Nyanndra Mun 8:24 - NYANMIƐN NDƐ'N 1998

²⁴ Kɛ min nyinma'n ´wun nyanmiɛn wun'n, wuun be si-man like ng'ɔ suan jenvie'n, wuun nzue nyinma kaan sa nun-man lɛ mlɔnmlɔn.

Nyanndra Mun 8:24 ပူးပေါင်းရင်းမြစ်များ

Bo Bolɛ 1:2

I blɛ sɔ nun'n, wuun asiɛ'n ti sukusuku, like fi nun-man su, aosin tritri kpa o nzue bunman dan'n i nyin su, yɛ Nyanmiɛn i Wawɛ'n wlan-wlan sin nzue'n i nyin su.

Zɔb I Nyrɛnnɛn Wunlɛ 38:16

?W'a ɔ jenvie i bo'n su lɔ le? ?W'a ko wlan-wlan kunman bɔ be si-mɛn i bo'n i bo lɔ le?

Jue Mun 2:7

Nyanmiɛn i sran ng'ɔ sieli i famiɛn'n waan: «Amun `jran man m bo Anannganman i ndɛ b'ɔ fin i nuan fiteli'n i jɔ ke! Ɔ seli min kɛ yo: ‹A ti n wa! Ndɛkɛn yɛ n wuli wɔ-ɔ .

Ezipt Lɔ Tulɛ'n 15:5

Be mlɔnnin nzue'n nun piɔɔ kpa kɛ yɛbuɛ wie mun sa, kpɛkuun nzue'n katali bé su sa kplu.

Nyanndra Mun 3:20

I sa silɛ'n yɛ ɔ fa tikeli asiɛ'n i bo lɔ nzue'n i nyinma mun-ɔn, i yɛ man nyanmiɛn'n gua bɔlɛ'n i ase-ɔ.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Jean 5:20

Afin i Si'n klo i, yɛ ɔ kle i like nga i bɔbɔ yo'n i kwlaa. Ɔ wa kle i like ng'ɔ ´yo'n bɔ i dan ´tra nga nan ɔ `bo amún nuan.

Hébreu 1:5

?Afin anz'm be nun onin yɛ Nyanmiɛn seli i kɛ: «A ti n wa, ndɛkɛn m'an kaci ɔ si-ɔ?» ?Yɛ be nun onin ekun yɛ ɔ kɛn i ndɛ kɛ: «N ´yo i si, yɛ i kusu ɔ ´yo n wa-a ?»

1 Jean 4:9

An `nian kɛ klolɛ nga Nyanmiɛn fa klo ye'n i nyin fiteli dan-an: ɔ sunmɛnnin i Wa kunngba'n mɛn'n nun nan e `nyan nguan.