Rɔmfuɛ Mun 1:1 - NYANMIƐN NDƐ'N 1998

¹ M Pɔl, n ti Krist-Jésus i sran. Nyanmiɛn flɛli min kɛ ɔ ´sunman min. Ɔ yili min kɛ m bo i jasin fɛ'n

Nyanmien nde Ufle

¹ M Paul, n ti Christ-Jésus i swran. Nyanmien flee min ke o sunman min. O yii min ke m bô i dyasin fe'n

Rɔmfuɛ Mun 1:1 ပူးပေါင်းရင်းမြစ်များ

1 Be Nyoliɛ 23:13

Amram wuli Aarɔn nin Moiz. Be sieli Aarɔn nin i osu'n nunfuɛ'm be kwlaa be ngunmin kɛ be `di junman Nyanmiɛn i sua'n i lika kpa tra su'n nun tititi, nan be yi sraka nga be yra ansans be man Anannganman'n, nan be su i, nan i sin be fɛ i dunman'n be yra sran'm be nguan.

Ezai 49:1

Amun nga amun tran lika nga be o jenvie nuan mmua lɔ'n, amun `tie ndɛ nga n kan'n! Amun nga amun tran mmua-mmua lɔ'n, amun `sie amún su kpa! Kɛ n tɛ o mín nin klun lɔ'n, yɛ Anannganman flɛli min-ɔn. Kɛ n fin mín nin klun n fiteli cɛ'n, yɛ ɔ boli min dunman-an.

Zeremi 1:5

«N si wɔ kwlaa nan m'an siesie wɔ ɔ́ nin klun lɔ. N fali wɔ n sieli i ngunmin kwlaa nan b'a wu wɔ. N dun mmua n sieli wɔ kɛ a ijɔ mín nuan kle nvle-nvle mun .»

Marc 1:14

Kɛ be wlali Zan bisua'n, i sin Jésus ɔli Galile mɛn'n nun. Ɔ kan Nyanmiɛn i jasin fɛ'n,

Jean 12:26

Sran nga i waan ɔ ´su min'n, man ɔ su n su, yɛ lika nga n wo nun'n, n sran sɔ'n ɔ ´tran lɔ wie. N Si ´bu sran ng'ɔ su min'n i sran.»

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Jean 15:20

An `bu ndɛ nga n kan kleli amun'n i akunndan. N seli amun kɛ: ‹Sran b'ɔ su sran'n ti-man kpa trɛ-mɛn i min'n›. Sɛ be kleli n yalɛ'n, be ´kle amun yalɛ wie, sɛ be fa min ndɛ'n su'n, be ´fa amun liɛ'n su wie.

Sa nga bé yôli'n 13:9

Yɛ Sɔl bɔ be flɛ i ekun kɛ Pɔl'n, bɔ Nyanmiɛn Wawɛ'n sie i'n, ɔ niɛnnin i siin,

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 21:40

Sonja akpi su kpɛn'n ɔ mɛnnin i atin. Kɛ Pɔl jin asikalie'n su lɛ'n, ɔ mɛnnin i sa'n su, kɛ be guali bliin'n, ɔ seli be Ebre aniɛn nun kɛ:

Sa nga bé yôli'n 22:21

Yɛ ɔ seli n kɛ: ‹Kɔ, m ma sunman wɔ mmua be bɔ be ti-man Zuif'n bé sin.› »

Sa nga bé yôli'n 22:7

N tɔli yɛ n tili sran kun nɛn, sran sɔ'n se kɛ: ‹?Sɔl, Sɔl, nguɛ ti yɛ a kle n yalɛ sɔ-ɔ?›

Sa nga bé yôli'n 26:1

Agripa seli Pɔl kɛ: «Kan ɔ ndɛ'n.» Yɛ Pɔl ´kpɛn lɛ ɔ wlɛ i nuan i ndɛ'n nun kan-an, ɔ seli kɛ:

Sa nga bé yôli'n 26:14

E kwlaa e finnin ase, yɛ n tili sran kun nɛn, sran sɔ'n seli min Ebre nun kɛ: ‹?Sɔl, Sɔl, nguɛ ti yɛ a kle n yalɛ sɔ-ɔ? A su kle ɔ wun yalɛ ngbɛn kɛ nannin b'ɔ kpɛntɛn i ja si waka piembie bɔ i kankanfuɛ'n fa kɛnkɛn i'n sa.›

Sa nga bé yôli'n 27:23

Nyanmiɛn bɔ n ti i liɛ bɔ n su i'n, i anz kun bali min wun ndɛ kɔnguɛ yɛ ɔ seli min kɛ:

Sa nga bé yôli'n 9:15

Sanngɛ e Min'n seli i kɛ: «Kɔ, afin bian sɔ'n, m'an fɛ i kɛ ɔ di n junman'n, nan ɔ bo n dunman'n nvle wie'm be nun famiɛn mun nin Izraɛlfuɛ'm be nyrun,

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

Rɔmfuɛ Mun 11:13

Amun bɔ amun osu'n ti-man Zuif'n, amun yɛ n kan ndɛ nga kle amun-ɔn. Nyanmiɛn sunmannin min be bɔ be ti-man Zuif'n bé sin, yɛ n fa junman sɔ'n di min nuan.

