Nyanndra Mun 9:1 - NYANMIƐN NDƐ'N 1998

¹ Akunndan'n ɔ kplɛnnin i sua, ɔ siesieli sua sɔ'n i ja nso.

Nyanndra Mun 9:1 ပူးပေါင်းရင်းမြစ်များ

1 Famiɛn Mun 7:21

Ɔ kplannin sua ja mlomlo sɔ nnyɔn mun Nyanmiɛn i sua'n i ala'n i nyrun lɛ. Kun o fama su, be flɛ i kɛ Zakim, i bo'n yɛlɛ kɛ: «Nyanmiɛn ɔ man wunmiɛn.» Yɛ kun'n wo bɛ su, be flɛ i kɛ Bɔaz, i bo'n yɛlɛ kɛ: «Nyanmiɛn i nun yɛ wunmiɛn'n wo-ɔ».

1 Famiɛn Mun 7:6

I sin be yoli lika gbaun nga be flɛ i kɛ Sua Ja'm Be Sua'n. I tɛnndɛn nun'n ti mɛtri ablaɔn-nin-nnun, yɛ i tɛtrɛ nun'n ti mɛtri blu-nin-nnun. Ɔ ti kɛ ala sa. Ɔ lɛ kofiaja mun, yɛ be yoli like kun be fa kpɛli i nyin nglo lɔ, ɔ o Liban Bo'n i nyrun.

Nyanndra Mun 1:20

Sɛ akunndan'n ti sran'n, wuun n ´se kɛ ɔ kpan mmuɛ'm be nun sin. Ɔ kpan sin, ɔ lɛ-man anyia lika kun nga be ti-mɛn i aniɛn'n nun-ɔn.

Nyanndra Mun 2:1

Mín wa, like nga n kle wɔ'n, sɛ be ka ɔ klun'n, like nga min waan a yo be'n, nán ɔ́ wla fi be su,

Nyanndra Mun 24:3

Akunndan'n yɛ be fa kplan sua-a. Ngwlɛlɛ'n kusu yɛ man ɔ jran-an.

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Nyanndra Mun 8:1

Sɛ Akunndan'n ti sran'n, wuun n ´se kɛ ɔ kpan, ngwlɛlɛ'n kan ndɛ. ?Amun ti-man?

Ezai 55:1

Amun kwlaa nga nzue we kun amun'n, amun `bla, nzue o wa! Kannzɛ bɔ sika nun-man amún sa nun o, amun bla be wa fa like be di, be yi-man nun dein. Amun bla be wa fa nzan nin nɔnnɔn, sika fite-man nun, be to-man .

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Galasifuɛ Mun 2:9

Kɛ Zak, nin Sefas, ɔ nin Zan bɔ be tra Asɔnun nun'n be wunnin kɛ Nyanmiɛn bu n sran ɔ fa min sieli junman sɔ'n su'n, be sunmannin min nin Barnabas e nun, ɔ man e wunnin kɛ e nɛn sɛli su kɛ e wɔ be nga be ti-man Zuif'n bé sin nan be kusu be ´kɔ be nga be wla klɛn'n bé sin.

1 Timote 3:15

Sanngɛ sɛ m'an kwla ɔ-man icra'n, fluwa nga nun ndɛ'n ɔ ´yo man a ´si sa nga a ´yo i Nyanmiɛn i awlo'n nun'n. Awlo sɔ'n yɛlɛ Nyanmiɛn b'ɔ lafi-man'n i Asɔnun'n. Sɛ nanwlɛ'n ti sua'n, wuun Asɔnun'n ti i kuatrɛn nin i kofiaja.

Sa nglô yile 3:12

Sran ng'ɔ kwla'n, n ´fɛ i n yo min Nyanmiɛn i sua'n i kuatrɛn'n kun, be su kaci-mɛn i. Min Nyanmiɛn i dunman'n nin min Nyanmiɛn i klɔ Zerizalɛm uflɛ b'ɔ fin i wun nyanmiɛn su lɔ jra'n i dunman'n, ɔ nin m bɔbɔ n dunman uflɛ'n, n ´fa be n ´klɛ i wun .