Nyanndra Mun 6:32 - NYANMIƐN NDƐ'N 1998

³² Sanngɛ sran ng'ɔ kunndɛ i wiengu yi'n, ngwlɛlɛ sa'n, ɔ nun-mɛn i ti liɛ'n nun. Sran ng'ɔ kunndɛ kɛ awieliɛ wie i'n, yɛ ɔ yo i sɔ sa liɛ nin-ɔn.

Nyanndra Mun 6:32 ပူးပေါင်းရင်းမြစ်များ

Bo Bolɛ 41:39

Famiɛn'n seli Zozɛf kɛ: «Wɔ bɔ Nyanmiɛn yili sa nga i kwlakwla i nglo kleli wɔ'n, m'an wun-man sran fi b'ɔ si ngwlɛlɛ dan kɛ wɔ sa-a.

Ezipt Lɔ Tulɛ'n 20:14

Nán kunndɛ bla ɔ́ yi bo, annzɛ bian ɔ́ wun bo .

Nyanndra Mun 10:13

Sran ng'ɔ si ngwlɛlɛ'n, kɛ ɔ ´ijɔ sa'n be wun i, sanngɛ sran ng'ɔ wun-man sa wlɛ'n, ngble'n yɛ ɔ jin i sin'n su-ɔ.

Nyanndra Mun 10:21

Sran kpa'n i nuan nun ndɛ'n ɔ man sran kaka kpa be fa atin kpa su. Sinnzin wie yɛ be nga be wun-man sa wlɛ'n be wu-ɔ.

Nyanndra Mun 11:12

Sran ng'ɔ kɛn i wiengu wun ndɛ tɛ'n, wuun i sɔ sran liɛ'n wun-man sa wlɛ. Sran ng'ɔ si ngwlɛlɛ'n, ɔ ijɔ-man finfin.

Nyanndra Mun 12:11

Sran ng'ɔ di fie'n, ɔ nyan like di, i ku yi. Sran nga i liɛ finfin ninnge'n yɛ i waan be fa mɛn i man ɔ yo'n, i sɔ sran liɛ'n ɔ wun-man sa wlɛ.

Nyanndra Mun 2:2

fa ɔ́ su sie akunndanfuɛ'n i nuan bo, kplin ɔ́ nyin kunndɛ akunndan nun ndɛ mun,

Nyanndra Mun 24:30

Cɛn kun n sinnin fuɛnfuɛ komofuɛ kun i vinyi fie'n wun lɛ.

Nyanndra Mun 6:33

Be ´bo i bolɛ kpa nan b'a sokpɛ i b'a nannan su. I liɛ'n kɛ be ´cici'n yɛ ɔ tɔli-ɔ. I nyrun nyannzuɛn sa'n, ɔ su wie-man le.

Nyanndra Mun 7:7

Ɔ liɛ gbanflɛn nga be si-man sa'n, be nun yasua kaan kun i sinnzin liɛ tra ngba, i sɔ'n ti nan m'an sie i nzɔliɛ.

Nyanndra Mun 8:36

Sran ng'ɔ yo min tɛ kusu-ɔ wuun ɔ ti kɛ ɔ'a yo i bɔbɔ wun tɛ. Be kwlaa nga be kpɔ min'n, ɔ ti kɛ wuun be klo wie'n ti-ɔ.

Nyanndra Mun 9:4

«Sran nga b'ɔ wun-man sa wlɛ'n, ɔ `wlu wa!» Be nga be si-man ngwlɛlɛ'n, ɔ se be kɛ yoo:

Zeremi 5:21

‹Sran sinnglinfuɛ'm bɔ be wun-man sa wlɛ, bɔ be nyinma'n wo lɛ ngbɛn, be wun-man ase'n, be su'm be o lɛ ngbɛn, be ti-man sa'n, an `sie amun su .›

Zeremi 5:8

Kɛ be ´kpan be su be wiengu'm bé yi'm be su sa'n, ɔ waan nnɛn kpanngɔ bɔ b'a cɛn kpa bɔ be su wlan kunndɛ bla fu i'n sa.»

Ezekiɛl 18:31

Amun `gua sa tɛtɛ bɔ be kacili amun nzuɛn'n be blo mmua mmua lɔ. Man amun anwlɛn'n kaci uflɛ, man amun akunndan'n ɔ yo uflɛ. ?Izraɛlfuɛ mun, nguɛ ti yɛ amun klo kɛ amun ´wu-ɔ ?

Ndɛ Nga Nyanmiɛn I Nuan Ijɔfuɛ Oze Kannin'n 13:9

Izraɛlfuɛ mun, amun nunnunlɛ'n ɔ fin min wun bɔ amun jasoli'n. ?Wan yɛ ɔ wa uka amun-ɔn?

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.