Nyanndra Mun 6:6 - NYANMIƐN NDƐ'N 1998

⁶ Fuɛnfuɛ, ko nian ijrewa mun. Nian be like bɔ be yo'n su siin. Sɛ a nian su'n, a wa nyan akunndan i nun!

Nyanndra Mun 6:6 ပူးပေါင်းရင်းမြစ်များ

Nyanndra Mun 1:17

?Anunman b'ɔ lɛ ndɛwa b'ɔ tu-ɔ ɔ yo ye'n, kɛ i nyin ta wɔ bɔ a guɛ i wun tɛ'n, nán ɔ́ wun yalɛ yɛ a kle-ɔ?

Nyanndra Mun 10:26

Kɛ wawle lomin ɔ nyan be je'n annzɛ sin wɛnsrɛn ɔ wlu be nyinman su'n, kɛ a sunman fuɛnfuɛ'n kɛ ɔ wla wɔ klunngbɔ sɔ-ɔ.

Nyanndra Mun 10:4

Sran nga i ja kan-man i sa kan-man'n, ɔ di yalɛ. Sanngɛ be nga bé sa waka'n ti kekle'n, be nyan bé wun.

Nyanndra Mun 13:4

Like nga fuɛnfuɛ'n i anwlɛn o su'n, ɔ nyɛn-mɛn i le. Sran ng'ɔ ti juejue'n i liɛ'n, ɔ yo i like liɛ'n lele ɔ nyan su like.

Nyanndra Mun 15:19

Fuɛnfuɛ'n i atin liɛ ng'ɔ sin nun'n ɔ ti owie ngunmin. Sran kpa'm be liɛ'n kusu ti weiin.

Nyanndra Mun 18:9

Sran nga b'ɔ lafi-mɛn i junman'n su di-man'n, ɔ nin sran nga b'ɔ saci junman'n, be nnyɔn'n be ti kunngba.

Nyanndra Mun 19:15

Fuɛnfuɛ'n i junman b'ɔ di'n yɛlɛ lafilɛ. Sran nga kusu b'ɔ kwlɛ-mɛn i wun keje'n, awe'n yɛ ɔ ´kun i-ɔ.

Nyanndra Mun 19:24

Fuɛnfuɛ'n ɔ fɛ i sa wlɛ i aliɛ talie'n nun, sanngɛ ɔ kwla fa wlɛ-mɛn i nuan nun.

Nyanndra Mun 20:4

Junman dilɛ'n ju-ɔ, fuɛnfuɛ'n waan ayrɛ o nun i ti ɔ di-man wie, sanngɛ kɛ aliɛ'n ko fite'n, kpɛkuun i waan ɔ ´kunndɛ wie di, sanngɛ kusu ɔ nyɛn-mɛn i.

Nyanndra Mun 21:25

Fuɛnfuɛ'n i konvi'n yɛ ɔ kun i-ɔ. Afin i sa kan-man i ja kan-man.

Nyanndra Mun 22:13

Kɛ fitelɛ yo-man fuɛnfuɛ'n i fɛ'n ti, kpɛkuun ɔ ko se kɛ yoo: «Asɔmɔli kun wo gua su lɔ. Sɛ n fite-ɔ, ɔ ko kun min gua'n i afiɛn.»

Nyanndra Mun 23:19

Mín wa, sie ɔ́ su mín nuan bo nan fa akunndan. Atin ng'ɔ ti kpa'n yɛ kunndɛ fa su-ɔ.

Nyanndra Mun 30:24

Nnɛn kanngan nnan be o asiɛ'n su. Be ngwlɛlɛ nga be si i'n ɔ ti dan.

Nyanndra Mun 30:25

Ijrewa'm be lɛ-man wunmiɛn mlɔnmlɔn, sanngɛ aliɛ nga be ko di'n, kɛ wawa'n ko kpɛn'n be kunndɛ be sie.

Nyanndra Mun 6:9

Ɔo! ?Fuɛnfuɛ tɛ, nan lafilɛ'n bɔ sa yɛ a ´lafi sa mlɔnmlɔnmlɔn-ɔn? ?Nan dɔ onin su ko yɛ a ´tinnge-ɔ?

Ezai 1:3

Nannin'n ɔ si sran ng'ɔ lɛ i'n, yɛ aflunmun'n kusu ɔ wun like nga i min'n ɔ fa sie i lɛ kɛ ɔ di nun'n i wlɛ, sanngɛ Izraɛl si-man sa, min nvle'n i nunfuɛ'm be wun-man sa fi wlɛ.

Zeremi 8:7

Anunman'n bɔbɔ b'ɔ tu sin'n, ɔ si i bo tulɛ blɛ. Crikoli, nin alialia'n, ɔ nin nannin anunman'n, be kusu be sie lika'n nzɔliɛ, be si be sin salɛ blɛ, sanngɛ min sran'm be si-man min Anannganman min mmla mun.› »

Matthieu 25:26

I min'n seli i kɛ: ‹A ti sran tɛ, a ti fuɛnfuɛ, ɔ fin ɔ nuan kɛ lika nga m'an gua-man awie lɛ'n, n kpɛ awie lɛ, yɛ n isa awie bɔ nán min yɛ m boli'n.

Matthieu 6:26

«An `nian anunman'm bɔ be tu sin'n, be gua-man awie, be kpɛ-man awie guɛ-mɛn i tanngannin nun, sanngɛ amún Si bɔ o nyanmiɛn su lɔ'n ɔ ta be. ?An ti-man kpa tra-man be?

Rɔmfuɛ Mun 12:11

Nán an yo fuɛn, sanngɛ an `yo keklefuɛ. An `yo sran waka-wakafuɛ. An `di e Min'n i junman'n kpa.

Hébreu 6:12

E klo-man kɛ an yo nvɛɛfuɛ, sanngɛ be nga be lafi Nyanmiɛn su'n, bɔ be tra be anwlɛn b'ɔ man be nyan like nga i waan ɔ ´fa man be'n, an nian be liɛ'n su yo.