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 15:29

N si kɛ sɛ n ju amun wun lɔ'n, amun ´wun kɛ Krist jin ń sin dan.

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

1 Korɛntfuɛ Mun 1:1

M Pɔl bɔ Nyanmiɛn flɛli min yɛlɛ kɛ ɔ klo kɛ Krist-Jésus ´sunman min'n, min nin e niaan Sɔstɛni

1 Korɛntfuɛ Mun 9:1

?N di-man min tiaun? ?Krist a sunman-man min? ?M'an wun-man e Min Jésus? ?Nán amun yɛ an ti e Min'n i junman bɔ n di'n i nun like nin-ɔn?

2 Korɛntfuɛ Mun 1:1

M Pɔl bɔ Nyanmiɛn klo kɛ Krist-Jésus sunman min'n, min nin e niaan Timote e ´klɛ fluwa nga blɛ amun bɔ an ti Nyanmiɛn i asɔnunfuɛ Korɛnt lɔ'n, ɔ nin be kwlaa bɔ b'a kaci Nyanmiɛn liɛ Akai akpasua wunmuan su'n.

2 Korɛntfuɛ Mun 11:5

Amun sran kpakpa bɔ an bu be kɛ Nyanmiɛn yɛ ɔ sunmannin be'n, min nyrun be ti-man kpa tra-man min mlɔnmlɔn.

2 Korɛntfuɛ Mun 11:7

Kɛ ɔ ko yo nan amu'an yo kpa'n ti, m'an bu-man min wun like fi, kɛ m bo jasin fɛ'n kleli amun'n, m'an de-man amun like fi. ?Kɛ n yo sɔ'n, sa tɛ yɛ n yoli-ɔ?

2 Korɛntfuɛ Mun 12:11

Sɛ n ijɔ kɛ luflefuɛ sa'n, amun yɛ man n yoli sɔ-ɔ, afin an kpi n dunman ase. Sɛ n ti-man sran amun nyrun bɔbɔ'n, amun sran kpakpa bɔ an bu be kɛ Jésus yɛ ɔ sunmannin be'n, be ti-man kpa tra-man min.

2 Korɛntfuɛ Mun 2:12

Kɛ n juli Troas lɔ Krist i jasin fɛ bolɛ'n ti'n, e Min Nyanmiɛn'n mannin min atin kɛ n di junman'n kpa,

2 Korɛntfuɛ Mun 4:5

E kan-man e bɔbɔ é wun ndɛ, Krist-Jésus b'ɔ ti e Min'n i ndɛ yɛ e kan-an, i ti e ti amun akua.

Galasifuɛ Mun 1:1

M Pɔl, Jésus-Krist nin e Si Nyanmiɛn b'ɔ cɛnnin i'n be sunmannin min. N sunmanlɛ sɔ'n fin-man sran, yɛ nán sran fi yɛ ɔ sieli n sɔ-ɔ.

Efɛzfuɛ Mun 1:1

M Pɔl yɛ n klɛ fluwa nga blɛ amun bɔ an wo Efɛz lɔ mun-ɔn. Ɔ ti amun bɔ an ti Kristfuɛ bɔ amun nin Krist-Jésus amu'an kaci sran wunmuan'n bɔ amun nin i nanti kpa'n amun liɛ. Krist-Jésus sunmannin min yɛ n sunmanlɛ sɔ'n ti Nyanmiɛn klun su.

Efɛzfuɛ Mun 1:13

Amun kusu, kɛ an tili jasin fɛ'n b'ɔ ti nanwlɛ'n, b'ɔ man amun kwla nyan amún ti'n, an lafili Krist su. Kɛ amun nin i amu'an kaci sran wunmuan'n ti, Nyanmiɛn fɛli i Wawɛ'n b'ɔ kɛn i ndɛ'n mannin amun b'ɔ kle kɛ an ti i liɛ mlɔnmlɔn.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Filipfuɛ Mun 1:1

M Pɔl, min nin Timote bɔ e ti Krist-Jésus i sran'n, e yɛ e klɛ fluwa nga blɛ amun kwlaa bɔ an ti Nyanmiɛn sran bɔ amun nin Krist-Jésus amu'an kaci sran wunmuan'n, nin asɔnun i sunianfuɛ mun, nin asɔnunfuɛ'm be lika nianfuɛ'm bɔ an wo Filip lɔ mun-ɔn.

Filipfuɛ Mun 2:11

yɛ ɔ `fite be kwlaa bé nuan kɛ Jésus-Krist ti be Min, nan e Si Nyanmiɛn'n `nyan nyrun .

