Filemɔn 1:7 - NYANMIƐN NDƐ'N 1998

⁷ N niaan bian, klolɛ nga a fa klo be'n ti'n, ɔ man ń wla gua ase yɛ n klun jɔ dan, afin wɔ man Nyanmiɛn i sran'm be anwlɛn tɔ nzue nun.

Nyanmien nde Ufle

⁷ N niaan bian, klôle nga a fa klô bé'n ti, o man n wla gua asé, n klun dyo dan, afin w'o man Nyanmien swran'm bé awlen to nzué nun.

Filemɔn 1:7 ပူးပေါင်းရင်းမြစ်များ

1 Korɛntfuɛ Mun 16:18

ɔ man n wla a gua ase, yɛ amun kusu amun liɛ'n guali ase. I sɔ'n ti'n, an `bu sran nga be ti kɛ be sa'm be sran.

2 Korɛntfuɛ Mun 7:13

I sɔ'n ti'n, é wla'n gua ase. Nán kɛ e wla'n ngunmin yɛ ɔ gua ase-ɔ, sanngɛ kɛ e wun kɛ Tit klun jɔ dan'n, bɔ amun ti i anwlɛn'n tɔ nzue nun'n, ɔ man e klun jɔ dan kpa ekun.

2 Korɛntfuɛ Mun 7:4

N wla wo amun su kpa, n fa amun di min nuan kpa. Sa ng'ɔ tɔ e su'n, i kwlaa nun Nyanmiɛn cici n wla, n klun jɔ dan.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

1 Tɛsalonikfuɛ Mun 2:19

?Sɛ e Min Jésus ´ba bɔ e ´jrɛn i nyrun'n, nzu su yɛ e ´fa é wla gua-a? ?Nguɛ yɛ man e klun ´jɔ-ɔ? ?Nzu yɛ ɔ kle kɛ e kwlali bɔ e ´fa di e nuan-an? ?Nán amun-ɔn?

1 Tɛsalonikfuɛ Mun 3:9

Kɛ Nyanmiɛn wun kɛ amun ti e klun jɔ dan kpa'n, e wun-man asenna kun nga e `fa lɛ i-ɔ.

2 Timote 1:16

Man Nyanmiɛn si Onezifɔr nin i awlofuɛ'm be aunnvuɛ, afin ɔ guali min anwlɛn su nzue kpalɛ sunman. N osu nianlɛ bisua nun lɔ'n ɔ'a yo-mɛn i nyannzuɛn.

Filemɔn 1:20

N niaan bian, sran wunmuan bɔ a nin e Min'n ti'n ti, n ´srɛ wɔ kɛ a yo n ye, man ń wla gua ase Krist liɛ bɔ e ti'n ti.

2 Jean 1:4

Kɛ n wunnin kɛ ɔ mma'm be nun wie'm be fa ndɛ nga e Si kan kleli ye'n su, bɔ be ti nanwlɛfuɛ titi'n, n klun jɔ dan kpa.