Nyanndra Mun 8:10 - NYANMIƐN NDƐ'N 1998

¹⁰ Mín nuan su ndɛ nga n fa mannin amun'n an `fa amún wla gua su, an `fa gua su tra sika. Akunndan nga m mannin amun'n, man ɔ yo amun nanndoliɛ tra sika ɔkwlɛ'n, ɔ tra sika ɔkwlɛ ng'ɔ ti jrɛiin kpa'n.

Nyanndra Mun 8:10 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:15

Be fa-man sika ɔkwlɛ kpɔlɛ be to-man. Be sunnzun-man jɛtɛ ufue be fa to-man.

Zɔb I Nyrɛnnɛn Wunlɛ 28:17

I sika ɔkwlɛ o, i vɛr o, be kwla fa-man be wie fi sunnzun-mɛn i. Kannzɛ sika ɔkwlɛ jrɛiin'n ɔ yi kpongbo, be kwla fa kaci-mɛn i.

Jue Mun 119:127

N klo ɔ mmla mun tra sika ɔkwlɛ'n. I kpa'n bɔ n klo i tra sika ɔkwlɛ jrɛiin.

Jue Mun 119:162

Nda nga a ta min kɛ a ´yo like man min'n, nda sɔ bɔ a ta min'n, ɔ jɔ min klun kɛ anyanbeun like yɛ m'an nyɛn i sa.

Jue Mun 119:72

Mmla ng'ɔ fin ɔ́ nuan nun fite'n, ɔ ti kpa tra like akpi bɔ be fa jɛtɛ ufue annzɛ sika ɔkwlɛ be yo'n.

Nyanndra Mun 10:20

Sran kpa'n i nuan nun ndɛ'n ɔ ti kɛ sika mɔnnɛn'n sa. Sran tɛfuɛ'n kusu i klun akunndan'n ɔ yo-man like fi ye.

Nyanndra Mun 16:16

Sɛ be kpɛ akunndan'n i wun atin nan be nyɛn i'n, ɔ ti kpa tra sika ɔkwlɛ. Sɛ be kpɛ ngwlɛlɛ'n i wun atin nan be nyɛn i'n, ɔ ti kpa tra jɛtɛ ufue.

Nyanndra Mun 20:15

Sika ɔkwlɛ nin nɛnnglɛnman'n, be di-man be yalɛ. Sanngɛ like nga i kpa ti be nyɛn-mɛn i'n, yɛlɛ bé nuan waka b'ɔ si ijɔ'n.

Nyanndra Mun 23:23

Sɔnnzɔn nanwlɛ dilɛ'n, sɔnnzɔn akunndan bulɛ'n, kunndɛ sa silɛ'n, yo sa cɛcɛ yofuɛ, i sɔ ninnge kpakpa liɛ mun'n, kɛ bé ti ko sin ko yia wɔ'n, nán ɔ́ nyin kpa wie fi su.

Nyanndra Mun 8:19

Like nga n fa man sran'n, i kpa tra sika ɔkwlɛ jrɛiin kpafuɛ'n. Be nyan su tra jɛtɛ ufue nga fiɛn nun-man nun'n.

Akunndanfuɛ'n 7:11

Ngwlɛlɛ'n ɔ lɛ nyrun kɛ aja bɔ b'a sie'n ɔ fa lɛ nyrun'n sa. Yɛlɛ kɛ ɔ ti sran'm be kwlaa be wun nyanman nun.

Sa nga bé yôli'n 3:6

Sanngɛ Piɛr seli i kɛ: «Jɛtɛ ufue nin sika ɔkwlɛ liɛ'n, n lɛ-man wie, sanngɛ like nga n lɛ i'n n ´fa man wɔ. Jésus-Krist b'ɔ fin Nazarɛt'n i dunman nun jao nanti!»

2 Korɛntfuɛ Mun 6:10

Be bo é wla, sanngɛ e klun jɔ titi, be bu e yalɛfuɛ, sanngɛ e yo man sran kpanngban be nyan bé wun, yɛ be bu e kɛ e lɛ-man like fi, sanngɛ ninnge'n kwlaa ti sin yia ye.