Kolɔsfuɛ Mun 1:1

M Pɔl bɔ Nyanmiɛn klo kɛ Krist-Jésus sunman min'n, min nin e niaan Timote

Kolɔsfuɛ Mun 1:25

Nyanmiɛn fa min sieli Asɔnun i junman difuɛ nan n `kɛn i ndɛ'n kwlakwla kle amun.

1 Tɛsalonikfuɛ Mun 2:2

An si kɛ be kleli ye nyrɛnnɛn, be yoli ye finfin Filip lɔ. Kɛ e juli amun wun lɔ'n, e fɛli dan kpa ekun, sanngɛ Nyanmiɛn man e tra e anwlɛn e kɛnnin i jasin fɛ'n kleli amun.

1 Tɛsalonikfuɛ Mun 2:8

Klolɛ bɔ e fa klo amun'n ti, nán Nyanmiɛn jasin fɛ'n ngunmin yɛ e fa mannin amun-ɔn, sanngɛ sɛ e fa e bɔbɔ e wun nannannin su'n, ɔ ti kpa, afin e fali amun sieli e anwlɛn su.

1 Tɛsalonikfuɛ Mun 2:9

Aniaan mun, amun wla fi-man e junman'n nin ye afɛ'n su, afin kɛ e ´bo Nyanmiɛn i jasin fɛ'n kle amun'n, kɛ e ko yo nan y'a kaci-man trɔ amun ti su'n, e di junman wia nun nin kɔnguɛ.

1 Timote 1:1

M Pɔl bɔ e Defuɛ Nyanmiɛn man Krist-Jésus bɔ e fa é wla guɛ i su'n ɔ sunmannin min'n,

1 Timote 2:7

Ɔ sieli min kɛ n kan ndɛ sɔ'n, yɛ ɔ sunmannin min kɛ n kan ndɛ nanwlɛ'n nin i sulafilɛ ndɛ'n kle be bɔ be ti-man Zuif'n. Nanwlɛ'n yɛ n di-ɔ, m bua-man ato.

2 Timote 1:11

Jasin fɛ'n i kanlɛ nin i klelɛ ti yɛ Nyanmiɛn fali min, yɛ ɔ sunmannin min-ɔn.

Tite 1:1

M Pɔl n ti Nyanmiɛn i sran bɔ Jésus-Krist sunmannin min kɛ n uka be nga Nyanmiɛn kpali be'n man be lafi i su kpa, yɛ be wun ndɛ nanwlɛ nga be bɔ be nyin yi Nyanmiɛn'n be si i'n i wlɛ kpa

Hébreu 5:4

Sran fi jao se-man kɛ ɔ kunndɛ dunman kɛ be fɛ sie i Nyanmiɛn nyrun jranfuɛ'm be su kpɛn, Nyanmiɛn bɔbɔ yɛ ɔ flɛ sran kɛ be sie i i nyrun jranfuɛ'm be su kpɛn kɛ ɔ flɛli Aarɔn'n sa.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

Jacques 1:1

N Zak bɔ n ti Nyanmiɛn nin e Min Jésus-Krist be sran'n, n ´yo nvle blu-nin-nnyɔn bɔ b'a sanndi mɛn wunmuan nun'n be like.

1 Piɛr 4:17

Cɛn nga be ´bo jɔlɛ dilɛ'n bo'n ɔ'a ju, be ´bo i bo Nyanmiɛn bɔbɔ i awlo'n nun. ?Sɛ e su yɛ be ´bo i bo'n, be nga be fa-man Nyanmiɛn jasin fɛ'n su'n, be liɛ'n ´yo sɛ?

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

Jude 1:1

Amun bɔ e Si Nyanmiɛn flɛli amun'n, b'ɔ klo amun titi'n, b'ɔ fa amun sieli Jésus-Krist'n, min Zid bɔ n ti Jésus-Krist i sran'n nin Zak niaan'n, n ´klɛ fluwa nga'n blɛ amun.

Sa nglô yile 1:1

Fluwa nga nun be kan sa nga ɔ cɛ kaan be wa yo'n, bɔ Nyanmiɛn fa wlali Jésus-Krist sa nun kɛ ɔ fa kle i sran mun'n i ndɛ. Krist sunmɛnnin i anz'n, ɔ wa yili be nglo kleli Zan b'ɔ ti i sran'n.

Sa nglô yile 22:6

Anz'n seli min kɛ: «Ndɛ sɔ'm be ti nanwlɛ, be kwla fa su. E Min Nyanmiɛn b'ɔ fɛ i Wawɛ'n mɛnnin i nuan ijɔfuɛ mun'n, ɔ sunmɛnnin i anz'n kɛ ɔ wa kan sa ng'ɔ wa ju icra'n kle i sran mun.»

Sa nglô yile 22:9

Sanngɛ ɔ seli min kɛ: «Nán yo sɔ! Wɔ nin ɔ niaan nga be ti Nyanmiɛn nuan ijɔfuɛ'n, ɔ nin be nga be fa fluwa nga nun ndɛ'n su'n, n ti amun wiengu junman difuɛ. Manman Nyanmiɛn!»