Nyanndra Mun 7:7 - NYANMIƐN NDƐ'N 1998

⁷ Ɔ liɛ gbanflɛn nga be si-man sa'n, be nun yasua kaan kun i sinnzin liɛ tra ngba, i sɔ'n ti nan m'an sie i nzɔliɛ.

Nyanndra Mun 7:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 24:15

Sran ng'ɔ kunndɛ sran'm bé yi mun'n, ɔ sa cɛiin ɔ minndɛ kɛ sɛnzɛ'n ɔ tɔ. I waan: «Sran fi su wun-man min.» Ɔ fa tannin kɛtɛ i nyrun.

Jue Mun 119:130

Sran ng'ɔ wun ɔ ndɛ'm be wlɛ'n, i nyin'n uke. Sran nga be bɔbɔ be kwla uka-man bé wun'n, ɔ man be ngwlɛlɛ.

Jue Mun 19:7

Ɔ fɛ i nyanmiɛn'n i bue kun lɔ ɔ kɔ lele kpɛn i bue kun lɔ ekun. Like fi nun-man lɛ b'ɔ kpɛjɛ-mɛn i su-ɔ.

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 1:4

I waan ɔ ´bu i sɔ nan be nga be si-man sa'n, b'a si like ng'ɔ ti kpa'n annzɛ ng'ɔ ti tɛ'n, nan gbanflɛn'm b'a si sa, nan b'a si akunndan bulɛ'n i wun atin'n.

Nyanndra Mun 10:13

Sran ng'ɔ si ngwlɛlɛ'n, kɛ ɔ ´ijɔ sa'n be wun i, sanngɛ sran ng'ɔ wun-man sa wlɛ'n, ngble'n yɛ ɔ jin i sin'n su-ɔ.

Nyanndra Mun 12:11

Sran ng'ɔ di fie'n, ɔ nyan like di, i ku yi. Sran nga i liɛ finfin ninnge'n yɛ i waan be fa mɛn i man ɔ yo'n, i sɔ sran liɛ'n ɔ wun-man sa wlɛ.

Nyanndra Mun 14:15

Sran nga i bɔbɔ ɔ kwla ukɛ-mɛn i wun'n, ɔ lafi ndɛ kwlaa nga be kan kle i'n su. Sran ng'ɔ si sa'n kusu, ɔ niɛn i ja ng'ɔ tu'n su kpa.

Nyanndra Mun 14:18

Sran nga be bɔbɔ be kwla uka-man be wun'n be like liɛ'n, yɛlɛ sinnzin'n, sanngɛ be nga be ti akunndanfuɛ'n, be si sa.

Nyanndra Mun 19:2

Sɛ a ´yo like wie bɔ a lɛ-mɛn i wun akunndan mlɔnmlɔn'n, ɔ ti tɛ man wɔ. Sɛ a kpli yo sa'n, ɔ cɛ-man nan fɔnlɛ ɔ'a tran nun.

Nyanndra Mun 19:25

Kɛ be ´bo sran nga b'ɔ yo i wun dandan'n, sran ng'ɔ si-man ngwlɛlɛ'n ɔ fa tu i wun fɔ. Sran nga kusu b'ɔ si ngwlɛlɛ'n, be kan ndɛ be kle i-ɔ, ɔ fa.

Nyanndra Mun 22:3

Sran ng'ɔ ti ngwlɛlɛfuɛ'n, kɛ ɔ wun kɛ ndɛ tɛ wie su ba'n, kpɛkuun ɔ'a cuɛn i wun ɔ'a yi i ja. Sanngɛ be nga be bɔbɔ be kwla uka-man be wun'n be liɛ'n, be ko kuku bé wun yi nun, kpɛkuun b'a wun i nuan sa fiaan.

Nyanndra Mun 24:30

Cɛn kun n sinnin fuɛnfuɛ komofuɛ kun i vinyi fie'n wun lɛ.

Nyanndra Mun 27:12

Kɛ ngwlɛlɛfuɛ'n wun ndɛ'n bɔ ɔ'a wla trɔ b'ɔ ´ba'n, ɔ cuɛn i wun. Sanngɛ sran nga i bɔbɔ ɔ kwla ukɛ-mɛn i wun'n, ɔ fɛ i wun ko yi nun. Ɔ man kusu ɔ isa ndɛ sɔ'n i bo nzuɛn'n.

Nyanndra Mun 5:1

Mín wa, akunndan nga m man wɔ'n, sie ɔ́ su tie i kpa. Ngwlɛlɛ nga n kle wɔ'n, sie ɔ́ su tie.

Nyanndra Mun 6:20

Mín wa, ngwlɛlɛ nga ɔ́ si kle wɔ'n, man ɔ ka ɔ klun. Afɔtuɛ nga kusu bɔ ɔ́ nin man wɔ'n, nán man ɔ gua ɔ́ su sin.

Nyanndra Mun 6:32

Sanngɛ sran ng'ɔ kunndɛ i wiengu yi'n, ngwlɛlɛ sa'n, ɔ nun-mɛn i ti liɛ'n nun. Sran ng'ɔ kunndɛ kɛ awieliɛ wie i'n, yɛ ɔ yo i sɔ sa liɛ nin-ɔn.

Nyanndra Mun 8:5

Ambɛfuɛ mun, amun `sɔnnzɔn ase wunlɛ, sinnglinfuɛ mun, amun `suan ngwlɛlɛ.

Nyanndra Mun 9:16

Ɔ flɛ be se be kɛ yoo: «Sran ng'ɔ si-man ngwlɛlɛ'n, ɔ `wlu wa.» Sran nga b'ɔ wun-man sa wlɛ'n kusu ɔ se i kɛ yoo:

Nyanndra Mun 9:4

«Sran nga b'ɔ wun-man sa wlɛ'n, ɔ `wlu wa!» Be nga be si-man ngwlɛlɛ'n, ɔ se be kɛ yoo:

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Matthieu 15:16

Yɛ Jésus seli kɛ: «?Amun kusu an wun-man sa wlɛ?