Nyanndra Mun 8:23 - NYANMIƐN NDƐ'N 1998

²³ Ɔ fali min sieli i lɛ lalaa kpa, ɔ fali min sieli ka nan mɛn'n ɔ'a bo i bo .

Nyanndra Mun 8:23 ပူးပေါင်းရင်းမြစ်များ

Bo Bolɛ 1:26

Yɛ Nyanmiɛn seli kɛ: «E `yi sran kɛ e bɔbɔ sa cɛ, man ɔ fa e, man ɔ sie jenvie'n nun jue mun nin anunman nga be tu sin'n, nin klɔ nnɛn mun, nin asiɛ'n su nnɛn'm be kwlaa, ɔ nin nnɛn nga be cuɛn be wun ase'n mun .»

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Nyanndra Mun 4:7

Akunndan'n i bo bowlɛ'n yɛ. Tu ɔ́ nyin wɔ akunndan'n. Like kwlaa ng'ɔ o ɔ́ sa nun'n, fa kpɛ ngwlɛlɛ'n i wun atin.

Mise 5:1

Anannganman kan ndɛ kleli Bɛtleɛm-Efrata, ɔ seli kɛ: «Bɛtleɛm-Efrata, wɔ bɔ a ti Zida akpasua'n be nun kaan kpa'n, ɔ su lɔ yɛ sran ng'ɔ ko sie Izraɛl'n ɔ ´fin fite-ɔ. Sran sɔ'n i afiliɛ'n fin lalafuɛ nun, ɔ ti adudua .»

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Jean 1:1

Ndɛ'n wo lɛ lalaa i sin nan Nyanmiɛn a bo ninnge'm be yilɛ bo, Ndɛ'n nin Nyanmiɛn be o lɛ, Ndɛ sɔ'n ti Nyanmiɛn.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 17:5

I sɔ'n ti siɛn'n, min Si, nyrun nga kɛ n wo ɔ wun lɔ'n n lɛ i'n nan w'a yi mɛn'n, man n nyan nyrun kunngba sɔ'n ɔ wun lɔ ekun.