sɛ sran wie'm be kwla se amun kɛ an man be like'n, nán e liɛ sin-ɔn? Sanngɛ e liɛ'n, kannzɛ e kwla yo i sɔ bɔbɔ'n, y'a yo-mɛn i sɔ. I kwlaa sɔn e nun yɛlɛ kɛ e klo-man kɛ e bo Krist i jasin fɛ'n i kokowa.

1 Korɛntfuɛ Mun 9:18

?Sɛ ɔ ti sɔ'n, nguɛ yɛ n ´nyɛn i nun-ɔn? Kɛ n ´kan jasin fɛ'n bɔ n de-man like fi'n, bɔ n yo-man like nga bɔ sɛ jasin fɛ kanfuɛ waan ɔ ´yo-ɔ ɔ kwla yo'n, i yɛ ɔ ti min akatua nin-ɔn.

2 Korɛntfuɛ Mun 2:12

Kɛ n juli Troas lɔ Krist i jasin fɛ bolɛ'n ti'n, e Min Nyanmiɛn'n mannin min atin kɛ n di junman'n kpa,

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

2 Korɛntfuɛ Mun 9:13

Kɛ an nian be lika sɔ'n, Krist i jasin fɛ'n bɔ an se kɛ an lafi su'n, ɔ kle kɛ an fa su kpa. Kɛ sran kpanngban bé wun i sɔ'n ɔ nin ye dan nga an yo be nin sran wie mun'n, ɔ man be ´bo Nyanmiɛn dunman.

Galasifuɛ Mun 1:7

Nanwlɛ, jasin fɛ uflɛ fi nun-man lɛ, sanngɛ sran wie'm be o lɛ be sanngan amun akunndan, yɛ be klo kɛ be ´kaci Krist i jasin fɛ'n.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

1 Timote 1:11

Kɛ be klɛli Nyanmiɛn bɔ be bo i dunman fɛ titi'n i jasin fɛ'n b'ɔ fa wlali n sa nun'n nun sɔ-ɔ.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 1:16

Man Nyanmiɛn si Onezifɔr nin i awlofuɛ'm be aunnvuɛ, afin ɔ guali min anwlɛn su nzue kpalɛ sunman. N osu nianlɛ bisua nun lɔ'n ɔ'a yo-mɛn i nyannzuɛn.

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

Hébreu 4:12

Afin Nyanmiɛn i ndɛ nga ɔ ko kan'n, wuun ɔ'a kan ɔ kaci-mɛn i, ɔ man sran'm be kaci. Sɛ e kwla se'n, wuun e ´se kɛ ɔ la tra tokofi. Ɔ wɔ ɔ wlu lele ɔ ju be wawɛ'n, nin be anwlɛn'n, nin be akpɔlɛ'n, ɔ nin be owie i klun lui'm be nun, ɔ si be klun akunndan'n, ɔ nin be klun sa'n.

1 Piɛr 4:16

Sanngɛ sɛ an wun nyrɛnnɛn Kristfuɛ bɔ an ti'n ti'n, nán man nyannzuɛn kun amun, sanngɛ an `la Nyanmiɛn ase dunman sɔ'n b'ɔ o amun su'n ti.