Nyanndra Mun 8:12 - NYANMIƐN NDƐ'N 1998

¹² M bɔbɔ min akunndan, like nga m'an wun be'n be sɔnnin. N si kan n ´ko sin nan m'an si akunndan bu'n.

Nyanndra Mun 8:12 ပူးပေါင်းရင်းမြစ်များ

1 Be Nyoliɛ 28:12

Anannganman i sua'n i awlo klun'n bɔ David waan ɔ ´siesie be'n, ɔ fali be jajalɛ b'ɔ o fluwa su'n mannin Salomɔn. Sua ba nga i waan ɔ ´yo be awlo klun lɔ nan ɔ ´fa Nyanmiɛn i ninnge kpakpa mun nin ninnge nga be fa blɛ Nyanmiɛn'n ɔ ´gua nun'n, ɔ fali bé wun fluwa'n mannin Salomɔn ekun.

1 Be Nyoliɛ 28:19

David waan: «Ninnge'm be jajalɛ nin be wafa kwlaa nga be o lɛ'n, Anannganman yɛ ɔ klekleli min yɛ n klɛli-ɔ. Yɛ i bɔbɔ Anannganman'n yɛ man n wunnin i kplanwlɛ wafa'n kwlaa i wlɛ-ɔ.»

2 Be Nyoliɛ 13:14

Kɛ Zida sonja'm be kpɛli bé nyin'n, be wunnin kɛ be kpɔfuɛ wie'm be o bé sin lɔ. Kɛ b'ɔ yoli kɛ be nin be nyrun wafuɛ'm be ´kun nan be nin bé sin lɔfuɛ'm b'a kun'n, be kpan flɛli Anannganman, kpɛkuun Nyanmiɛn nyrun jranfuɛ'm be boli awɛ'n.

Jue Mun 104:24

Ee Anannganman, junman nga a di be'n, be sɔnnin o! Ngwlɛlɛ nga a fa yoli i kwlakwla sɔ'n ɔ cɛnnin o! Ɔ sa nuan ninnge'n ɔ'a yi asiɛ'n.

Ezipt Lɔ Tulɛ'n 35:30

Moiz seli Izraɛlfuɛ'm be kɛ: «Amun `nian, Anannganman kpali Bɛzaleɛl, b'ɔ fin Zida akpasua'n su'n, Iri i wa-a, yɛ ɔ ti Ir i anunman.

Nyanndra Mun 1:4

I waan ɔ ´bu i sɔ nan be nga be si-man sa'n, b'a si like ng'ɔ ti kpa'n annzɛ ng'ɔ ti tɛ'n, nan gbanflɛn'm b'a si sa, nan b'a si akunndan bulɛ'n i wun atin'n.

Nyanndra Mun 8:5

Ambɛfuɛ mun, amun `sɔnnzɔn ase wunlɛ, sinnglinfuɛ mun, amun `suan ngwlɛlɛ.

Ezai 28:26

I Nyanmiɛn'n yɛ ɔ kleli i i yowlɛ nin-ɔn. I yɛ ɔ kleli i like bɔ be yo be'n be su ngwlɛlɛ nin-ɔn.

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Efɛzfuɛ Mun 1:8

i klun-ufue'n ti. I ngwlɛlɛ b'ɔ si i'n nin i sa kwlaa wlɛ wunlɛ'n ti,

Efɛzfuɛ Mun 3:10

Ɔ man kɛ ɔ fin ndɛ'n, nyanmiɛn su lɔ mmusu nin ngbɛn-ngbɛn'm be `wun Nyanmiɛn i ngwlɛlɛ'n ninnge ng'ɔ yo be Asɔnun'n nun'n be kwlaa, be nun.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.