Nyanndra Mun 8:21 - NYANMIƐN NDƐ'N 1998

²¹ Kɛ n ´nanti sɔ'n, n yo be nga be klo min'n be ye. N yo be ye, be nyan bé wun kpa.

Nyanndra Mun 8:21 ပူးပေါင်းရင်းမြစ်များ

Bo Bolɛ 15:14

Sanngɛ n ´tu i sɔ nvle liɛ nga be ´fa wɔ anunman'm be ´yo be akua'n be fɔ. Kɛ be ´jaso lɛ be ´kɔ'n, be ´nyan ninnge kpanngban.

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Nyanndra Mun 1:13

E yo sɔ nan e nyan ninnge kpakpa wafa'n kwlaa'n e `fa sie é sin é sua'm be nun.

Nyanndra Mun 10:22

Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Nyanndra Mun 15:6

Sran ng'ɔ di nanwlɛ'n, ninnge'm be sin yiɛ i. Sran nga kusu b'ɔ di-man nanwlɛ'n, ndɛnngan'n sin yiɛ i.

Nyanndra Mun 21:20

Sran ng'ɔ ti akunndanfuɛ'n, be wlu i awlo-ɔ bé wun ninnge kpakpa wafa-wafa'n kwlaa, sanngɛ sran ng'ɔ wun-man sa wlɛ'n, ɔ saci i wun ninnge'm be kwlaa.

Nyanndra Mun 24:4

Ngwlɛlɛ'n yɛ man be fa ninnge kpakpa nga be yo nyɛnmɛn'n be siesie nun-ɔn.

Nyanndra Mun 6:31

Sanngɛ sɛ be trɛ i-ɔ, like ng'ɔ fali'n san ɔ ´yi i wunsu sɔ kpɛ nso ɔ ´mɛn i fuɛ'n. Sɛ ɔ wie kɛ ɔ `yi i sua'n nun ninnge'n kwlaa man-an, san ɔ ´yi be man.

Nyanndra Mun 8:18

Anyanbeun nin anyrunnyan'n, min yɛ m man-an. Ninnge kpakpa nga be cɛ'n, ɔ nin muae'n, min yɛ m man-an .

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

Hébreu 10:34

Afin an wun bisuafuɛ'm be aunnvuɛ. Kɛ sran'm be ´de amun ninnge mun amún sa nun'n, amun nin be a kpli-man, sanngɛ amun klun jɔli su, afin an si kɛ an lɛ ninnge wie bɔ be ti kpa tra nga lɛ'n, bɔ be ´ka lɛ tititi.

1 Piɛr 1:4

Ɔ wuli ye sɔ nan e `nyan like kpa ng'ɔ sieli i nyanmiɛn su lɔ'n. Like sɔ'n kwla saci-man, ɔ yo-man fiɛn, yɛ ɔ mlin-man.

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .

1 Samiɛl 2:8

Nyrɛnnɛnfuɛ ng'ɔ la ndutre nun'n, ɔ nin yalɛfuɛ ng'ɔ o kan be gua wla lɛ'n, ɔ kuku be lɛ, kpɛkuun ɔ man be nin sran dandan'm be tran likawlɛ bia kpakpa'm be su. Afin sɛ n kwla ´se'n, asiɛ'n i ja'm be ti Anannganman'n liɛ. I yɛ ɔ fali mɛn'n takali su-ɔ.