Nyanndra Mun 6:25 - NYANMIƐN NDƐ'N 1998

²⁵ Nán niɛn i klanman'n ti klo i nan `wu i ti. Nán tran lɛ nan ɔ fɛ i nyinma'n laka wɔ.

Nyanndra Mun 6:25 ပူးပေါင်းရင်းမြစ်များ

2 Famiɛn Mun 9:30

Zei sɛli i sin bali Zizreɛl. Kɛ Zezabɛl tili i kɛ Zei ɔ'a ju lɛ'n, ɔ fali like jɛli i nyin sin ndrɛ'n su klanman kpa, ɔ dili talua kpa. Kpɛkuun ɔ wa jrannin fenɛtri'n nun.

Zɔb I Nyrɛnnɛn Wunlɛ 31:1

N tali nda kɛ n fa-man min nyinma n kpɛ-man talua wie kannglɛ.

Ngɔjue Fɛfɛ Kpa'n 4:9

Min niaan bla, min yi, kɛ a to ɔ́ nyin mín su sa'n, sɛ kpɛ kunngba bɔbɔ-ɔ, n jran-an ɔ jran-man kun. Kɛ n nian ɔ kɔmin afle'n, sɛ kpɛ kunngba cɛ yɛ n niannin bɔbɔ-ɔ, n jran-an ɔ jran-man kun.

Ezai 3:16

Anannganman waan: «Kɛ bɔ Siɔn bla'm be tu bé wun'n, kɛ bɔ be ´nanti-ɔ be tinngɛ be kɔmin'n nun'n, kɛ bɔ be ´nian sran-an, be kacikaci be nyinma'n nan be `kannvun be'n, kɛ bɔ be ´nanti-ɔ, be tu bé ja'n kunngun-kunngun wuun bé ja nga'm be ´tɛ gleinglein'n ti'n,

Zeremi 4:30

?Zerizalɛm, a ´wla tralɛ klanman'n nin njuaba'n ´fa yo nguɛ? ?A ´yo ɔ nyinma sin gale'n ´yo nguɛ? A di talua-a a ´di i ngbɛn. Ɔ klofuɛ'm bé nyin ´ci wɔ siɛn'n. Kunlɛ yɛ be ´kunndɛ kɛ be ´kun wɔ-ɔ.

Ezekiɛl 23:40

I kunngba'n, be ko yiali yasua'm bɔ be fin mmua mmua'n. Be sunmannin sran ɔ ko flɛli be yɛ be bali-ɔ. Be dunman nun be wunnzinnin, be wlali bé nyin bo gale. Be wlali talua dilɛ ninnge mun.

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

Mmla'n 5:21

Nán man ɔ́ nyin blo ɔ wiengu i like wie su, i yi o, i sua o, i fie o, i sa nun junman difuɛ yasua o, i sa nun junman difuɛ bla o, i nannin o, i aflunmun o, nán man ɔ́ nyin blo wie fi su .»