Nyanndra Mun 8:15 - NYANMIƐN NDƐ'N 1998

¹⁵ Famiɛn'm be mɛn sielɛ'n, ɔ fin min. Nanwlɛ nga wlengbi'm be di'n, ɔ fin min.

Nyanndra Mun 8:15 ပူးပေါင်းရင်းမြစ်များ

1 Famiɛn Mun 10:9

Anannganman ɔ Nyanmiɛn'n, bɔ ɔ́ wun yoli i fɛ b'ɔ kpali wɔ kɛ a yo Izraɛl famiɛn'n, n ´yo i mo. Anannganman i klolɛ ng'ɔ fa klo Izraɛlfuɛ mun'n, ɔ lɛ-man awieliɛ. I ti yɛ ɔ fali wɔ sieli famiɛn kɛ ɔ ´yo nan ɔ'a di sran'm be jɔlɛ kɛ ɔ fata sa'n ti.»

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

1 Famiɛn Mun 5:7

Salomɔn i prefe blu-nin-nnyɔn mun, be yɛ be mɛn i aliɛ ng'ɔ nin i awlofuɛ'm be di nin-ɔn. Prefe kun man like anglo kun, prefe kun man like anglo kun. Kɛ ɔ ko to sran kun'n, i wafa ng'ɔ ko yo nan ninnge'n kwlakwla ti ɔ'a yia'n yɛ ɔ yo-ɔ.

1 Be Nyoliɛ 28:5

Anannganman mannin min ba kpanngban. Ba sɔ'm be nun'n, ɔ kpali min wa Salomɔn kɛ ɔ tran Izraɛl b'ɔ ti i bɔbɔ Anannganman i nvle'n i famiɛn bia'n su.

2 Be Nyoliɛ 1:10

I ti nga n ´usa'n yɛlɛ kɛ a man min ngwlɛlɛ ɔ nin akunndan bɔ be fa wun sa'm be wlɛ'n kɛ ɔ ´yo nan m'an sie nvle sɔ'n ti. Sɛ ɔ'a yo-man sɔ-ɔ, sran kun kwla sie-man ɔ nvle'n, afin ɔ ti dan. N waan a man min akunndan bɔ be fa wun sa'm be wlɛ'n ekun.»

2 Be Nyoliɛ 1:11

Nyanmiɛn seli Salomɔn kɛ: «A usa-man anyanbeun nin anyrunnyan. A usa-man kɛ ɔ kpɔfuɛ'm be wu. I kpa'n bɔ, a usa-man kɛ ɔ nguan nyanman'n yo tɛnndɛn'n. Kɛ bɔ nga a usali'n yɛlɛ ngwlɛlɛ ɔ nin akunndan nga be fa wun sa'm be wlɛ'n nga a ko fa ko sie min nvle bɔ n fa wɔ n sieli su'n,

Jue Mun 2:10

I ti'n, famiɛn mun, amun `yo ngwlɛlɛfuɛ. Asiɛ'n su jɔlɛ difuɛ mun, amun `jran man be man amun afɔtuɛ.

Jue Mun 99:4

Man be manman famiɛn'n b'ɔ kwla'n, b'ɔ klo nanwlɛ dilɛ'n. Wɔ yɛ a sieli mmla ng'ɔ ti bɔ e nanti su nin-ɔn. Wɔ yɛ a sieli ndɛ siesielɛ'n i wafa'n nin sa nuan su yolɛ'n Izraɛl mɛn'n nun-ɔn.

Nyanndra Mun 29:4

Sɛ famiɛn kun ɔ yo sa i nuan su'n, yɛ i mɛn'n kɔ i nyrun-ɔn. Sɛ lapo nga i waan i sran'm be su'n ɔ cɛnnin'n, ɔ saci mɛn'n.

Nyanndra Mun 8:16

Ngbɛn'm be klɔ sielɛ'n, ɔ fin min.

Ezai 1:26

N ´yo man amun jɔlɛ difuɛ'm be ´yo kɛ laa liɛ'm be sa, yɛ n ´yo man famiɛn'n i afɔtuɛ manfuɛ'm be kusu be ´yo kɛ be nga be o lɛ laa'n be sa. Kpɛkuun be ´flɛ amun klɔ'n kɛ Klɔ bɔ be yo sa i nuan su nun'n, nin Nanwlɛ Klɔ.

Zeremi 33:15

I blɛ sɔ nun'n, n ´yo man David i anunman kpa nanwlɛ su kun ɔ wa jaso i osu nun. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun .

Daniɛl 2:21

I yɛ ɔ kaci blɛ'n nin sa nga be ju mun-ɔn, i yɛ ɔ yi famiɛn mun bia'n su-ɔ, i yɛ ɔ fa famiɛn mun sie bia'n su-ɔ. I yɛ ɔ man sa sifuɛ'm be akunndan nin-ɔn, i yɛ ɔ man ngwlɛlɛfuɛ'm be wun sa'm be wlɛ nin-ɔn.

Daniɛl 4:25

Sa nga be boli be su kleli Nɛbikadnɛzar, be kwlaa bé nuan yiali kpan.

Daniɛl 4:32

Mɛn'n nun sran'm be kwlaa be ti-man like fi i nyrun. Like ng'ɔ klo kɛ ɔ ´fa yo asiɛ'n su wa sran mun nin nglo lɔ anz mun'n yɛ ɔ fa yo be-ɔ. Sran fi nun-man lɛ b'ɔ kwla jrɛn i annzɛ ɔ usɛ i kosan kɛ: ‹?Nzu ti yɛ a yo sɔ-ɔ?›

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Rɔmfuɛ Mun 13:1

Man sran'm be kwlaa bé nyin yi ngbɛn-ngbɛn mun, afin sran fi kwla di-man kpɛnngbɛn bɔ nán Nyanmiɛn yɛ ɔ sieli i-ɔ. Yɛ be nga be o lɛ ndɛ bɔbɔ'n, Nyanmiɛn yɛ ɔ sieli be-ɔ .

Sa nglô yile 19:11

Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»

1 Samiɛl 16:1

Anannganman seli Samiɛl kɛ: «?Sail ti a su yaci-man kokolɛ'n? N yili i ase wieli. Ɔ su yo-man Izraɛl famiɛn kun. Fa ɔ nnɛn wɛ'n, gua nun ngo nan kɔ Izai ng'ɔ o Bɛtleɛm i wun lɔ. I wa'm be nun kun yɛ m'an fɛ i kɛ ɔ wa yo famiɛn nin-ɔn.»

1 Samiɛl 9:17

Kɛ Samiɛl wunnin Sail'n, Anannganman seli i kɛ: «Sran nga n seli wɔ kɛ ɔ ´sie min nvle'n yɛ ɔ o yɛ.»