Rɔmfuɛ Mun 1:12 - NYANMIƐN NDƐ'N 1998

¹² Sɛ n ju amun wun lɔ bɔ e wla e wun fanngan Nyanmiɛn su bɔ e lafi'n ti'n, ɔ ´yo n fɛ dan.

Nyanmien nde Ufle

¹² Se n dyu amun wun lo bo é wla é wun fanngan Nyanmien su bo é lafi'n ti'n, oh yôh n fe dan.

Rɔmfuɛ Mun 1:12 ပူးပေါင်းရင်းမြစ်များ

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Rɔmfuɛ Mun 1:11

N klo kɛ n ´wun amun wun nan Nyanmiɛn Wawɛ'n i like nga n nyɛnnin i'n, an nyan wie nan an jran kekle.

Rɔmfuɛ Mun 1:13

Aniaan mun, m bu amun wun lɔ kɔlɛ'n i akunndan tititi, min waan m ´ba nan n ´nyan n junman'n i nuan like amun wun lɔ kɛ nyɛn i nvle kun'm be nun'n sa, sanngɛ lele ndɛ n nian nyan-man ń ti .

Rɔmfuɛ Mun 15:24

I sɔ'n ti'n kɛ n ´kɔ Ɛspanyi'n, n klo kɛ m ´bo nun amun wun lɔ nan e yi awlaloɛ kan le nnyɔn kun nan an gua min atin klanman.

Rɔmfuɛ Mun 15:32

Yɛ an `srɛ Nyanmiɛn ekun man sɛ ɔ di su'n, kɛ n ju amun wun lɔ'n, n klun `jɔ yɛ n `de wunmiɛn kan amun wun lɛ.

2 Korɛntfuɛ Mun 7:13

I sɔ'n ti'n, é wla'n gua ase. Nán kɛ e wla'n ngunmin yɛ ɔ gua ase-ɔ, sanngɛ kɛ e wun kɛ Tit klun jɔ dan'n, bɔ amun ti i anwlɛn'n tɔ nzue nun'n, ɔ man e klun jɔ dan kpa ekun.

Efɛzfuɛ Mun 4:5

E Min'n ti kun, sulafilɛ wafa nga e lafi Krist su'n ti kun, batɛm'n ti kun,

2 Timote 1:4

afin kɛ m ´bu ɔ nyinmuɛn b'ɔ guali'n i akunndan'n, min wla lo wɔ kpa, sɛ n wun wɔ-ɔ ɔ ´yo n fɛ.

Tite 1:4

Ɔ man n ´klɛ fluwa nga blɛ wɔ Tit bɔ a ti ń wa sakpa'n, yɛlɛ kɛ Nyanmiɛn kunngba'n su yɛ e nnyɔn'n e lafi-ɔ. Man e Si Nyanmiɛn nin e Defuɛ Krist-Jésus be man a nyan ye, yɛ man ɔ́ wun jɔ wɔ fɔuun !

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

2 Jean 1:4

Kɛ n wunnin kɛ ɔ mma'm be nun wie'm be fa ndɛ nga e Si kan kleli ye'n su, bɔ be ti nanwlɛfuɛ titi'n, n klun jɔ dan kpa.

Jude 1:3

N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.